إيه أحسن بطارية للفولكس

**ابوهاشم** · 06-08-2009 11:32 PM

المشاركة الأصلية كتبت بواسطة umoussa

دا واحد متسول طول السنة صايع

يجي قبل رمضان يجبله واحدة بنت يحلقلها ظلبته ويديها مفك جنب عنيها ويدور يشحت بيها على البيوت يطلعلوا بكحكية أو قرص هو ونصيبه

مع الاعتذار للرائع محمد صبحي

أشرف الشهابي دا نار على علم يا أبوحميد هو فيه واحد ميعرفش أشرف الشهابي؟

ههههههههههههههههههههههه
والله هلكت من الضحك لسببين
اولا على كلامك الظريف
ثانيا لانى انا كمان معرفش مين اشرف الشهابى

**aid904** · 07-08-2009 11:07 AM

ولا انا كمان اعرف اشرف الشهابي
أيه يا جماعه انتو محسسني ان اشرف الشهابي دة الراجل التاني في مصر بعد الريس ... يا ريت حد يقولنا مكانه

**original** · 07-08-2009 11:57 AM

يا جماعة م أسامة قال إن أشرف الشهابى عنده قطع غيار زى توكيل فولكس وبضاعته ممتازة وأنا على الرغم إنى معرفش هوا فين بس أنا متطمن إن محل زى ده موجود وخصوصا وأنا من مللاك الفولكس..

**umoussa** · 08-08-2009 02:48 AM

شوفوا يا إخواني

أشرف الشهابي هو الوحيد الي تاخد من عنده قطعة الغيار أصلي أصلي

مش مضروبة في علبة أصلي

مكانه في شارع دمشق في مصر الجديدة

تقاطع دمشق مع بيروت، الناحية المقابلة لبنك عودة

المحل اسمه الشهابي وعليه علامة مرسيدس. علشان ده محل أبوه وهو موجود جوه

أي حد يحب يجيب أي حاجة، يروحله ويقوله انه من طرف أسامه موسى وهو مش حيعمل معاه أي واجب غير انه حيديله الحاجة الصح

الراجل ركييب فولكس من زمااااااااااااان

وضمان مفيش احسن من كده لا تقولي بقى فلان ولا علان أشرف الشهابي وبس

**M.Mostafa80** · 08-08-2009 04:22 AM

عن تجربه ومرجحه كتير فى سوق قطع الغيار فعلا الشهابى هو أفضل واحد لأنه فعلا محترم وما بيجيبش غير الأصلى بس طبعا أسعاره غير السوق ودا طبيعى لأنها أصلى يعنى مثلا حساس الحراره المضروب بيعمل 65 جنيه الأصلى عنده ب 195 وجبتو لأنى ما بقتش مصدق نفسى هو هو اللى كان راكب فى العربيه بالظبط