الموضوع: المواتير الى تركب على بونتو 95

انا معايا بونتو 95 ....بصراحة العربية هايلة جدا سواء من ناحية الامكانيات أو قطع الغيار....إمكانياتها حلوة مقارنة بفئتها وقطع غيارها متوفرة وأسعارها معقولة.
بالنسبة للعربيات المقطعة ...فهي عربيات مستعملة مستوردة من برة ولكن قبل ما تطلع العربيات دي من بلدها بيقوموا بتقطيع العربية ...يعني يقصوها من النص بالصاروخ وتتصدر على جزأين وطبعا الشاسيه بيتفك منها قبل ما تتصدر....يعني من الأخر لو حد عمل حادثة لا قدر الله بعربيته وباظ من النص الأمامي أو النص الخلفي فهو يقدر يشتري نص عربية ويلحمه على الشاسيه وعادة مفيش حد بيشتري نص عربية كامل فالتجار بيروحو عاملين حاجة ظريفة....لو حد عايز أي قطعة من أي نص يروحو فاكينها وبايعنها لوحدها....وبالتالي يكسبوا اكتر في كل نص.... عندك مثلا لو الدرج بتاع طفاية السجاير اتكسر مش هتلاقيه جديد بس هتلاقيه عندهم ولو رفرف مثلا حصله وحاجة وحبيت تغيره تقدر تشتريه من عندهم وترشه وهتلاقيه أرخص من الجديد... وهكذا

طيب ممكن تفيدنى اية الاماكن الموجود فيها قطع غيار الاستيراد وافضلها

المشاركة الأصلية كتبت بواسطة SmartMega

السلام عليكم
انا أتصلت يا جماعه بالأستاذ الفاضل اللي بيقول انه عنده مواتير 7 غيار
الراجل قالي انه عنده متورين للبونتو الأول 1400CC وده ب 2500 او 3000 مش فاكر وفي موتور تاني بتاع بونتو بس موتور رياضي 1600cc وده ب 3500 الراجل ده في العجمي في أسكندريه وأنا عن نفسي بأنصح الأخ الفاضل انه يشتري موتور تاني ويريح دماغة من حوار العمرة ده

شكرا لاهتمامك وكتابة اسعار المواتير
بس انا لية مش عارف هو اللى بيبيعهم مش كان راضى يكتب الاسعار لية علشان الناس كلها تستفاد ؟؟

يا جماعة لو انا جيبت ماتور 1600 مش هاحتاج شدادات او تغيير عفشة او اى حاجة علشان متأثرش على الشاسية