مواقف وطرائف المرور المصرى





هاحكيلكوا على موقف حصل مع اخويا امبارح بالليل فى اشارة روكسي
واقف فى الاشارة تليفونه رن
مسك التليفون بص فيه
طلعله امين شرطة
الامين : الرخص
احمد : ياباشا انا رابط الحزام
الامين : رخصك يا استاذ المحمول ممنوع
احمد : طيب انا واقف فى اشارة وحتى لسه ما اتكلمتش ده انا بشوف بس مين اللى بيرن عليا
المهم اخد الرخص وراح عند الظابط
اخويا بدأ يدور فى جيبه على عشرة جنيه فكة
جه الواد بتاع المناديل اللى بيبيع علب المناديل والمعطر بتاع السيارة
الواد بتاع المناديل :عايز فكة ياباشا
أحمد :اه لحسن مش معايا غير خمسينات وخسارة فيه خمسين جنيه
الواد : هاتديلة كام سعادتك
احمد : 10 جنيه كويس
الواد : لا ياباشا ده راح للظابط خلاص لو كان من الاول كانت تمشى
بص ياباشا هات الخمسين انا هاديله منها 20 وخد منى 5 معطر بعشرة جنيه يبقى انتا كده ليك عندنا 20 جنيه
واداله العشرين جنيه وجابله الرخص من الامين والموضوع كله ما اخدش اكتر من قفلة اشارة وفتحتها
وسلملى على قانون المرور

قصه حقيقة حدثت فى اشارة روكسى امس الاثنين26.1.2009 الساعة 10 مساءا
تصدقوا دا موقف في احد التعلقيات على قانون المرور الجديد ف موقع مشهووور
لو ليكو مواقف مشابهه ارجو المشاركه..