أعجل من العاجل؟؟؟؟؟؟؟؟

**masam55** · 28-01-2009 03:30 PM

الداخلية تقرر : مد مهلة "حقيبة الإسعاف والمثلث" للمرة الثالثة
27/01/2009 03:55:56 م

المواطنون لا يدرون كيفية استخدام شنطة الإسعاف

‏وافق اللواء حبيب العادلي وزير الداخلية على مد المهلة المخصصة لتنفيذ بند حقيبة الإسعافات والمثلث العاكس داخل كل سيارة طبقا لقانون المرور الجديد لمدة ثلاثة أشهر جديدة تبدأ من يوم الثاني من فبراير المقبل‏ وحتى الثاني من مايو المقبل تيسيراً على المواطنين.

أشارت وزارة الداخلية في بيان نشرته وسائل الإعلام يوم الأربعاء إلى أن العادلي قرر مد المهلة من منطلق التيسير على المواطنين‏ واستجابة لمطلب العديد من مالكي السيارات بمد مهلة العمل بتنفيذ بنود قانون المرور الجديد الخاصة بحقيبة الإسعافات الأولية والمثلث العاكس نظرا لعدم توافرهما بالأسواق.

وكان اللواء محمد منصور مساعد وزير الداخلية مدير الإدارة العامة للمرور قد أعلن يوم الثلاثاء أن المهلة الأخيرة التي قررها وزير الداخلية لتنفيذ بند حقيبة الإسعافات والمثلث العاكس داخل كل سيارة تنتهي يوم الاثنين المقبل‏ ، وانه تم الاتفاق على بيع حقيبة الإسعافات والمثلث العاكس داخل وحدات تراخيص المرور‏.‏

كانت وزارة الداخلية قد قررت مد المهلة المقررة لتطبيق بنود قانون المرور الجديد المتعلقة بحقيبة الإسعافات والمثلث العاكس ثلاث مرات قبل ذلك أولها من بداية تطبيق القانون في أغسطس 2008 وحتى نوفمبر الماضي ، والثانية من 2 نوفمبر الماضي وحتى 2 فبراير 2009.

و لا يدركون أهمية المثلث بعد
وانتشر في شوارع القاهرة وتحديداً في إشارات المرور خلال الشهور الأخيرة بيع المثلث العاكس المصنع "أسفل بئر السلم" مقابل عشرة جنيهات وبدون أي مقاييس دولية ما أوقع المواطنين في قبضة النصابين.

يذكر أن حقيبة الإسعافات مازالت تحمل علامة تعجب كبيرة بشأن ضرورة وجودها في السيارة وإمكانية فساد محتوياتها بسبب الحرارة وسوء التخزين بالإضافة إلى عدم تنظيم وزارة الصحة لدورات متخصصة للمواطنين على كيفية استخدامها.

كما أن المواطنين حتى الان لا يعلمون ما هي شروط ومواصفات حقيبة الإسعاف ومحتوياتها وكيفية استخدامها وكذلك مواصفات المثلث العاكس على الرغم من شراء الكثير للحقيبة والمثلث بالفعل منذ فترة طويلة.

الجدير بالذكر أن بنود القانون الجديد تم تطبيقها جميعا من أول أغسطس الماضي ماعدا التفتيش على المثلث وحقيبة الإسعاف.

**alyyassin** · 28-01-2009 04:04 PM

حسبي الله و نعم و الوكيل ....... أنا مصرى للأسف الشديد

على فكرة أكيد كل واحد منا عارف كويس ان مصر دى ماينفعش فيها اي تنظيم مرور ..أبدا..أبدا ..نهائى .

ليه بقى ..و هو دى السؤال الى ممكن نتناقش فيه كلنا ......

أنا عارف إن الاخوة الوطنيين هيزعلوا جدا من الكلام ده ..بس هي دى الحقيقة...

و نبدأ النقاش ..لو ماكنش كلامي ده خارج قوانين المنتدى .....حول السؤال التالى:

( ليه مصر ما ينفعش فيها تنظيم مرور ..أبدا..... ؟ )

مين يبدأ ......... أتفضل ............

