شباب مشكلة في الاسترا عايزين حد خبرة

**steam** · 28-01-2009 09:42 PM

عندي مشكلة وشكلي كده مضطر اروح التوكيل باختصار عربتي اوبل استرا 2005 لما بدورها الصبح لازم احاول معاها 3 او اربع مرات عشان تدور وحتي لما اروح بيها مشوار وابطل وادور بتاخد وقت اكتر من العادي عشان تدور وللعلم الموضوع مش بوجيهات ولا مارش ولا بطارية اي حد يقول اي حاجة يارجالة انا مابحبش التوكيل وبحس اني بيضحك عليا هناك.

**EGMIDO** · 29-01-2009 12:03 AM

1_مارش
2_بطارية
3_فلتر بنزين
4_طرمبة البنزين
5_ارضى السيارة
وفى الغالب ان شاء الله تكون فلتر بنزين وياريت تحط بالنرة منظف رشاشات وطمنا عليك

**A.Elsheikh.01** · 29-01-2009 11:11 AM

انا هاقولك على حاجتين وهما الى فيهم المشكله اكيد
اول حاجه لو المارش بتلاقي صوته بيشتغل ببطئ يبقى دا عيب فى الدينامو وسهل ممكن تروح لكهربائى ممتاز يفكه وينضفه هو والمارش وهتبقى تمام وبالمره الاجشكشن يتنفض
ولو كان المارش صوته عادى بس مبيدورش على طول هتبقى الطامه الكبرى
( الرشاشات ) ودى لوحدها بتاع 1300 جنيه تقريبا فيما فوق او اقل على حسب وبتتغير مش بتتصلح لانها يونت الكترونك وبتبقى كبس مش بتتفك وتتركب

**tamertamer** · 29-01-2009 11:34 AM

على الارجح هى رشاشات بس الاول هوى مشية مخنوقة ولا عادى لما ادوس بنزين تجرى جريتها شوف وقلى وممكن طرنبت البنزين ابتديت تتعب انشا الله خير

**tamertamer** · 29-01-2009 11:36 AM

على الارجح هى رشاشات بس الاول هى مشية مخنوقة ولا عادى لما ادوس بنزين تجرى جريتها شوف وقلى وممكن طرنبت البنزين ابتديت تتعب انشا الله خير

**A.Elsheikh.01** · 29-01-2009 12:33 PM

هاقولك على حاجه تجربها وتشوف نتيجتها كمان 3 ايام
انا وانا مع ابن خالتى فى توكيل فولكس العربية بتاعته برضه كانت فيها رايش ووساخه فى الرشاشات قام المهندس الى هناك قاله فول التانك وحط ازازه او كيلو مش فاكر من زيت الباور ( بتاع الدريكسيون )
وفيه حاجه جاهزه للحاجات دى وهو سائل تنضييف التانك ودا دوره انه بيمشى فى دوره البنزين من اول التانك لحد الماتور ودا بيتحط فى التانك برضه مع التفويله :)

**M.Mokhtar** · 29-01-2009 01:21 PM

لما بتدور الموتور بيحاول يقوم بس مش بيقدر؟
ولو قام تحس ان العربيه بتهبل وبعد كده تطفى؟
كده يبقى حاجة من الاتى
- فلتر بنزين
- طرمبة بنزين
- نظافة رشاشات

**فادى محمد** · 29-01-2009 01:38 PM

غير فلتر البنزين ( الماني ) ماتجبش المصري . وفول وحط منظف رشاشات واستني لما تفضي التنك وان شاء الله بسيطه . قابلتني نفس المشكله وكان الرشاش مسدود والفلتر كان للاسف مصري ونزل منه سراب وكله اتظبط بعد اللي قلتهولك جرب وقلنا علي النتيجه

**Ahmad Allawy** · 29-01-2009 06:44 PM

في عيب معروف ف العربية دي و هو ان طلمبة البنزين بتتعب بسرعة.. و شوف اكيد برضه رأي الناس.. ما شاء الله قاموا بالواجب و زيادة..

-

الموضوع: شباب مشكلة في الاسترا عايزين حد خبرة

LinkBack

أدوات الموضوع

عرض

-

-

-

-

-

-

-

المواضيع المتشابهه

مشكلة في زجاج الاسترا 2004

مشكلة فى عفشة الاسترا

عايز خبرة شباب المتندى ودو الخبره في تشطيب شقة

شباب المنتدي عايزين نعمل مقابلة

مشكلة عندى فى الفرامل ارجو من لديهم خبرة بأن يفيدونى a516

الكلمات الدلالية لهذا الموضوع

المفضلات

المفضلات

ضوابط المشاركة