بشرى ----- مد مهلة المثلث وشنطة الاسعاف 3 شهور اخرى

**Osama_soliman** · 27-01-2009 04:40 PM

هذا الخبر من موقع وزارة الداخلية الان : (27/01/2008)

إستجابةً لمطلب العديد من مالكى السيارات بمد مهلة العمل بتنفيذ بنود قانون المرور الخاصة بحقيبة الإسعافات الأولية والمثلث العاكس نظراً لعدم توافرها بالأسواق ... فقد وافق السيد حبيب العادلى وزير الداخلية على مدة المهلة ثلاثة أشهر أخرى تبدأ إعتباراً من يوم 2 فبراير القادم.

وهذا هو الموقع

http://www.moiegypt.gov.eg/Arabic/De.../n27012009.htm

**OlaOsman** · 27-01-2009 04:57 PM

ده لحد ما ناخد إعفا ان شاء الله؟ طيب يا رييييييييييييت

**bee** · 27-01-2009 05:05 PM

المشاركة الأصلية كتبت بواسطة OlaOsman

ده لحد ما ناخد إعفا ان شاء الله؟ طيب يا رييييييييييييت

جامد اوى التعليق ده يا علا
والله موتيني ضحك :k48:
وعموما يسمع منك ربنا ..
وشكرا لصاحب الموضوع ع الخبر

**yehia** · 27-01-2009 05:09 PM

الحمد لله على كده... وعلى فكرة هو اجراء متوقع وطبيعى خاصة بالنسبة لحقيبة الاسعافات الأولية... الكل أجمع على عدم جدواها واحتمال تلف مكوناتها...
لكن الاجراء غيرالطبيعى وغير المتوقع انهم لما عدلوا قانون المرور فى مجلس الشعب من يومين بالنسبة للمقطورات بجعل مهلة وقف العمل بها سنتين بدلا من أربعة... انهم ملغوش موضوع حقيبة الاسعافات... يعنى لازم القانون عندنا يتم اقراره ويتعدل يجى 3 أو 4 مرات خلال سنة ولا اثنين ؟!
ما ينفعش يعنى نخلى فيه شوية ثبات تشريعى لقوانين الدولة ونشوف كل البنود المطلوب تعديلها ونعدلها مرة واحدة؟!

**SHNORY** · 27-01-2009 05:14 PM

هو الموضوع اللي يموت من الضحك في شنطه الاسعاف انه لما لا قدر الله تحصل حادثه
حتلاقي كله عمال يلضم الابر بالخيوط الجراحيه المعقمه وعمالين يخيطوا في المصاب اللي حيتجول لجثه بعد ربع ساعه بالكتير
بالظبط كده زي اي منجد محترم ماسك مرتبه ومطلع غله فيها
يحلوا مشكله جهل السواقين الاول وبعد كده نبقي ناخد دورات اسعاف اولي ولا حتي جراحه مخ واعصاب

**mrghost** · 27-01-2009 05:36 PM

والله خبر كويس انا كنت النهارده لسه فى المرور وسألت لقيتهم بيقولوا انهم مش عارفين هما كمان يجيبوا منين!!!!!!!!!!!

**MohaMed_Refaat** · 27-01-2009 05:52 PM

الحمد الله انا عن نفسى موش جايبهم غير اخر واااااااااااااحد لانى شايف ان مالهمش لزمة خالص مجرد وزن ومكان فى العربية وروتين فاضى مجوف من معناة خليهم يجالوا براحتهم .