الموضوع: محتار جدا"

الاتنين مش من شريحة سعر واحدة .... ولكن :

التيدا ممتازة جدا انا جربتها مع صاحبي عربية حلوة جدا ومريحة وواسعة وكان يعيبها شكل التابلوة ولكن ظبطوه في الموديل الجديد 2009 وموتورها ممتاز والفتيس حلو جدا جدا والمساحة الداخليه كبيرة والشنطة محترمة والتسارع 0-160 ممتاز والثبات كويس جدا يعني اعتقد عربية حلوة جدا ولكن العيب الوحيد فيها هو سعر اعادة البيع على مااعتقد مع ان شايف انك لو جبتها مش هتفكر تبيع خالص

اما عن الكورولا العربية ممتازة يمكن الناس اشتكت من الفتيس شوية وانا برضه مش عاجبني خالص الحكاية دي وهتلاقي جدالات هنا في المنتدى عن المشكلة دي ولكن العربية من ناحية كل حاجة كويسة بس انا شايف التيدا افضل وهتوفر فلوس كمان

برضه فكر في العربيات دي
سيات ليون - رينو ميجان - هوندا سيفيك - فولكس جيتا

بس انا لو مكانك ومحتار بين العربيتين هااخد التيدااااا وخاصة الهاتشباك على طول يكفي انها 100% ياباني

وربنا يوفقك وماتنساش الاستخارة وبرضه ياريت تصبر شوية لحد ما الاسعار تستقر