كويس وفي انتظار التفاصيل
اخوكمحتاج قرصة ودن شديدة شوية
عرض للطباعة
كويس وفي انتظار التفاصيل
اخوكمحتاج قرصة ودن شديدة شوية
عايزين نعرف التفاصيل علشان نستفيد ونعرف الدنيا ماشية ازاىاقتباس:
الحمد لله رجعنا العربية
مبروك وياريت يكون درس لاخوك
بس مينفعش تحكى الموضوع كله وتيجى لحد الحل وتقوله فى ثلاث كلمات .... عملتم ايه ؟
مستنينك بعد الفاصل
الله يبارك فيكم ويا رب ما تشوفوا الى احنا شفناه انا بس حبيت اطمنكم انى لقيت العربية بس فعلا مكنتش فاضى خالص من ساعتها
الحكاية اغرب من الخيال والله العظيم بدات دمغنا تفكر بعيد عن الحكومة كانوا كاتبين اسم واحد فى العقد بس كانوا كاتبين العنوان غلط المهم اتصلنا بالدليل و جبنا عنوان الواد صح و رقم التليفون عن طريق اسم ابوة طبعا وكلمنا امة فى التليفون وعملنا فيلم لحد ما عرفنا البيت فين بالضبط المهم رحنا قلبنا الشارع بس فى هدوء علشان ما يعرفش و يخلع عملنالة كمين علشان نخطفوة و هو هيجيب الباقى المهم ماجاش البيت خالص وبدانا فى مفاوضات فى التليفون مع واحد منهم كان بيتصل على موبيل اخويا عامل فيها حمامة السلام المهم وصلنا معاهم اننا ندفع 5000ج علشان نتأدب بيهم علشان هو مالوش ذنب بصاحبوة المهم قالوا عايزين ال20000 و الواد صاحبوة علشان يرجعوا العربية المهم حصلت المفاجأة او المعجزة بمعنى اصح واقفين فى شارع خاتم المرسلين والعربية تعدى من ادمنا فيها 3 مش عارف اوصفلوكوا اية الى حصل فى العيال بعد مطاردة بالعربيات طبعا جبناهم فى اخر الشارع دخلوا فى ميكروباص دمروا العربية وحظهم ان احنا كنا بتاع 20 واحد مغلولييييييين ماتوا ضرب لدرجة الواد كان وشة مش باين منة معالم من الدم و فى ثوانى بقيت مجزرة طلعت ناس تبعهم من تحت الارض جروا 2 و الثالث ودناة القسم و المفاجأة ان الى راح القسم كان مندوب شرطة و مرفود بس الحمد لله قوى على كدة
ايه الفيلم الاكشن ده :F_eyeb1[1]:
مبروك لرجوع العربيه
ومعلش للي حصلها ربنا يعوض عليكو وانا عندي تدفعو فلوس في تصليحها ولا تدوفعوش فلوس للحراميه الدول اللي كانو بيساوموكو
يا رب يكون اخوك اتعلم واحنا كمان نكون اتعلمنا
مبروووووووووووووووك
مبروك على رجوع العربية .......
وكويس ان الصدفة خدمتكم اوى كده .....وكويس برضه انكم مشتبكتوش معاهم فى منطقتهم لأن الوضع وقتها كان هيبقى صعب عليكم .........
وسبحان الله
تيجى تصيده يصيدك ............. الحمد لله انها جت على قد كدة
و الموضوع خلص على كدة ولا لسه فى تكملة
الله يبارك فيك بس للاسف لسة لية تكملة علشان الواد فى الحجز و اهلة بيبوسوا الايادى علشان نطلعوا و جابوا الرخصة و العقد التانى علشان يثبتوا حسن النية و المشكلة ان ابويا طيب و خايف علينا و عايز يخلص و احنا مش عايزين
كلام zaki32 هو نفسه اللي انا فكرت فيه
و حاجة تانية مش عشان صاحبي اروح معاه اي حتة و لا اعمل اي حاجة يقول لي عليها و خاصة لو انا عارف انه سكته مش نضيفة و يستحسن اقطع معاه خالص بس علي كل حال الحمد لله اني اخوك بخير و فداه مليون عربية لكن برضه حاولوا متسكتوش حاولوا ترجعوا العربية دي بأي طريقة دي عربية يا جدعان هما خطفو موبيل 5110
كونت متوقع كده برضه بس حاول تتقل عليهم شويه بعد متاخد الرخصة والعقد وتاخد منهم ثمن تصليح العربية...ده لو هتوافق على الصلح ومتنساش تاخد تعهد عليهم فالقسم بعدم التعرض اوك .....الاشكال دى ملهاش امان ومن حق والدك يخاف عليكم .وأن شاء الله الموضوع ينتهى على خير ..ومحدش بيتعلم ببلاش ياصحبى
ده فيلم اكشن فعلاً...
مطارادات و ضرب...كان ناقصه ضرب نار علشان ينزل في العيد بس كده تمام قوي و المهم ان العربيه رجعت
كلام صح ...اقتباس:
... ومتنساش تاخد تعهد عليهم فالقسم بعدم التعرض اوك .....الاشكال دى ملهاش امان ومن حق والدك يخاف عليكم .وأن شاء الله الموضوع ينتهى على خير ..ومحدش بيتعلم ببلاش ياصحبى
باشا انا متابع الموضوع بتاعك من الاول وبصراحة كل كلمة قولتها كنت فاكرها فعلا فيلم هندى
وبصراحة لغاية دلوقتى فيه كلام كتير مش مقتنع بيه لكن فى حالة انى اتغاضى عن كل الكلام ده وافكر لأخر نقطة انتوا وصلتم ليه بوصل ان فى كذا حاجة لازم تتعمل
1- الولد صاحب اخوك هو وعائلته والصيع لازم يتطلع عين اهليم فلوس وضرب ومش هاقدر ازود عن كده وده لمصلحتك انت وعائلتك
2-فى اقرب فرصة بيع العربية ديه بس لواحد بعيد عن الهرم ده طبعا بعد ما اهل الواد صاحب اخوك يتحملوا كل مصاريف الاصلاح فى التوكيل / لو فيه مسمار كان ناقص قبل المشكلة اعمله على حسابهم
3-انا لو مكانك هاتبع كل اساليب الطرق الحديثة فى التربية بأنى هاتفنن فى تعذيب اخويا لغاية لما فعلا انسيه اسمه وابدأ اربيه من أول وجديد وبالمناسبة انا سنى مش كبير انا عندى 30 سنة يعنى مش من الناس العواجيز
فى حاجة تانية خلى بالك من اخوك واعتقد انك هاتكتشف مصيبة اكبر - اسف لحدتى فى التعبير ويا رب يكون كل تفكيرى غلط
صح كده هو ده اللي يتعمل تاخد منهم تمن تصليح العربيه وتتنازل عن المحضر
بس خد بالك ان التنازل تقريبا ملهوش لزمه لانه سارق واتظبط والمسروقات بحيازته يعني حتي التنازل حيكون عن الجزء الخاص بيك وحيتحبس برضه علشان الحكومه مش حتتنازل عن الجزء الخاص بيها
اهم حاجه زي ما عملوا لاخوك حوار اعملهم انت حوار وخد فلوس تصليح العربيه منهم
بس عاوزين حد يكون فاهم قانون كويس من الاعضاء يشرحلنا الاجرائات وايه الصح