خدعوك فقالوا ...اللادا صاجها محمل .... اتفرج على المهزلة

**Viper911** · 26-01-2009 06:45 PM

السلام عليكم .....
أنا من عشاق اللادا بصراحة و بقوة تحملها و حاجات كتير بس بعد ما شوفت الفيديو ده بجد تنحت من المنظر .... هسيبكو مع الفيديو و ياريت حد يقولي ده ايه ده ...((ده اختبار تصادم للعربية اللادا 2107 و ده بتعملو منظمة ncap الروسية و المنظمة ديه عملت اختبارات كتير لعربيات تانية زي الانوس و الفيرنا و الكليو ... و بجد شوفت كل ده و عمري ماشوفت اللى حصل للادا قبل كده و لا في الصيني ))

http://www.youtube.com/watch?v=erJtIM5r7KE

**AboMaro** · 26-01-2009 06:53 PM

على فكره الامان مش بمدى متانه الصاج الامان بعوامل المرونه و تقبل الصدمات
يعني ممكن المتانه لوحدها تأذي اكتر
عشان كده بنشوف العربيات الحديثه صاجها مثلا مش محمل زي اللادا بس لو لا قدر الله حصلت حاثه بتمتص الصدمه بعيدا عن الركاب

**goofy_in_love** · 26-01-2009 08:55 PM

لووووووول دا الازاز اللي قدام طار كله :d

**محمد جلال** · 27-01-2009 12:21 AM

على فكرة المشكلة هنا ان صاجها محمل فاللاد 2107 مصممة كعربية ذات تكنولوجيا بسيطة جداً جداً للخدمة الشاقة يعنى زى ما شوفنا الخبطة مثلاً وصلت لجوه بدل ما مقدمة السيارة تستقبل الخبطة كلها وما تتنقلش للمقصورة الداخلية وده راجع ان اللادا 2107عربية مفيهاش معامل امان يعنى المقدمة مثلاً مفيهاش نقاط انهيار مفيش وسائد هوائية ولو بصيت على اختبار تصادم (هوندا - التويوتا - الدايو - الهيونداى )هتلاقى ماشاء الله الخبطة مبتوصلش للمقصورة الداخلية والكبوت بيمتص معظم الصدمة بالاضافة للوسائد الهوائية اللى بتحمى الركاب اما الللادا فالتابلوه دخل على الركاب بالنسبة لينا معظم الحوادث عندنا مبتحصلش كده والحمد لله لان شوارعنا والزحمة مبيسمحوش لحد يوصل للسرعة دى فبتبقى حوادث على سرعات بطيئة نسبياً وهنا الافضلية للادا ومننكرش ان موديلات لادا الاحدث فيها معامل الامان ونقاط انهيار فى المقدمة وبص على لقطات الفيديو دى :
لادا 2110 :
http://www.youtube.com/watch?v=XW5wZ...eature=related
لادا بريورا :
http://www.youtube.com/watch?v=b5BFr...eature=related
لادا 2116 :
http://www.youtube.com/watch?v=Icj8a...eature=related
وربنا يكفينا شر الحوادث

**zeyad1810** · 27-01-2009 01:16 AM

المشاركة الأصلية كتبت بواسطة AboMaro

على فكره الامان مش بمدى متانه الصاج الامان بعوامل المرونه و تقبل الصدمات
يعني ممكن المتانه لوحدها تأذي اكتر
عشان كده بنشوف العربيات الحديثه صاجها مثلا مش محمل زي اللادا بس لو لا قدر الله حصلت حاثه بتمتص الصدمه بعيدا عن الركاب

10/10
فعلا الكلام دة صحيح

**Viper911** · 27-01-2009 09:38 AM

بس يا جماعة بردو القصد مش على الصاج بس ... المعروف ان شاسيه العربية متين عشان كده أثبت جداريه في شوارع المخروبة قصدي المحروسة ..... بس المفروض بقى انوا يتحمل أثر الخبطة دي و يبعدها عن كابينة الركاب لكن ده مبعدهاش نهائي و كمان هتلاحظوا ان الشاسيه اتعوج من أوله لأخره و ديه بردو حاجة غريبة ازاي خبطة من قدام تعوج الشاسيه من ورا .. و ده اللى أنا مستغربوا و مش بتكلم أكيد عن وجود airbags و لا لأ أنا قصدي ليه كل الأضرار ديه تحصل فعربية المشهد ليها بقوة التحمل و طول الكابوت و المعروف عن العربية ان كل مكونات الشاسيه و البودي حديد في حديييييييييد ....... وصلت ولااا؟؟؟

**amirhamed** · 27-01-2009 10:22 AM

يا سلاااااااااااااام وجول وجول وجوللللللللللللل

**tamohsen** · 27-01-2009 11:08 AM

من غير ماشوف الفيديو
في تجربه واقعيه ومؤسفه
عربيه لادا دخلت بسرعتها في ضهر عربيه فيات باليو
الباليو طبعا شنطتها اتبهدلت والقزاز اتفتت
بالنسبه للادا 2107
الموتور وصل لغايه التابلوه تقريبا
الكراسي الأماميه اتفكت من مكانها
انا كنت مذهول من المنظر
الحمد لله بمعجزه مكنش فيه إصابات