ياريت تقول لنا رأيك بعد الـ تست داريف
عرض للطباعة
ياريت تقول لنا رأيك بعد الـ تست داريف
التجربه خير برهان وليس من رأى كمن سمع
انا عملت تست دريف النهاردة على الادفانسيد مشيت بيها حوالى 4 كم
العربية فى مجملها اداء رائع جداً اتزان وفرامل اكثر من رائعة
تقفيل الجنوب افريقى جيد جداً فخامة فى الصالون
اما موضوع الفيتس Mmt انا عامة سوقتى هادية فمحستش باى مشكلة خالص على E دريف صحيح كنت حاسس ان صوت الموتور عالى سنة بس دا يمكن علشان انا كنت مركز فى صوت الموتور
محستش انها هتبطل منى او فيها رجرجة فى العربية زى ما ناس بتقول بس كنت حاسس شوية بالنقلات بتعتها وانا الموضوع دة مش عامل لى مشكلة
المانيوال + & - رائع تحكم رائع وعزم قوى جدا من الفيتس او من دراعات الدريكسيون اللى شايف انها ميزة رائعة جداً جداً
Es دريف قوى جدا وصلت بية الى 150 كم بس للحظات طبعا العربية تست دريف ومش بتاعتى ومش واخد على ابعادها فكنت اقلقان شوية منها
انا راى الشخصى المتواضع الفتيس جديد وفعلاً لو اتعودت عليه اسبوعين هيعجبك جدا جدا
بس اقبل متسواقها لازم حد يشرح ليك الفتيس انا المهندس اللى كان معايا شرحى الفتيس Mmt وشغال ازاى وبعد كدة سوقت فمحستش بمشكلة
كمان انا شايف الناس اللى بتشترى من اى معرض الراجل فى المعرض مش بيشرح لية ازاى يستخدمة فالناس حاسة بمشكلة لانها متعودة على الاتوماتيك العادى وهيها مختلفة عنة جداً
اللى يجبها لازم يعرف الاول ازاى تتساق لو عرف مش هيحس باى مشكلة
بصراحة انا كنت متوقع اسوأ من كدة من كتر الكلام اللى سمعته فى المنتدى بس انا فوجئت من قوة وكفاءة العربية والفتيس الجميل طبعاً انا سوقتها مسافة ووقت صغير جدا فمقدرش اقيمها بس اديها فى العشر دقائق اللى سواقتها اجمالى تقيم 9 من 10
حاجة اخيرة فعلاً اللى شاف غير اللى سمع ولازم تجرب بنفسك وانت اللى تقيم
الف شكر يا باشا على المشاركة الرائعة والله حضرتك شجعتني جدا
يعني دلوقت الفتيس مافيهوش مشكلة بس هو مختلف عن الاوتوماتيك
طيب ايه الفرق بينه وبين الاوتوماتيك؟ وطريقة استعماله ازاي؟
معلش يا باشا انا هتعبك بس انا كلمت تويوتا ايجبت وقالولي مفيش تست درايف غير في العباسية ودة مشوار بعيد جدا علية
شكرا مرة تانية
انا راى الشخصى انة مفهوش مشكلة
المشكلة اساسا ان الناس بتعامل MMT على انة فتيس اتوماتيك وهو مش اتوماتيك هو فتيس مانيوال يعتى فية اسطوانة دبرياج زى المانيوال بالضبط
الاتوماتيك كل ما تدوس على البنزين الفتيس ينقل النقلة اللى بعدها
لكن الفيتس MMT مختلف لانة اساساً مانيوال
معنى كدة ان فية ناقلات بتحصل زى المانيوال هو انت لو سايق اى عربية مانيوال بتعامل اية اما تحب تنقل من الاول مثلاً للثانى بتشيل رجلك من على البنزين وبتدوس دبرياج وتنقل ..... صح؟
هو دة اللى بيحصل بالضبط فى الفيتس MMT ماعدا ان الكمبيوتر هى اللى بيعمل النقلات يعتى تشيل رجلك من على البنزين كدة الفتيس هينقل
الموضوع ممكن يكون صعب سوية فى الاول بس انا قلت دة محتاج شوية تعود
انا انصحك انك تيجى على نفسك وتعمل تست دريف فى العباسية او اللى فى التجمع متهاليى تستاهل المشوار
اما طريقة الاستخدام انا قريت تعليق للعضو WWael وكلامة صحيح جدا ً
