السلام عليكم .....
أنا من عشاق اللادا بصراحة و بقوة تحملها و حاجات كتير بس بعد ما شوفت الفيديو ده بجد تنحت من المنظر .... هسيبكو مع الفيديو و ياريت حد يقولي ده ايه ده ...((ده اختبار تصادم للعربية اللادا 2107 و ده بتعملو منظمة ncap الروسية و المنظمة ديه عملت اختبارات كتير لعربيات تانية زي الانوس و الفيرنا و الكليو ... و بجد شوفت كل ده و عمري ماشوفت اللى حصل للادا قبل كده و لا في الصيني ))
http://www.youtube.com/watch?v=erJtIM5r7KE
على فكره الامان مش بمدى متانه الصاج الامان بعوامل المرونه و تقبل الصدمات
يعني ممكن المتانه لوحدها تأذي اكتر
عشان كده بنشوف العربيات الحديثه صاجها مثلا مش محمل زي اللادا بس لو لا قدر الله حصلت حاثه بتمتص الصدمه بعيدا عن الركاب
لووووووول دا الازاز اللي قدام طار كله :d
على فكرة المشكلة هنا ان صاجها محمل فاللاد 2107 مصممة كعربية ذات تكنولوجيا بسيطة جداً جداً للخدمة الشاقة يعنى زى ما شوفنا الخبطة مثلاً وصلت لجوه بدل ما مقدمة السيارة تستقبل الخبطة كلها وما تتنقلش للمقصورة الداخلية وده راجع ان اللادا 2107عربية مفيهاش معامل امان يعنى المقدمة مثلاً مفيهاش نقاط انهيار مفيش وسائد هوائية ولو بصيت على اختبار تصادم (هوندا - التويوتا - الدايو - الهيونداى )هتلاقى ماشاء الله الخبطة مبتوصلش للمقصورة الداخلية والكبوت بيمتص معظم الصدمة بالاضافة للوسائد الهوائية اللى بتحمى الركاب اما الللادا فالتابلوه دخل على الركاب بالنسبة لينا معظم الحوادث عندنا مبتحصلش كده والحمد لله لان شوارعنا والزحمة مبيسمحوش لحد يوصل للسرعة دى فبتبقى حوادث على سرعات بطيئة نسبياً وهنا الافضلية للادا ومننكرش ان موديلات لادا الاحدث فيها معامل الامان ونقاط انهيار فى المقدمة وبص على لقطات الفيديو دى :
لادا 2110 :
http://www.youtube.com/watch?v=XW5wZ...eature=related
لادا بريورا :
http://www.youtube.com/watch?v=b5BFr...eature=related
لادا 2116 :
http://www.youtube.com/watch?v=Icj8a...eature=related
وربنا يكفينا شر الحوادث
10/10اقتباس:
المشاركة الأصلية كتبت بواسطة AboMaro
فعلا الكلام دة صحيح
بس يا جماعة بردو القصد مش على الصاج بس ... المعروف ان شاسيه العربية متين عشان كده أثبت جداريه في شوارع المخروبة قصدي المحروسة ..... بس المفروض بقى انوا يتحمل أثر الخبطة دي و يبعدها عن كابينة الركاب لكن ده مبعدهاش نهائي و كمان هتلاحظوا ان الشاسيه اتعوج من أوله لأخره و ديه بردو حاجة غريبة ازاي خبطة من قدام تعوج الشاسيه من ورا .. و ده اللى أنا مستغربوا و مش بتكلم أكيد عن وجود airbags و لا لأ أنا قصدي ليه كل الأضرار ديه تحصل فعربية المشهد ليها بقوة التحمل و طول الكابوت و المعروف عن العربية ان كل مكونات الشاسيه و البودي حديد في حديييييييييد ....... وصلت ولااا؟؟؟
يا سلاااااااااااااام وجول وجول وجوللللللللللللل
من غير ماشوف الفيديو
في تجربه واقعيه ومؤسفه
عربيه لادا دخلت بسرعتها في ضهر عربيه فيات باليو
الباليو طبعا شنطتها اتبهدلت والقزاز اتفتت
بالنسبه للادا 2107
الموتور وصل لغايه التابلوه تقريبا
الكراسي الأماميه اتفكت من مكانها
انا كنت مذهول من المنظر
الحمد لله بمعجزه مكنش فيه إصابات
علشان الناس تعرف ان الأمان مش بقوة الصاج
انا ماكنتش اتوقع كده ابدآ من اللادا...
