الموضوع: الداخلية للمواطنين: ما تمرش فيه الشيكولاتة

مشهد واقعي (من خيالي)
الضابط يقف علي أول الطريق و صف من السيارات أمامه

الضابط: أحب أقول لحضرتك . . .
المواطن (1) يقاطعه: لا مؤاخذه ياباشا، أنا ماجريتش غير الحتة الأخيرة دي بس
الضابط: لا يا سيدي . .
المواطن (1) يقاطعه: خلاص ياباشا اللي تشوفه آدي الرخص بس ياريت لو سيادتك تاخد الغرامة الفورية
الضابط : انت مش فاهم أنا . .
المواطن (1) يقاطعه:وقفوا المصالحة سمعت يا باشا ، اللي تششوفه سعادتك و كلنا أمل في كرم معاليك
الضابط (بدأ يظهر عليه علامات الملل): غرامة 100 ج
المواطن (1): الله يكرمك يا باشا
و تتحرك السيارة و تتقدم السيارة التي تليها
المواطن (2): صباحك أبيض يا باشا
الضابط: صباح الخير، انت عارف . . .
المواطن (2) يقاطعه بذكاء: عارف يا باشا، بس و الله مااخد بالي
و يترجل من السيارة و يمد يده بـ 100 ج
المواطن (2): اتفضل ياباشا ، كفاية ان معاليك واقف في الشمس عشان تحافظ علينا
الضابط بضجر: مفيش فايدة . . . 100 غرامة حزام سرعه
و بنظرة سريعه ثم يكمل: و 100 ج غرامة حزام

ثم ينادي علي العسكري: تعال يا بني ، خد علية الشيكولاتة دي حطها في البوكس و إياك تقرب منها
ثم يقول في سره (العيال و أمهم أولي)