عرض للطباعة
السيارة حتى الان ممتازه ولكن انا دورة التبريد فيها لسه قلقانى وعايز اعرف المروحه بتشتغل متاخر ولا هى عندى بس وهل الفوكاس بتسخن ولا لا المهم روحت التوكيا ناس محترمه جدااااا واستقبال وادب المهم قالولى عادى الفورد المروحه كدا والمؤشر لازم يبقى فى النص ويفضل كده وغيرت كوعة المايه والترموستات ب1000 وهنشوف ايه اللى هيحصل ياريت مالكى الفوكاس يقولو لى اخبار الحراره ايه والتبريد؟
هو فعلا موشر الحراره يوصل للنص علشان تشتغل المروحه
انما عندى حاجه بتحصل فى الحراره
( اثناء سفرى على الطريق الصحراوى وانا مشغل المكيف بلاقى مؤشر الحراره تحت خالص )
لا يرتفع اطلاقا الا لما ادخل فى اشارات المرور بالقاهره
علشان يمكن حضرتك بتمشي بسرعة فالهوا اللي داخل هوا ساقع و سريع
بيبرد المكنة بسرعة
انا معايا فيستا 98
المروحة بتشتغل متاخر اه و الطبيعي بتاع المؤشر في النص او اعلي شوية و لما بكون على طريق سريع بيفضل الحرارة تحت و اعتقد انه لو يوم برد اوي مش هاعرف اسخن العربية ههه و عموما مسمعتش حد اشتكى ان الفورد بتسخن منه و لما بشغل التكييف المروحة بتشتغل اسرع فبالتالي التكييف بيبرد الموتور عكس عربيات تانية