+1
البيجو الايرباج مفتحش علشان السواق مش رابط الحزام... و كمان الصدمه مش مسمعه اصلا في وش العربيه. انا مش شايف اي فضايح في الموضوع
مينفعش يقفل airbag السواقاقتباس:
لا حول ولا قوه إلا بالله ربنا يسترها معانا جميعا بس على فكره ممكن بتاع البيجو ده كان قافل ألايرباج (قال يعنى قلبه مييييييييت بقى)
مفيش اى عربية ينفع تقفل فيها airbag السواق.
ممكن كان عمل حادثة قبل كدا او عيب فى العربية لان موضوع الairbag دا مبيطلعش فى عربيات كتير
انما الحادثة طبعااااا لازم كانت تخلى الairbag تطلع دى مفيهاش و لا 1% شك
الاوكتافيا وحش
لاحول ولاقوة الا بالله
حرام دة الشارع مايستحملش السرعة دى
لا الزرار بيبقى للايرباج اللى جنب السواق انما السواق مينفعش يتقفل و بيحطوا الزرار دا علشان لو سايق و معكش حد الايرباج متطلعش على الفاضى انما السواق علطول موجود :-)اقتباس:
لأ فيه عربيات ليها مفتاح بيعطل الايرباج. ده غير ان معظم العربيات الحديثه الايرباج مش بيشتغل غير و الحزام مربوط
بالعكس العربيات الحديثة الايرباج بيطلع حتى لو الحزام مش محطوط بس بيبقى مكتوب تحذير ان دا مش كافى و ممكن تصاب لو محطتش الحزام (التحذير فى الكتالوج).
يا باشا انا قلتلك البيجو بالذات لازم يكون الحزام مربوط
المعلومة 100 %
ربنا يجازي بتاع البيجو دمر الاوكتافيا والياريس ...واحد كان ماشي في امان الله والتاني راكن العربيه تحت البيت ...هو ده اللي يستحق الحبس
للاسف معرفتش اخد صورة للجنب .. بس الخبطة عاملة زي " كرمشة في جنب البيجو الايمن لحد الباب كدة "
انا مش بقول البيجو باظت علشان بس شكلها .. انما في الارض كان في ماء ردياتير و زيت و شحم اسود !
بس العامل المشترك ان الاتنين الراكب طلع سليم و دي اهم حاجة عندي .. مع اني مكنتش اتمنى كدة لسائق البيجو :)
اكيييييييييد انا عارف البيجو يا مومو :) و انتيمي معاه سيارة بيجو 307 سي سي و انا بحبها جدا .. بس من كتر نرفزتي من سائقها مش طايقه :P ولا طايق عربيته D:
بس زي مقولت البيجو جابت زيت و شحم اسود من تحت
بس اختلف معاك في حوار التصليح ده لان صديقي بيدوق المر في تصليح اي حاجة في التوكيل !
كفاية تمن الجنط 16 بتاعه ب 2600 جنيه الواحد من غير كاوتش ! D:
----
موضوع ال 120 كم ده تقدير الظابط انا مشتفش الحادثة .. و العربيات لسة مرمية في الشارع لحد الان !
ربنا يسترها علينا من مجانين السرعة دول