تم زيادة الســرعة القصوى للمحور إلى 90 كم/ساعة

**Opel_Rekord** · 28-01-2009 01:06 AM

يااهل اكتوبر وزايد ومستخدمى المحور

اخيرا اتحقق الحلم

وسرعة المحور زادت ل 90 كيلووووووووووو

اخيرا العربيه بقت ماشيه مرتاحه بعد ماكانت مخنوقه فى ال80 دى

بجد كده تصرف تمام منهم

وعلى فكره الرادار اشتغل بنسبة 100% وانا شوفت بنفسى الكاميرات وهى بتدى الفلاش على واحد معدى بسرعه قودامى

مش العربيات بس ياجماعه لا ده فيه كاميرات تانيه فى صناديق رمادى على جنب الطريق كل مسافه معينه

ومكتوب قبليها بكيلو : احذر امامك رادار على بعد 1 كيلو

ياريت تخدو بالكو

سلامو عليكو

**mada121977** · 28-01-2009 01:15 AM

اكيد موضوع ال 90 كم ده؟
يعنى حضرتك عرفت الخبر ده منين ؟

**kemo0o** · 28-01-2009 02:05 AM

ياااااااااااااااااااااااا اااااااااااااااااريت أحسن الواحد كان بيمشي متكتف وبحس ان خلاص هطق

بس ياريت مصدر موثوق ولا هما حطوا لوح جديدة ولا ايه ؟

**mo7a_mo7a** · 28-01-2009 02:21 AM

90 من 80 في رايي مش فارقة حتفرق 5 دقايق في الاخر مثلا مش اكتر من كده
انا عندي استعداد امش 50 لو هو ده القانون بشرط يمشي علي الكل
ودايما في تقدم وربنا يصلح الحال

**M.Osman** · 28-01-2009 02:21 AM

اهو هي دى لازمة القانون الجديد .... تنظيم المرور فى القاهرة و خلاص على كدا ... لكن البني آدمين اللى فى المحافظات التانية القانون دا مجرد شكليات جديدة مش اكتر ...

لا حول ولا قوة إلا بالله ...
بجد نفسى ارجع الإمارات تانى و استعيد ايام طفولتى ... ( فى حاجة غريبة جدا هناك غلى فكرة .. النقل التقيل ملتزم باليمين .. تخيلوا ؟؟ )

**bassam nagy** · 28-01-2009 06:12 PM

كويس جدا انهم خلوها 90 والمفروض تبقى 100

**Fadi Ezzat** · 28-01-2009 11:47 PM

انا نفسى تبقى 150 انا بطلع على الطريق دة ببقى مش عارف امسك نفسى

**MoToRiZeR** · 29-01-2009 02:29 AM

و الله بجد المسئولين عن تطوير نظام تسيير المحور دول ناس محترمين .

- زيادة سرعة الطريق إلي 90
- لافتات كل شوية بتقولك السرعة كذا
- حارة للباص لوحده و الغريبة إنه بقي بيمشي فيها !
- رادارات متعددة للسيطرة علي حالة "الهبل" اللي عالطريق و الناس اللي كل واحد ماشي حسب مزاجه (زمن تقفيل العدادات عالمحور راح و إنتهي )
- تحذيرات قبل الرادار (إحذر هناك رادار علي بعد 1 كيلو) يعني ميحسسكش إنه عايزك تجري و هو لابدلك في الدرة عشان يقفشك لأ فيه نوع من تبادل الثقة .
- كل الناس اللي مهمهاش كل ده بتقف في كمين في أخر الطريق .. يااه إحساس جميل اما حد ييجي يطير من جنبك و تلاقيه واقف في الكمين .
- بقي فيه موتوسيكلات بتجري ورا القائدين المتهورين منتشرين من أول المحور في ميدان لبنان و برضه لو حد جري أو خد غرز أو بيتكلم في الموبايل أو مش رابط الحزام بتقفشه .

و دي كانت أسرع مرة وصلت أكتوبر لأن ماشي طول الطريق 90 من غير ما كل شوية أفرمل لواحد بياخد غرزة مقفولة أو بعدي حد ماشي 120 .. و وصلت و انا مستريح جداَ بدون حرقة الأعصاب بتاعة كل مرة .. فيها إيه لو نفضل كدة !؟ هيضرنا في إيه النظام ؟

تجربة المحور دي إدتني شوية أمل في إن حال المرور في البلد دي ممكن يتعدل .

بجد انا بقيت مبسوط و انا ماشي عالمحور لأن بحس إني بتعرض لنظام محترم .. و يا ريت الصرامة في التعامل مع المخالفين تفضل علي طول .. حبة نظام بقي

-

الموضوع: تم زيادة الســرعة القصوى للمحور إلى 90 كم/ساعة

LinkBack

أدوات الموضوع

عرض

تم زيادة الســرعة القصوى للمحور إلى 90 كم/ساعة - انشر الموضوع فى :

-

-

-

-

المواضيع المتشابهه

ساعة الميجان 24 ساعة

للبيع ساعة b r e i t l i n g لمدة 24 ساعة فقط و بسعر خرافي

هي دي مشكلة كهرباء زيادة ولا سخونة زيادة

الكلمات الدلالية لهذا الموضوع

المفضلات

المفضلات

ضوابط المشاركة