طريقه استخدام الفتيس اولا النتشه الي بتحصل بين النقله و النقله دي نتيجه ان الكمبيوتر بيفصل الحركه(يدوس دبرياج) و ينقل ويرجع يسيب الدبرياج وممكن نقلل الاحساس بها عن طريق حساسيه الرجل علي دواسه البنزين عندما ندوس علي دواسه البنزين بخفه(رجلك خفيفه) الي بيحصل ساعتها ان العربيه بتنقل للنقله التاني و الثالثه و تجيب الرابع و لسه العربيه سرعتها مجبتش 50 كم فبنحس ان عزم العربيه عزمها ضعيف جدا و ضايع لان بتكون واخده الرابع و سرعتها لسه 50 كم و العربيه بتعمل كده لان الكمبيوتر بيفهم انك عاوز تمشي براحه و بكده بيوفر في استهلاك البنزين يبقي لازم رجلك تكون ثقيله شويه علي البدال لو مش عاوز ده يحصل معاك نيجي بقي لنقطه النقل لما بندوس علي البدال العربيه بتاخد سرعه الاول و الار بي ام بيعلى طول ما انت كابس علي الدوازه العربيه مش هتنقل و هتفضل تحرق علي الغيار لان الكمبيوتر بكبسك علي الدواسه بيفهم انك عاوز تحرق علي الغيار لازم ترفع رجلك سنه بسيطه جدا عن الدواسه عشان العربيه تنقل للغيار الي بعده(اكنك بترفع رجلك من علي البنزين و الكمبيوتر بيدوس دبرياج و ينقل بدل منك و ترجع تدوس بنزين تاني)اول ما هتخف رجلك من علي دواسه البنزين هتنقل العربيه للغيار التاني نرجع ندوس علي دواسه البنزين تاني لحد ما الار بي ام يعلى و نخف رجلينا عشان النقله الي بعدها و هاكذا لو حبينا نحرق علي غيار بتفضل كابس رجلك علي الدواسه مترفعش رجلك السنه الي قولنا عليها طيب نفرض اني ماشي علي الرابع و عاوز انزل نقله عشان ادي عزم للعربيه بضغط دواسه البنزين جامد الكمبيوتر بيفهم اني عاوز اجري فجئه بيسقط نقله اقل و بتلاقي العربيه جريت بس لما بيسقط نقله بيحرق عليها يعني مثلا انا علي الرابع و دوست بنزين جامد بينزل علي الثالث و بيحرق عليها شويه مبينقلش للرابع تاني بسرعه و ممكن كمان عن طريق البدالات الي في الدركسيون (+ , -) تستخدمها كمساعد بدل دواست البنزين و انت علي النظام الاتوماتيك يعني مثلا عاوز تنزل نقله تدوس - صوت الماتور علي و منقلتش دوس + عادي لما بندوس في اي وقت على +او- و احنا علي النظام الاوتوماتيك بيقلب مانيوال و بيرجع بعد كده اوتوماتيك لوحده تاني طبعا في اي وقت لو حبيت تعرف انت علي انه نقله حرك عصا الفتيس علي M هيظهرلك رقم الغيار في التابلو و رجعه تاني على E دا شئ عادي و مفهوش مشكله طبعا الموضوع بتحسه انه صعب او معقد لكن مع الممارسه هتلاقي بعد كده بتعمل كل ده تلقائي و هتلاقي نفسك حاسس بالعربيه و تصرفاتك بتطلع تلقائى للتحكم في العربيه بكده و بالطريقه دي انت متحكم في العربيه 100% طبعا في ناس هتقول ليه وجع الدماغ ده لازم نفهم ان الفتيس MMt فتيس مانيوال منعملهوش معامله الاوتوماتيك بكده اكننا بنسوق مانيوال بس في كمبيوتر بيسهل علينا شويه عمليه النقل و الدبرياج اما عن عيوب الفتيس فيه عيب فعلا ظهر و هو الكمبيوتر المسؤل عن النقل سعات بيكون فيه عيب صناعه لما بيسخن بيعلق و تلاقي العربيه مبتنقلش او تكون جايب الفتيس علي E و تلاقي العربيه على N في التابلوه ده بيكون عيب صناعه و التوكيل بيغير الكمبيوتر كله المسؤل عن النقل ببلاش لانه حصل معايا و التوكيل غيرهولي فعلا ببلاش و في معلومه كمان للمعرفه