طيب مالمنطق كده و مادام الوضع في كلام كتير
ما تنزلو مركز الخدمه و تسئلو انتو بحكم انكم اصحاب العربيه و ترجعولنا بالمفيد
مش هيكون في مجال للقيل و القال
و بالمره بقي اسئلو علي الحاجات دي
1-تركيب انذار
2-وجدات رفع للزجاج الامامي
3-باركنج سينسور (صباح الدلع)
4-تركيب الكاسيت( ولو اني شايف انه مش مشكله لو اللي بيركب بيعرف يركب اصلا)
5-لو في امكانيه لتعديل الكنبه الخلفيه علشان تطبق التلت و التلتين(حركه قمه في الغباء انها قطعه واحده لأنها كده مش عمليه لو مسافر و معاك اتنين و حاجات كتير, ده الفيليشيا القديمه بتعاتي كان فيها الموضوع ده و كان عملي فوق الوصف و مش هينفع اقعد اتكلم قد ايه كان بيسعف لما تكون عايز تحمل العربيه اشخاص و حاجات. ده من الاسباب اللي مخلياني ارجع افكر في الهاتشباك تاني عن السيدان لأن شنطه السيدان محكومه بحجم فتحتها لكن الهاتش باك كله بيديك مجال انك تشيل حاجات كبيره الحجم, قد ايه ده فرق معايا مثلا لما رحنا كارفور نجيب تلفزيون بالصني و مكنش فيه عربيات نقل عذاب عذاب عذاب انما لو كانت هاتش باك كنت قدرت اشيله عادي فيها, انا شايف ان حاجه زي كده عمليه موت و الهاتش اريح من السيدان, ملوش لازمه امشي اجر شنطه طويله و تقرفني في الركن علشان يوم ما اجي اسافر و الم مصر كلها في العربيه تكفي!!)
5-حته كونسول يتيمه مابين الكرسيين الاماميين علشان الواحد يريح عليها ايده و هو سايق بدل ما يريح علي الفتيس, قد ايه زعلان من فيات علشان الحركه الرخمه دي, و لما بصيت علي العربيه في ارض الواقع حسيت ان تركيب كونسول امامي هيكون مشكله علشان وضعبه ملف تعديل وضع الضهر هيعاكس اي كونسول يركب خصوصا لو مركب فرش جلد, فياريت الناس تتكلم و ترد علينا في النقط دي
و شكرا
المفضلات