طيب الشاهين ظروفها ايه هي كمان ؟؟؟
الله يطمنكوا
اكيد الشاهين مالهاش اختبارات امان خالص
على ما اعتقد انها بتنتج عندنا احنا بس
فا اكيد اهل بلدك مش هايبوظوا عربيه علشان يعرفه هى امنه ولا لأ
شيء طبيعي جدا
عربيه تقريبا تصميمها من التمانينات ان ماكانش من السبعينات
و عمر تحمل الصاج كان بيحمي الركاب
الطبيعي انه يستحمل الصدمات الخفيفه و من السهل انه يترد
انما لا قدر الله لو علي سرعه فالعربيه هاتروح في شربه مايه
يانهار ................د
ياريت جميع أصحاب اللادا ياخدوا بالهم وربنا يسلم لهم طريقهم
ظهر لى فى نفس الرابط إختبار تصادم الهامر
http://www.youtube.com/watch?v=6g1tR0Y8vzU&NR=1
مكانش مفروض أشوف ده بعد ده
دا الحيطة هى اللى كانت هتتكسر من الهامر
الحمد الله الادا 2110 طلعت افضل بكتييييير من 2107 خدت 600 موش 900
طبعا اللي في مصر ما فهاش اير باج
ايه اللي حصل ده !!!!
انا ذهلت بصراحه
برغم ان العربيات الحديثه جسم السياره الخارجي ضعيف لكن في امتصاص للصدمات
انما العربيات القديمه اللي بيعمل بيها لاقدر الله حادثه بالشكل ده يبقى نترحم عليه علطول
دا الهيكل اللي حاطينو جوه العربيه اشتكى اكيد
hahahahhahahahhahaha :D:D:D:Dاقتباس:
المشاركة الأصلية كتبت بواسطة Dr Ahmed
sorry ya gama3a 3la raf3 el mawdoo3 bs m3rftesh amsek nafsy
هوا الأختبار دة بيكون على سرعة كام ؟
600 أو 70 أو 90 كم فى الساعة
يا جماعة دى لادا بملليم وسائد هوائية اية اللى بتكلمو عنها عوز وسائد هوائية يبق اشتريلك حاجة بميت الف وبعدين المكتوب مكتوب يعنى اللى متعرفهوش ان كل الحوادث اللى على سرعة 100 اللى بينجو منهم 10فى 100
يا جماعة افهمو احنا عمرنا ما بنعمل حوادث على السرعات دى وانا معظم الحوادث عندنا كلها قلب عربيات نتيجة الفرملة نادر لما تحصل حاجة زى دى والقلب افضل لان سعتها بتموت وتريح دماغك مش لسة حيطلعو ايد ورجل لوهدهم والراس كمان شوية لما يفكو الموتور حيطلعوها وبعدين مفيش اى وسائل لامان طلما العربية اتقلبت لاتقلى ايرباج ولا وسائد هوائية ولا ام الالى حتى طلما سقف العربية جة على الارض كله راح عند عزرائيل وانتهت القصة
بيتهيألى بعد تصادم الهامر دة العربية مجهزة انها تمشى بعد الحادثة تانى انا بس زعلان على العربيات اللى عمالة تتخبط دى وتتكسر ميدونى عربية من دول قبل ما يعملو عليها الاختبار وربنا يكفيهم شر طرقهم حراااااااااااااااام
العمر واحد و الرب واحد يا جماعه الخير كله مقدر و مكتوب.....
لو انت راكب جاجوار و ماشي 30 كيلو و ربنا كاتب انك هتموت هتموت....
الاهم و اللي المفروض نستفيده من الفيديو بتاع الادا انك تعمل حسابك و تمشي على مهلك توصل بسلام و اننا منتهورش....
