الموضوع: الحمد لله

المشاركة الأصلية كتبت بواسطة basemagour

الف الف الف مليون مبروك يا مشمش والله انا مبسوط لك خالص انا وانت كنا طالع روحنا ومتأخرين فى الحجز عند ابو غالى وربنا يباركلك فيها ولعلمك هما كلمونى فى ابو غالى وقالولى الموافقه هتخلص 3/2/2009 ولازم اجددها فا اطلب منك طلب انك تساعدنى واتقلى ازاى جددتها وكمان اييه موضوع التوكيل الى بتعملة للبنك ده وكمان اييه الاوراق الى بتاخدها ساعت الاستلام يعنى فيه عقد ولا اييه بالظبط بتاخدة مع العربية وكمان سؤال هوا انت مش بتستلم من الفرع الى حاجز منة ولا حتة اخرى وكمان انت اخدتها بكام بالظبط يعنى 77500ولا 78500 ارجوك تفيدنى فى الموضوع ده ضرورى وبجد والله انا مبسوطلك خالص وربنا يكفيك شرها يا رب

شوف يا حبيبى أولا مبروك مقدما ان شاء الله
انت تاخد الموافقة منهم وتروح الفرع اللى انت قدمت فيه على العربية تدخل للموظف اللى عملهالك وتقوله انهم اتصلو بيك علشان يسلموك والموافقة عايزة تتجدد حيستلم منك الموافقة وياريت يكون يوم الأحد وتروح بدرى 8:30 صباحا علشان يستلم بدرى منك والسبب ان فى بسطة بتطلع من الفروع كلها للفرع الرئيسى للبنك فى جاردن سيتى الساعة 10 صباحا وكده انت خلصت دورك تضغط على الموظف شويه العربية على ضغط وممكن تضيع منك وشوية كلام كده وتسيبه هما بيخدوا 4 أيام للتجديد كتير بس هو ده نظامهم سيب يوم الإثنين وكلمه فى التليفون يوم الثلاثاء حيقلك مجتش انت قوله العربيات بتتسلم وكده العربية حضيع وسيبه وان شاء تستلمها يوم الأربعاء بس المهم يوم متوديها البنك اطلع فى نفس اليوم على مدير فرع الميرغنى اشرف المسيرى ادخله وقوله انكم كنتم المفروض تبلغونى بدرى شوية كنت زمانك جددتها بدرى قبل كده وقوله انك حاجز من زمان وخد منه وعد بتسليمك عربية أول ما الموافقة تتجدد وخد صورة معاك من الموافقة قبل متقدمها البنك وبالتوفيق .
التوكيل بقه ده توكيل رسمى عام بيع سيارات فى منه صورة فى المعرض أو البنك تروح الشهر العقارى وبيطلع بإسم البنك وخد بالك التوكيل ده مفتوح يعنى البنك ممكن يبيع أى عربية انت تملكها
علشان كده وانت بتعمله خليك يكتب ان التوكيل ده بيع سيارات بريليانس FRV موديل 2009 وخد بالك من الأخطاء الكتابية واسمك يكون زى اللى فى البطاقة وكمان رقم البطاقة سليم واسم العربية والموديل لأن لو حرف أو رقم خطأ مش حيسلموك وربنا يكرمك.
انت بتستلم صورة من العقد فيه العربية والموديل والمواصفات ووقت وتاريخ الإستلام ولونها بمبى فريحى يعنى والورقة دى مهمة مش لإثبات ملكية وبس ولكن دى بتمشيك بالعربية 48 ساعة لأن العربية انت واخدها من غير ورق .
بصراحة دفعت 78500+200 اوراق للترخيص معلش كله علشان خاطر الجميلة بجانب ان سعر 6% مش موجود بره خااااالص أقل سعر 9 % فالفرق مش مشكله انت كسبان برده
انت المفروض تستلم من الميرغنى بس يوم الخميس اللى كنت انا فيه مكنش فيه سوقين وبصراحة انا مصدقت قلتلهم مش مشكله من اى مكان المسأله حتفرق معاك تاكس ب 30 جند وبترجع بعربيتك ان شاء الله .
وانت بتستلم حاول تبص على العربية من بره وجوه وخالى الراجل اللى بيسلك يجربك الإشارات والكاسيت ويفتحلك الشنطة وتبص على الإستبن والكوريك وبيدوك مثلث متسيبوش وربنا يوفقك وتستلم على خير انت وكل اللى مستلمش وأى استفسار اطلب وتحت امرك .