طالما العربيه بدور من أول مره يبقى الرشاشات مفيش فيها مشاكل
ياريت تأكدلنا تانى وضع العربيه فى بداية الدواره بتترج ولا لا (بتنتش)....ولا الكلام ده بعد العربيه مابتسخن وتتحرك فيها وتقف تانى
عرض للطباعة
العربية فى بداية الدوارة زى الفل مش وحشة
الفكرة انك لما تيجى تكبس على غفلة العربية تنتش
و لما تيجى تزود واحده واحدة زى الفل سواء سخنة او باردة
بس للأمانة بتقل مع السخونة و الشاوير اللى بارزعها بحكم شغلى كل يوم
و ياريت أجابه على طريقة ضبط الماف
فين البوابه دى
انا مش عارفها قصدك اللى جاية من الهواء للموتور
البوابه....دى تشوفها.....لما تحل القفيز بتاع الخرطوم اللى راكب على مجمع دخول الهواء(مانيفولد الهواء).......وهى عباره عن قرص أوطبق(بيقفل المجمع من الداخل فى حالة السلانسيه).......فممكن يكون القرص بتاع البوابه تقيل شويه وبيعلق وبيعمل اللخبطه دى....وخللى بالك أنها على اتصال بحساس أسمه الTPS (موجود فى العربيات الدايو وأكيد موجود فى الأوبل).............فياريت تحل القفيز اللى على نهاية الخرطوم اللى بعد فلتر الهواء......وترش مزيل صدأWD40 ..وبرضه وأنت بترش خللى أى حد يحرك دواسه البنزين كذا مره بغرض تليين القرص اللى بقولك عليه.......وجرب وقولنا النتيجه بعد التجربه
السلام عليكم ،
العربية عندي في بعض الاحيان، مش بدور من أول مرة ودة بيكون في أوقات مختلفة، يعني مش لازم الصبح بس ممكن من تاني أو ثالت مرة تدور. الموضوع دة بالو إسبوع كدة.
البطارية مغيره من حوالي ٣ شهور، جديدة يعني.
أرجو التوضيح مع الشكر.