لما بنجيب عصايه الفتيس R سعات الكمبيوتر بيدي بيب(صوت) مره واحده و بعدين ينقل ويجيب النقله R وسعات بيدي 2 بيب و سعات بيدي 3 بيب وده بعتمد علي سرعه نقلك يعني مثلا لو كمنت ماشي للامام ووقفت بسرعه و جيبت العصا على R كله وري بعض يعني ساعتها بيدي 3 بيب و بعدين بيستجيب و ينقل و ده الكمبيوتر بيعمله عشان يدي شويه وقت لفصل الحركه و عكسها اما لو كنت ماشي للامام ووقفت و جيبت العصا علي R بس مش وري بعضه بسرعه يعني سيبت ثانيه او 2 قبل ما تحرك العصايه فبينقل علطول بعد بيب واحده اخيرا انا مش بشكر في الفتيس ده و لا بدافع عنه بس دي خلاصه تجربتي للاستفاده و عشان تعرف تتعامل مع الفتيس وشكرا
اما عن عيوب الفتيس فيه عيب فعلا ظهر و هو الكمبيوتر المسؤل عن النقل سعات بيكون فيه عيب صناعه لما بيسخن بيعلق و تلاقي العربيه مبتنقلش او تكون جايب الفتيس علي E و تلاقي العربيه على N في التابلوه ده بيكون عيب صناعه و التوكيل بيغير الكمبيوتر كله المسؤل عن النقل ببلاش لانه حصل معايا و التوكيل غيرهولي فعلا ببلاش
هو حضرتك عندك العربية ولا لسة هتشتريها؟
مش حضرتك كنت بتقول عملتلها تست دريف امبارح في العباسية؟
يا باشا انا عملت تست دريف يوم الجمعة اللى فاتت انا لسة مجبتش العربية
انت لو ركزت فى الكلام هتلقى انا ناقل كلام للعضو تانى اسمة WWael عند العربية وبيحكى عن تجربتة مع العربية والفتيس
وارد ان يكون فية مشكلة فى عربية او اتنين بس الجميل انا التوكيل غيرة ودية يطمن الواحد انة لو اشترى هيكون فية توكيل كويس
انا ناوى اشترى الايام اللى جاية ان شاء الله
على فكرة اسعار التويوتا هتغلى من 15 فبراير انا قريت الكلام دة امبارح فى ملحق السيارات فى جريدة الاخبار والكلام دة للمهندس مصطفى شاهين مدير تويوتا ايجيبت
يا ترى سألت على اسعار العربية ولا لسة واية احسن سعر جبتة ومنين ؟
فعلا هتغلى يوم 15 وهتبقى 138 الف وتقريبا دلوقتى ب 134 الف
انا رايىء روح سمير ريان وشوف اسعاره ايه او شوف ابو سمره هو موزع معتمد لتويوتا ايجبت فى المهندسين وده اللى سمير ريان بيجيب منه العربيات الكورولا انا عربيتى جبتها من سمير ريان وورق الافراج مكتوب عليه ابو سمره
وبالتوفيق ان شاء الله وابقى قولنا تقييمك ان شاء بعد ما تجيبها
وتقبل تحياتى
م:احمد
للاسف العربية غليت النهاردة يعنى بقت 138 تقريبا ً غليت 3 الاف جنية
حاجة غربية اوى مصطفى شاهين مدير تويوتا ايجيبت اقال هتغلى يوم 15 فبراير هما بقا غلوها النهاردة 2 فبراير
واضح ان كلام المير مسموع اوى فى تويوتا :C_laugh[1]:
انا مش هجبها ويارب تصدى
السلام عليكم ورحمه الله وبركاته
انا كنت محتار مثلك تماما عند الشراء واخيرا قررت اني اشتري تويوتا كرولا بس اشتريتها خليجي اتوماتيك كامله ما عدا فتحة السقف
وتم الشراء بعد اقتناع شخصي مني لان السيارة في مصر ينظر لها من المفهوم الاستثماري يعني سعر اعادة البيع ببساطه احنا شعب اشاعات وطالما ان فيه اشاعه طالعة علي الجنوب افريقي انها فيها مشكله فان سعر اعدة بيع السيارة سيتأثر بتلك الاشاعه حتي لو انها مجرد اشاعه
الخليجي ياباني 100% وانا باثق في الصناعه اليابانيه
السياة معايا كويسه بفضل الله تعالي
وربنا يوفقك ان شاء الله
-