ليه اضرار كتيير لو ما اتنضفش كويس كل فترة "انظر اول مشاركة"
عرض للطباعة
بص علي الموضوع دا طريقه تنظيف البوابه بالصور
http://www.nilemotors.net/Nile/showthread.php?t=58857
شكرا جزيلا للمساعدة
انا كنت سئلت مرة فى توكيل ميتسوبيشى على موضوع تنظيف الرشاشات و قالولى اوعى تعمل كدة علشان دة بيبوظ الرشاشات و نصحونى بالسائل بتاع تنظيف البنزين الى فى البنزينةhttp://www.nilemotors.net/Nile/showthread.php?t=35190
أولا بخصوص تنظيف البوابة فالموضوع سهل جداً
- روح أقرب محطة بنزين
- هات سبراي تنظيف وحتلاقي مكتوب علية كاربراتير
- فك العمة وبعدين فك فلتر الهواء لحد متوصل للبوابة
- العربية تكون باردة
- أولاً نظف البوابة بمنديل كلينيكس كويس
- بالنسبة للعربيات البدال العادة، شد سلك الاكسيراتي ورش الاسبراي ونضف بأيدك كويس
- بالنسبة للعربيات البدال الكهرباء، افتح البوابة بأيدك ورش ونضف
بالنسبة لفلتر الهواء دا مفروض يتغير كل 20 ألف مفيش حاجة اسمها فكه ونضفه لأن كدا كدا المسام مسدودة من بخرة الزيت.
أفضل طريقة لتنظيف الرشاشات ودورة الحقن عن طريق انك تشتري Injector Cleaner من محطة البنزين وتحطه على التانك وتطلع سفرية مثلاً لاسكندرية وتمشي على سرعة ثابتة ودا ممكن تعمله مرة كل سنة لأن الرشاشات بتاعت العربيات الفولكس مبتسدش ولا بتسيل ولا الكلام الفارغ بتاع العربيات التانية.
أهم حاجة طبعاً بعد تنظيف البوابة هة انك تعمل Basic Setting للبوابة عن طريق الجهاز لأن تنظيف من غير Basic Setting يبقى ولا كأنك عملت حاجة.
بما إن عربيتك بولو 99 يعني بدال عادة مش كهرباء الخطوات كالتالي:
ادخل على كنترول الموتور (1)
وبعد كدا ادخل Basic Setting
وبعد كدا روح على Channel 98 وقول OK
حتلاقي القراءة عمالة تتغير وحتسمع صوت البوابة بتفتح وتقفل وهي بتظبط نفسها
بعد لما تخلص حيكتبلك Adp Ok يعنى خلاص انت خلصت مهمتك
اطلع جرب العربية حتلاقي فرق بشع
ملحوظة هامة جداً:
عدم الإكثار من الاسبراي عند التنظيف لأنه قابل للاشتعال وبالنسبة للناس إلي المنافولد بتاعها فبر ممكن يحصل باك فير جوا المحرك والمنافولد يتكسر أو يتشرخ.
إضافة أخيرة إن الـ TPS في العربيات الي فيها بدال عادة وظيفته محدودة جداً ومقصورة
بالنسبة للعربيات البولو 2000 التالية:
موتور ALD سعة 1000 مم مكعب
نفس الخطوات الي فاتت بس بدل Channel 98 حندخل على Channel 60
وطبعاً دا عن طريق وصلة OBDII واستخدام الاب توب أو جهاز VAS 5052