كورولا 2009

**mido88_4u** · 27-01-2009 04:07 AM

السلام عليكم ورحمة الله وبركاته
يا جماعة انا قررت اشتري كورولا 2009 اليومين دول انشاء الله بس خايف من الكلام الكتيييييييييييييييييير اللي بيتقال على الفتيس ياريت الناس اللي عندها العربية يدوني كلام نهائي
هل الفتيس فعلا فيه مشاكل؟
الكلام اللي سمعته اداني انطباع ان الفتيس بتاعها لا يطاق وان هيجيلي اكتئاب وهبكي بدل الدموع دم لو اشتريت العربية دي هل فعلا الفتيس بتاعها مزعج اوي بالشكل دة؟
واخيرا اذا كان فعلا الفتيس فيه عيوب هل هي عيوب مقبولة يمكن التغاضي عنها ام لا؟
يا ريت تساعدوني ياجماعة ارجوكم

**sherifahmed** · 27-01-2009 08:38 AM

حضرتك مستعجل على العربية اوى؟

**ashrafE51** · 27-01-2009 09:18 AM

أعمل تست دريف في التوكيل ---

العربية هي مانيول اتوماتيك ---- وهو احساس بالنقله ابسط من احساسك بنقلة المانيول ---

**ashrafE51** · 27-01-2009 09:27 AM

المشاركة الأصلية كتبت بواسطة mido88_4u

السلام عليكم ورحمة الله وبركاته
يا جماعة انا قررت اشتري كورولا 2009 اليومين دول إن شاء الله بس خايف من الكلام الكتيييييييييييييييييير اللي بيتقال على الفتيس ياريت الناس اللي عندها العربية يدوني كلام نهائي
هل الفتيس فعلا فيه مشاكل؟

الفيتس ليس به مشاكل --- جرب العربية واعمل تست درايف ليها ...
---
وربنا يهدي لك الحال باختيار السيارة المناسبه ... ويكفيك شر الطريق امين يارب العالمين ...

الكلام اللي سمعته اداني انطباع ان الفتيس بتاعها لا يطاق وان هيجيلي اكتئاب وهبكي بدل الدموع دم لو اشتريت العربية دي هل فعلا الفتيس بتاعها مزعج اوي بالشكل دة؟
=== ليس لهذه الدرجه ...

واخيرا اذا كان فعلا الفتيس فيه عيوب هل هي عيوب مقبولة يمكن التغاضي عنها ام لا؟

احساس بسيط بالنقله .. وليس بها مشاكل

اعمل تستدريف
يا ريت تساعدوني ياجماعة ارجوكم

اللهم اهدي لك الطريق واجعل لك طريق الهدايه ...

**khaledsl** · 27-01-2009 11:16 AM

السلام عليكم ورحمه الله
1-ال>هاب للتوكيل بالعباسيه وعمل تيست دريف او التحدث مع المبيعات هيشرحوا كل حاجه عن الفتيس.
2-الفتيس عايز تدريب للسواقه لمده اسبوع او 2 للتعود عليه وهو مش سيئ ولا به عيوب اطلاقا
3- العربيه تقفيل جيد جدا -عاليه عن الارض-مصفحه من اسفل الماتور -سعر اعاده بيع جيده ومرضيه-اسعار قطع الغيار متوسطه او نسبيه البعض يرها مرتفعه والبعض لا او عادي
4-خدمه مابعد البيع ومركز الصيانه جديد جدا
وربنا يعمل اي فيه الخير

**feras_elngar** · 27-01-2009 11:17 AM

أعمل تست دريف في التوكيل ---

لازم تجربها قبل ما تشتريها

وانا رأى الشخصى الفتيس ده مينفعش للشباب اللى عايز تفحيط وحركات واوفردرايف ( اللى عايز الكلام ده عليه بالمانيوال )

انما لو انت سواقتك هادية الفتيس مش هيعمل معاك مشاكل لان ساعة ما الفتيس بيفصل التروس عن المكنه صوت الماكنة هيعلى قوى لو انت دايس بنزين قوى وهتحصل المشاكل اللى الناس بتشتكى منها عشان العربية موش هترجع توصل لتروس و ال RPM عالى

الخلاصة
سواقتك هادية وعايز سحب تمام فى المعقول خد MMT
عايز تفحيط وخلافه عليك بالمانيوال

استهلاك العربية 1.6 MMT
6.5 لتر لكل 100 كيلو ......

