الموضوع: أنا و أبي

ربنا يرحمه ويصبركو ان شاء الله

المشاركة الأصلية كتبت بواسطة sendrella

مش لوحدك يا فياتو
ده شعور طبيعي جدااااااا .. ياريت الايام ترجع .. بس هيهات
]لو فضلت اتكلم عنه و عن فرق حياتي من بعده يبقى مش هسكت

صدقينى يا ساندى الناس دى عايشة فينا وطول ما احنا كويسين هما بإذن الله كويسين وعملنا كله فى ميزانهم ، الحياة فعلاً فرقت بعدهم وآسف فى تشبيهى بتحس بعدهم انك عارى تماماً وبدون أى ستر أو درع أو أمان ، لكن هى دى سنة الله فى خلقه ولازم الصغير يكبر ويتعلم ويبقى مسئول ويفضل أهله مش ذكرى جميلة وبس لأ دول لازم يبقوا بمثابة ضميره فى كل أفعاله وفى كل اختياراته وبكدة هيفضلوا معاه ، ومن حسناتنا بيوصلهم لأنهم الأصل وسبب التربية والنشأة .
رب أموات عاشوا بعد الموت بشمائلهم ، ورب أحياء هم بين الناس أموات .

المشاركة الأصلية كتبت بواسطة fiatto

صدقينى يا ساندى الناس دى عايشة فينا وطول ما احنا كويسين هما بإذن الله كويسين وعملنا كله فى ميزانهم ،
.

والله العظيم يا فياتو من ساعة ما بابا مات و بنشوفه في رؤى في منتهى الجمال الحمد لله
كذا مرة والله و هو يجي لنا في الرؤيا ( طبعا رؤية الميت حق )
و يقول لنا ما تقلقوش عليا انا في الجنه
اقسم بالله الرؤية دي اتكررت اكتر من مرة و بنفس اللفظ كدة
فالحمد لله متطمنين جدا انه في الجنه الحمد لله
بس هو الفراق ..

المشاركة الأصلية كتبت بواسطة fiatto

رب أموات عاشوا بعد الموت بشمائلهم ، ورب أحياء هم بين الناس أموات .

و بعدين انت جبت الموضوع كله ببيت الشعر الجميل ده
تسلم ايدك الف مررررة عليه والله

المشاركة الأصلية كتبت بواسطة sendrella

والله العظيم يا فياتو من ساعة ما بابا مات و بنشوفه في رؤى في منتهى الجمال الحمد لله
كذا مرة والله و هو يجي لنا في الرؤيا ( طبعا رؤية الميت حق )
و يقول لنا ما تقلقوش عليا انا في الجنه
اقسم بالله الرؤية دي اتكررت اكتر من مرة و بنفس اللفظ كدة
فالحمد لله متطمنين جدا انه في الجنه الحمد لله
بس هو الفراق ..

و بعدين انت جبت الموضوع كله ببيت الشعر الجميل ده
تسلم ايدك الف مررررة عليه والله

عارفة ياساندى احساس انك تدورى عليه فى أعمامك متلاقيهوش ، فى أخوالك متلاقيهوش ، وتكتشفى ان مفيش حد بيعوض حد أبداً ولا بيحل مكان حد اطلاقاً ، ولما أدركت الحقيقة دى نضجت بزيادة وبسرعة وفى فترة قليلة .
ساعات لما كان وجع البعاد على رأى يوسف القعيد بيزيد على الواحد كان والله بيجيلى فى رؤيا مع الفجر يطمنى ، وساعتها بقيت أقول لنفسى افترض ان والدك بعد سنين عمره وتعبه وإخلاصه وتقواه مبقاش قادر يستحمل الناس وأذاهم وخيانتهم وشرهم وجالك واحد بيقوللك هريح والدك من كل التعب وهخليه يسكن فى جناح فخم فى أفخم أوتيل ولن يخالط الا أتقياء الناس وأحاسنهم أخلاقاً بس بشرط مش هتشوفه ولا ينفع يسيب مكانه ويزورك ، تقول ايه ؟؟؟
لقيت نفسى برد على تساؤلى الافتراضى بإجابة سريعة انى موافق اتحرم منه ومشفهوش فى مقابل انى مطمن عليه وعارف انه متصان وآمن ومطمئن .
بالبساطة دى نفسى هديت وابتديت انظر للموضوع بشكل أكثر عمق ، حاولى ياسندريلا تفكرى بالمنطق ده فى المرحلة دى ، صدقينى بإذن الله هيفرق كتير معاكى .
ربنا اغفر لى ولوالدى وللمؤمنين يوم يقوم الحساب

مقتنعه بكل حرف
بس الفرااااااااااااق يقتل يا فياتو
و اكيد انت حاسس بكلامى ده
الحمد لله انا مطمنة اوي عليه انه في الجنة ان شاء الله
و ربنا يغفر له و يرحمه و يرحم امواتنا جميعا يارب