سؤال فنى لاصحاب الخبرة
كنت عايز اسأل انا الموتور بتاعى ضعف وقدامى حل من الاتنين اما عمرة او تغيير موتور فكنت عايز اسأل اية من مواتير الفيات يركب عندى من غير تعديل فى الحوض او القواعد علما بأن السيارة بونتو 95
وشكرا ليكم
عرض للطباعة
سؤال فنى لاصحاب الخبرة
كنت عايز اسأل انا الموتور بتاعى ضعف وقدامى حل من الاتنين اما عمرة او تغيير موتور فكنت عايز اسأل اية من مواتير الفيات يركب عندى من غير تعديل فى الحوض او القواعد علما بأن السيارة بونتو 95
وشكرا ليكم
شكرا على الردود يا جماعة بس انا كان قصدى اية المواتير الاعلى من موتورعربيتى زى مثلا موتور فيات تمبرا هل ينفع يتحط للعربية من غير تعديل واذا كان لابد من تعديل فى القواعد هايبقى فى ضرر على العربية والشاسية
يا ريت تحط السعر اخرة كام علشان الكل يستفيد وشكرا يا باشا على التعاون
يا جماعة فى مشاركتكم انا عارف ان كل الى محتاج حاجة فى المنتدى دة لازم هايلاقيها علشان كدة انا سألتكم
يا ريت يا جماعة تفيدونى اخوكم محتاج للنصيحة
السلام عليكم ورحمة الله وبركاته
الأساتذة الفضلاء
أنا معروض علي بونتو 1993 لسة هاروح أشوفها إن شاء الله لمعاينة الحالة ولكن قبل ذلك أريد أن أسألكم هل هي سيارة جيدة وهل أداءها جيد وهل قطع غيارها متوفرة أصلاً أم يتعب صاحب السيارة للحصول عليها وهل سعرقطع الغيار جيد (مثلا طقم دبرياج الأكسنت كان أحسن نوع 360 جنيه للطقم كله فكام سعره في البونتو مثلا) وهل توجد أجزاء معينة يصعب إيجاد قطع غيار لها
سامحوني لكثرة الأسئلة ولكن لأني أول مرة أتعامل في هذا النوع (سابقا نسيان واكسنت)
لذا أريد نصيحة أخوية هل أذهب لمعاينة السيارة وإن كانت حالتها جيدة أتفاوض أم من المبدأ لا (السعر المعروض 26000
وعرفت أن ميكانيكي فصلهاب 22000)
جزاكم الله خير
السيارة بصراحة معايا ماشفتش منها اى حاجة وحشة هى عيبها بس موضوع انها واطية يعنى لازم تاخد بالك فى سواقتها مع المطبات العالية علشان ماتحكش
اهم حاجة شوف اساسيات العربية والموتور حالتة اية لو كلة تمام يبقى اتوكل على الله
موضوع قطع الغيار هتلاقى موضوع عن اسعار قطع غيارها فى لينك المواضيع الهامة بقسم الفيات وعموما هى اسعارها معقولة ومتوفرة
يعنى طقم الدبرياج ب 450 ودى اغلى حاجة وهتلاقى حاجات تانى تركى ارخص من كدة
يعنى اية موتور 7 غيار والموتور دة كام سىسى وكام حصان وحالة الموتور اية وشكرا على الردود
انا سمعت ان فى موتور 1300 بتاع اونو وده بيقولو جامد جدا
وحكايه مقطعه ياعنى عربيه قاموا بتقطيعها للاستفاده منها كاقطع غيار
انا معايا بونتو 95 ....بصراحة العربية هايلة جدا سواء من ناحية الامكانيات أو قطع الغيار....إمكانياتها حلوة مقارنة بفئتها وقطع غيارها متوفرة وأسعارها معقولة.
بالنسبة للعربيات المقطعة ...فهي عربيات مستعملة مستوردة من برة ولكن قبل ما تطلع العربيات دي من بلدها بيقوموا بتقطيع العربية ...يعني يقصوها من النص بالصاروخ وتتصدر على جزأين وطبعا الشاسيه بيتفك منها قبل ما تتصدر....يعني من الأخر لو حد عمل حادثة لا قدر الله بعربيته وباظ من النص الأمامي أو النص الخلفي فهو يقدر يشتري نص عربية ويلحمه على الشاسيه وعادة مفيش حد بيشتري نص عربية كامل فالتجار بيروحو عاملين حاجة ظريفة....لو حد عايز أي قطعة من أي نص يروحو فاكينها وبايعنها لوحدها....وبالتالي يكسبوا اكتر في كل نص.... عندك مثلا لو الدرج بتاع طفاية السجاير اتكسر مش هتلاقيه جديد بس هتلاقيه عندهم ولو رفرف مثلا حصله وحاجة وحبيت تغيره تقدر تشتريه من عندهم وترشه وهتلاقيه أرخص من الجديد... وهكذا
طيب ممكن تفيدنى اية الاماكن الموجود فيها قطع غيار الاستيراد وافضلها
السلام عليكم
انا أتصلت يا جماعه بالأستاذ الفاضل اللي بيقول انه عنده مواتير 7 غيار
الراجل قالي انه عنده متورين للبونتو الأول 1400CC وده ب 2500 او 3000 مش فاكر وفي موتور تاني بتاع بونتو بس موتور رياضي 1600cc وده ب 3500 الراجل ده في العجمي في أسكندريه وأنا عن نفسي بأنصح الأخ الفاضل انه يشتري موتور تاني ويريح دماغة من حوار العمرة ده
يا جماعة لو انا جيبت ماتور 1600 مش هاحتاج شدادات او تغيير عفشة او اى حاجة علشان متأثرش على الشاسية
معتقدتش يا أستاذ reco83 لأن الموتور ده أصلا بتاع البونتو بس اللي أنا متأكد منه انك لازم تغير الفرامل وتغير العفشه الأماميه علشان تستحمل تقل وعزم الموتور ولو عرفت حاجة غير كده هابقي أأقولك