أنت فين ياريس......................:N_no[1]:
عرض للطباعة
طيب حد يفيدنا يا جماعة ويقول تنضيف الانجيكشن يكون فين ؟؟؟؟؟
بص ياباشا.....الموضوع ممكن تعمله أنت بمنتهى البساطه كالأتى.......حل قفيز الخرطوم اللى مركب على مانيفولد الدخول بتاع الهواء........حيبان قدامك قرص بلف البوابه.......بعد كده حتشترى علبة اسبراى وتقوم برش المنطقه بتاعة البلف بغزاره ...وياريت لو موجود حد جوه العربيه يحرك دواسة الاكسراتير للتلين مكان قرص البوابه........بعد كده أنسى أى مشاكل من ناحية النقطه دىwd40 أسم مزيل الصدأ(الاسبراى) وممكن بعد كده تنشف مكان المزيل بمنديل كلينكس...
merceeeeeeeeeee
بص يا باشا تنظيف الانجيكشن يبقي علي جهاز اسمه الالترا سونيك و دا بيتحط الرشاشات عليه و بيقعد فتره في حدود ربع لثلث ساعه عشان تنظيف الرشاشات و معرفه اذا كان فيها واحد مش مظبوط ولا لا
و تنظيف البوابه لو انت انجيكشن بأسبراي خاص مش فاكر اسمه ايه بس ممكن تروح تسأل عليه قول للراجل للبيبيع عاوز اسبراي تنظيف الكربراتير
و دا بينظف الكربراتير العادي و الانجيكشين و بينظف الاتشوك كمان
كل اللي تعمله انت تشيل خرطوم الهواء و الماكنه شغاله و رش باللانبوبه الصغيره اللي بتيجي معاه جوا مكان خرطوم الهواء مع ضغط بنزين عن طريق الشداد اللي في الماكنه او لو معاك واحد صحبك يدوسلك علي دواسه البنزين
هتلاقي هباب اسود طالعلك من ورا
خد بالك لو مزوتش بنزين ممكن العربيه تلاقيها تطفي منك
وطبعا ممكن زي ما الزميل قال wd40
بس خليك في منظف الكربراتير احسن
و بالتوفيق
أعتقد ان الطريقة الأفضل للتنظيف هي "حل"أو فك البوابة بالكامل وتنظيفها بلإسبراي برة العربية خالص علشان مافيش أي حاجة تدخل قلب الموتور وتبهدل الدنيا
وعلى فكرة فكة وتركيبة مش صعب بس يكون معاك مفتاح مخصوص للمسامير بتاعته
طيب يا جماعة ما حدش قال برضه نروح فين علشان تنضيف الانجيكشن ... على فكرة انا ساكن فى المعادى