و كفاكم الله شر الحوادث و حفظكم من كل شر...
امين
هو ده الكلام, بجد اللى معملش حادثة ميعرفش يعنى ايه انك تكون مسئول ان فى ام مش حتشوف ابنها تانى او ابن حيقضى بقيت حياته يتيم عشان واحد راحت عليه نومه و نزل مستعجل و مشى على 140 بدل 100, و بكل أمانة بو بصيت على اى حادثة فل الطرق السريعة حتلاقى اربع انواع من السيارات: النقل و الميكروباص ( الراعى الرسمى لللحوادث فى مصر), عربيات ناس عندها عربيات مش معمولة للسرعات العاليا زى ال127 و ال128 و طبعاً الشاهين ( ناس معدلة كل حاجة فل العربية عشات توصل ل 140 بس استخصروا يدفعوا فلوس فى فرامل محترمة توقف العربية بسرعة) و عربيات جامدة جدة متعرفش ازاى ده عملت حادثة زى الباسات و البى أم ( مش مهم ميين سايقها بس ساعات بيكون السبب عشان بيبقى جايب أخر العربية بيعدى ال 220 و حتى الباسات لا يمكن السيطرة عليها بالسرعة ده، لو كاوتش فرقع مش حتفرق ده باسات ولا توكتوك ) و أخيراً ناس غلبانة بغض النظر عن نوع عربياتها مشكلتها انها كانت موجودة بس فل الوقت الغير مناسب فل المكان الغير مناسب ( ساعات بتكون حتى ماشية على رجليها او راكبة مرسيدس حفيت عشات تعرف تلم فلوسها )اقتباس:
المشاركة الأصلية كتبت بواسطة x_gomgom
تانى أنا مع العضو x_gomgom " العمر واحد و الرب واحد يا جماعه الخير كله مقدر و مكتوب....."
اجمل ما في الموضع الفيديوهات
على فكرة أنا بس مجرد حطيت الفيديو للادا لاني اتصدمت بصراحة لان السرعة اللى بنتكلم عنها هي 60 كم !!!!!!!!!!!!
و بعدين أنا بس مستغرب من اللى بيقول انها متينه و صاج و اوعى مش عارف ايه ... و بالنسبة لموضوع الايرباج المشكلة مش فيه ... ما فيييييه عربيات كتير مافيهاش زي اللانوس و الفيرنا بس اختبار التصادم بتعهم حتى لومن غير ايرباج الجسم بيحمي السواق و مش بيوصل الحادثة للكابينة بالشكل الفظيع ده ...
على فكرة أنا كمان خالتى ( الله يرحمها ) كان السبب في موتها المخروبة اللادا في حادثة المفروض ان العربية تحميها ( من الجنب في الباب من ناحيتها ) بس قدر الله ما شاء فعل
الحمد لله على كل شيء و البقاء لله....
يا جماعه الخير بجد خلوا بالكم من سواقتكم ربنا يحفظكم تجربه الحوادث دي مؤلمه جداً كفاكم الله شرها...
دى العربية اتفرمت امال لو فيرنا ولا لانوس هيحصل اية
هو حوار متانة الصاج مش الحوادث الشديدة بس فى الحوادث العادية فعلا الادا نادرا اما بيجرلها حاجة و على العموم ربنا يكفينا و يكفيكم شر الحوادث
ezay elkalm da
اقتباس:
المشاركة الأصلية كتبت بواسطة fahd_628
قوة الصاج مهمة جدا لكن المشكلة مش فى قوة الصاج المشكلة فى تصميم هذا الصاج و تصميم هيكل السيارة كلة..
على فكرة السيارت الحديثة جدا بتستخدم انواع جديدة من الصلب قوى جدا ..لم تكن متوفرة ايام اللادا او الشهين ..لكن الصلب دة مستخدم فى اماكن معينة من هيكل العربية مش شرط يكون مستخدم فى جسم السيارة الخارجى ..
ده على سرعة 64 والعربية اتبهدلت كده !!! ياحافظ احفظنا يارب
الى مكتوب على الجبين لازم تشوف العين
وربك الحافظ