نصيحة فى اللانسر 1600 أوتوماتيك
السلام عليكم ورحمة الله وبركاته
انا عضو جديد هنا فى المنتدى وبصراحة فكرة هذا المنتدى رائعة وانا تقريبا بقالى اسبوعين بتصفح المناقشات والمشاركات للأعضاء المبجلين ، انا كنت فى حيرة شديدة ولا زلت بالصراحة بين اللانسر 1600 والكورولا 1300 ونظراً لاختلاف السعة اللترية للاتنين فقولت ان المقارنة تكون بين اللانسر 1600 والكورولا 1600 ولقيت فى بينهم فرق كبير فى السعر وبالتالى وبعد ان استخرت الله وفقنى للانسر 1600 وكنت عايز التجهيزات الرياضية لكن للاسف مش لاقى العربية السبورت او السوبر اكشن لانى عاوزها بالصراحة بالتوكيل المصرى ( على فكرة مش بعيب فى الخليجي ) المهم العربية الوحيدة اللى لقتها فى معرض اسمه اوتو كروس امبارح كانت لانسر 1600 اوتوماتيك كلاسيك من غير جنوط وسبويلر وفتحة شقف ولا cd changer ولقيت عنده التويوتا كرورلا 1600 اوتوماتيك فول اوبشن ومعاها جنوط وسبويلر سعرها 138000 جنية يعنى فوق الميزانية بتاعتى بكتير فتوكلت على الله ودفعتله امبارح مقدم العربية اللانسر والمفروض هاستلمها منه النهارده . بعد كل الحكاية دى انا كنت برجو من رواد المنتدى ذوى الخبرة 3 حاجات :
1- نصائح الاستلام وما الذى يجب مراجعته مع المعرض
2- نصائح الفترة الاولى للتشغيل
3- كنت عايز اجيب للعربية جنوط تكون أصلى أو تشبه الأصلى يا ترى الاقيهم فين
شاكر جدا ليكم وادعولى باه ان ربنا يباركلى فى العربية ان شاء الله