انا شوفت عربية ديهاتسو سريون 1000 سىسى بنفس الاستهلاك ده
مع الفارق السحب الجامد جدا للكورولا

بالنسبة للعربية من جوه :

العدادت الاوبتترون رائعة

التشطيب جيد جدا
الفرامل ناشفة شوية انما امان طبعا
العربية تقيلة و متزنة عالطريق
عيبها انها ضخمة و هتتعبك فى الركن

لو انت فى القاهرة
العزل الصوتى داخل العربية

يتجاوز 95 % لو قفلت الازاز .. هتحس انك فى دنيا تانية

بالتوفيق ان شاء الله

**ashrafE51** · 27-01-2009 11:53 AM

المشاركة الأصلية كتبت بواسطة feras_elngar

لازم تجربها قبل ما تشتريها

وانا رأى الشخصى الفتيس ده مينفعش للشباب اللى عايز تفحيط وحركات واوفردرايف ( اللى عايز الكلام ده عليه بالمانيوال )

انما لو انت سواقتك هادية الفتيس مش هيعمل معاك مشاكل لان ساعة ما الفتيس بيفصل التروس عن المكنه صوت الماكنة هيعلى قوى لو انت دايس بنزين قوى وهتحصل المشاكل اللى الناس بتشتكى منها عشان العربية موش هترجع توصل لتروس و ال RPM عالى

الخلاصة
سواقتك هادية وعايز سحب تمام فى المعقول خد MMT
عايز تفحيط وخلافه عليك بالمانيوال

استهلاك العربية 1.6 MMT
6.5 لتر لكل 100 كيلو ......

انا شوفت عربية ديهاتسو سريون 1000 سىسى بنفس الاستهلاك ده
مع الفارق السحب الجامد جدا للكورولا

بالنسبة للعربية من جوه :

العدادت الاوبتترون رائعة

التشطيب جيد جدا
الفرامل ناشفة شوية انما امان طبعا
العربية تقيلة و متزنة عالطريق
عيبها انها ضخمة و هتتعبك فى الركن

لو انت فى القاهرة
العزل الصوتى داخل العربية

يتجاوز 95 % لو قفلت الازاز .. هتحس انك فى دنيا تانية

بالتوفيق ان شاء الله

نصيحة --- اعتقد انه ممنوع الكتابه بالون الاحمر
===
علي فكرة الشد بالعربية -- ممكن وسهل لان انك اتعودت علي العربية وعرفت العربية كويس ...

**faroukahafeez** · 27-01-2009 09:07 PM

والله انا عندى نفس المشكلة زيك
انا كلمت تويوتا ايجيبت النهاردة وسألت على موضوغ الفتس دة وبصراحة هما منزعجين من السمعة اللى طالعة على العربية وشروحوا ان الفتيس نوع جديد والناس لازم تكون فاهمة هو بيشتغل ازاى لانو مختلف عن الاتوماتيك العادى وممكن تعمل تست دريف

كان نفسى اكمل مع حملة خليها تصدى بس انا بقالى اكتر من 3 شهور مستنى وفية ظروف عائلية جدت اليومين دول ولازم اجيب عربية

**mido88_4u** · 27-01-2009 10:37 PM

متشكر جدا يا جماعة على ردودكم القيمة
طيب انا ممكن اعمل test driveفي توكيل ابو رواش ؟
لو مش ممكن هيكون فين وهل لازم احجز قبلها؟
شكرا جزيلا واسف للازعاج

**faroukahafeez** · 28-01-2009 12:46 AM

انا كلمت تويوتا ايجيبت النهاردة وهما ادوينى ارقام التجمع الخامس وابو رواش بس انا كلمت بتاع التجمع واقولى ممكن اجى اعمل تست دريف هناك

انا للاسف مش محتفظ برقم ابو رواش بس ممكن بسهولة تكلم تويوتا ايجيبت وتاخد منهم رقم ابو رواش