**husseinodeba** · 28-01-2009 11:50 PM

انا اعرف ان فى المانيا علشان تطلع رخصه قياده لازم الاول تاخد دوره اسعافات اوليه ...دوره اسعافات اوليه بجد ..يعنى مش شهاده تختمها من اى مستشفى والسلام
وبكده بيكون كل واحد معاه شنطه اسعافات اوليه بيكون عارف ازاى يستخدمها
بس فيه حاجه لازم تعرفوها ان حتى لو حصل واخدت دوره اسعافات ....دوره اسعافات بجد..اللى بيحصل وقت وقوع الحادثه لاقدر الله ان الناس بتكون نسيت هى اتعلمت ايه فى الدوره لاننا مابنمارس اللى احنا اتعلمناه بصفه دوريه زى الدكاتره مثلا وبكده رد الفعل بيكون غير منظم او بيقتصر على الشاش والقطن اللى انا وانت عارفينو
السؤال......ايه هى شروط شنطة الاسعفات
ايه محتويات شنطه الاسعافات
وهل المحتويات دى مينفعش اشلها معى فى اى صندوق انا اوفرو على اد امكانياتى
كام واحد فى مصر ادرب على الاسعافات الاوليه وهل هيعرف يسسعف
من الاخر شنطة الاسعافات فكره ايجابيه بس محتاجه تدريب وتثقيف للمواطنين مش بس قانون يوأعك بيه فى مخالفه عشان يلم فلوس
ياريت لو كلنا نجيب الشنطه ونتدرب ونتثقف عندا فيهم ومنولهمش اللى فى بالهم

**Dr Ahmed** · 29-01-2009 12:55 AM

تدريب إيه ياشباب
الموضوع كله موضوع لم فلوس علشان الميزانية الخربانة بتاعة البلد اللى مصدرها الأساسى دلوقتى قناة السويس والسياحة والإتاوات
وتأكدوا إن لو الدورات دى هتجيب فلوس ليهم هتبقى فرض عين على كل السائقين، ولو مش هتجيب مش هتتعمل أبدا!!!

**abzoabzo** · 29-01-2009 09:36 AM

المشاركة الأصلية كتبت بواسطة Dr Ahmed

تدريب إيه ياشباب
الموضوع كله موضوع لم فلوس علشان الميزانية الخربانة بتاعة البلد اللى مصدرها الأساسى دلوقتى قناة السويس والسياحة والإتاوات
وتأكدوا إن لو الدورات دى هتجيب فلوس ليهم هتبقى فرض عين على كل السائقين، ولو مش هتجيب مش هتتعمل أبدا!!!

كلام الناس العقلين

**abo3bdolrahman** · 29-01-2009 12:55 PM

المشاركة الأصلية كتبت بواسطة Dr Ahmed

تدريب إيه ياشباب
الموضوع كله موضوع لم فلوس علشان الميزانية الخربانة بتاعة البلد اللى مصدرها الأساسى دلوقتى قناة السويس والسياحة والإتاوات
وتأكدوا إن لو الدورات دى هتجيب فلوس ليهم هتبقى فرض عين على كل السائقين، ولو مش هتجيب مش هتتعمل أبدا!!!

تمام تمام يا دكتور زى بالظبط كده بطاقة الرقم القومى اللى صلاحيتها بتنتهى بعد 7 سنين

و اللى مش هايجدد مبروك عليه هايبقى مش مصرى

و زغرتى ياللى ما انتيش غرمانة و كله لم فلوس من الشعب المسكين و بكره يبقى الهواء بفلوس و نرجع لعهد الرومان و نستنى بقى عمرو بن العاص يجى تانى يحررنا و لا حول و لا قوة إلا بالله.

**abzoabzo** · 30-01-2009 11:40 PM

المشاركة الأصلية كتبت بواسطة abo3bdolrahman

تمام تمام يا دكتور زى بالظبط كده بطاقة الرقم القومى اللى صلاحيتها بتنتهى بعد 7 سنين

و اللى مش هايجدد مبروك عليه هايبقى مش مصرى

و زغرتى ياللى ما انتيش غرمانة و كله لم فلوس من الشعب المسكين و بكره يبقى الهواء بفلوس و نرجع لعهد الرومان و نستنى بقى عمرو بن العاص يجى تانى يحررنا و لا حول و لا قوة إلا بالله.

اهدا يا باشا تحيا مصر واحنا فى دهية