الموضوع كالآتي

**megoghanem** · 29-01-2009 10:18 AM

السلام عليكم يا جماعة
أولا يا رب تكونوا جميعا بخير
ثانيا وده الأهم أنا لفت نظرى أكتر من مرة ان عربيات فورد كا موديلات 97 و 98 وهكذا رخيصة نوعا ما مقارنة بامكانياتها وشكلها الشيك جدا
وبصراحة أنا كنت بأفكر جديا اشتري ماروتي أو أي عربية صغيرة مع العلم ان الميزانية مش ولابد انما ممكن نزقها شوية، علشان شفت عربية في المنتدى ده موديل 97 بـ26 ألف وكاملة مانويال وصاحبها بيقول عنها انها حالتها كويسة

ع العموم عايز اعرف ايه مشاكل ومميزات العربية دي بالتفصيل يا ريت ، ولو أنا جبت واحدة في حدود السعر المذكور ده تيقى كويسة واللا لأ، وهل لو جبت واحدة على سبيل التجربة أعرف ابيعها تاني ولا تفضل معلقة فيا وما تسبنيش؟

مع التكرم طبعا والتوضيح الرينج بتاع اسعار قطع الغيار وموجودة ولا لأ وهل اي حد بيشغل فيها ولا برضه نادر، رجاء التوضيح

**megoghanem** · 29-01-2009 06:18 PM

ايه يا جماعة فين الردود
ايه الاحباط ده

**megoghanem** · 01-02-2009 10:43 AM

ايه يا جماعة هي العربية دي محدش عارفها خالص ولا ايه
ماكانش العشم

**aYaBooY** · 01-02-2009 11:25 AM

الميزانية الي مش ولابد ديه كام بالظبط و انتا عندك استعداد تدفع صيانة في الشهر في حدود كام علشان الفورد عربية رخيصة في البيع و الشراء مريحة في الركوب قطع غيارها غالية مقارنتا بالكوري بس معمرة جدا عن الكوري ولازم الي يشتغل فيها يكون متخصص فورد و ممكن لو ميزانيتك قليلة فيه موديلات فورد تانية غير الكا ارخص نسبيا في قطع الغيار مثل فيستا كلاسيك 1100

**megoghanem** · 01-02-2009 04:41 PM

الميزانية حسب ما ذكر يعني في حدود 22 إلى 26 على الأكثر (ده بعد ما أستلف كمان)

والسؤال يعني قطع الغيار غالية بنسبة قد ايه ، ولو ممكن عربية حالتها حلوة مع المحافظة تنفع واللا لا

**aYaBooY** · 01-02-2009 06:45 PM

ممكن تفكر في فيستا 1100 هيا من 21 لحد 26 بس مفيهاش تكييف بس برده عربية تحفة و حاجتها مش قاتلة بس لازم تاخدها عربية من الاخر مفيهاش غلط يعني ما تاخدهاش فيها شغل

**NaviGator_13** · 01-02-2009 06:59 PM

[b]بص ياباشا ابعد عن الفورد خالص من الاخر كدا خاصة المستعمل

**Egy** · 02-02-2009 03:28 PM

المشاركة الأصلية كتبت بواسطة NaviGator_13

بص ياباشا ابعد عن الفورد خالص من الاخر كدا خاصة المستعمل

Ya3ni, akeed you've to prove what you're saying...
You can't just tell him "Just go away from it" we khalas...

Look, comparing with other cars, Ford is really the better one, and you can just ask anybody who own this car...

According to your price (From 22 to 26 000 LE) you have 2 choices :

1. Ford Fiesta 1996 (As one of the members told you here) but you won't have an air cond. and not a great shape.

2. Ka 1997, you'll have a great shape, full accessories, but a little bit smaller and the spare parts are a little bit more expensive (But you'll find it anyway)

In general, a "Ka" in a very good conditions, shouldn't be more than 26 000 L.E

So, in my opinion, tawakkal 3ala Allah, and go on for the Ford...

**وائل عطية** · 02-02-2009 04:27 PM

المشاركة الأصلية كتبت بواسطة NaviGator_13

[b]بص ياباشا ابعد عن الفورد خالص من الاخر كدا خاصة المستعمل

عظيم !! بس ياريت تقول لنا ليه؟
ليه يبعد عن الفورد وخلاص؟

**a3reda** · 04-02-2009 01:50 AM

خخخخخخخخخخخخخخخخخخخخخخخخخ خخخخخخخخخخخخخخخخخخ

والله انا انصحك نصيحة

لو غلبان وعايز عربيه حمالة اسيه وموش كل شهر تروح لميكانيكى
ولا كهربائى

اشترى الفورد

الفورد معمر جدا وقطع غيارة متوفره وموش غاليه زى الاشاعات ال طلعه

ياسيدى هتلاقى قطع الغيار بتاعه الفورد اصليه وهتلاقى منها قطع غيار استيراد

اما ال بينصحك ان تترك الفورد وخلاص خليه يقولنا هل هو ركب الفورد؟

هل لقى عيوب ايه بالفورد