Daewoo Lanos I 99

**besso33** · 18-02-2009 01:49 AM

الأستاذ اللي بيتكلم عن لانوس 2 احب ان اعرفه ان انا معايا لانوس 2 وكان معايا لانوس 1 وبصراحة لانوس 1 اعتقد انها افضل من لانوس 2 ودي مجرد وجهه نظر

**amr_elrashidy** · 18-02-2009 01:58 PM

المشاركة الأصلية كتبت بواسطة tamer_a7

للاسف السعر هيزعلك هيه هتعمل في ال35 حاجه كده علشان اللي بتعمل اعلي من كده بتبقي الانوس 2

لالالالالالالالالا انا مش معاك خالص....العربية دى ممكن تجيب ال 40 عادى دلوقت لانها كمان لسه فابريقة و تغيير الاكصدام مش عيبة..ال 35 دى تجيب واحدة وقيع خالص اذا جابت اصلا..حرام متخسفوش بحاجه الراجل الارض

المشاركة الأصلية كتبت بواسطة besso33

الأستاذ اللي بيتكلم عن لانوس 2 احب ان اعرفه ان انا معايا لانوس 2 وكان معايا لانوس 1 وبصراحة لانوس 1 اعتقد انها افضل من لانوس 2 ودي مجرد وجهه نظر

انا معاك فى دى لانى ركبت لانوس 1 لمدة سنة و ركبت اللانوس 2 كذا مرة و رحت بيها مشاوير ..ال 1 صاجها احسن و تقفيلها افضل بس فى الجرى ال 2 اخف شوية

**AYMAN4PLUS** · 19-02-2009 10:25 AM

للاسف اليومين دول فى ناس كتير بتحب تصطاد فى المياه العكرة علشان فى حالة ركود فى الشراء والبيع.

منهم لله أصحاب فكرة خليها تصدى ، هى مين بالظبط اللى تصدى العربيات ولا بيوت الناس البسيطة اللى عايزة تبيع عربية نتيجة ضائقة مالية أو خلافه .

لعنة الله على كل من يتسبب فى أذى الناس ، وكل بنى آدم له يوم ان شاء الله .

**tamer_a7** · 22-02-2009 10:20 AM

اولا السلام عليكم جميع
ثانيا الراجل بكل بساطه سأل علي سعر العربيه وانا قلت ليه سعر السوق
يعني معلش الانوس 1 مش هتعدي ال39 باي حاله من الاحوال لانك ممكن ب43 دلواقتي تجيب عربيه كريستاله لانسر يعني
مش دايو لا 1 ولا2
هو سال سؤال وانا جبت ليه الواقع عايز يبيع مش علي 40 علي 50 دا حريه شخصيه
اسعار العربيات ايوه وقعه وانا الايام اللي فاتت كنت في معارض كتير واتعرضت لناس كتير واللي ما يشوفش من الغربال يبقي بيضلل الناس
وانا اتمني حد من المشرفين اللي اللي انا متاكد انهم عارفين بالاسعار يدخل ويقول
علشان يحط النقط فوق الحروف
ثالثا ممكن تكون عربيات قديمه كتير افضل من موديلات احدث بس الجديد طبعا لازم يتباع اغلي يعني طبعا الانوس 2 هتكون اغلي من ال1 دا امر طبيعي جدا فرق موديل وسنه
انا ما ببحسش حد سعر عربيته بس بقوله الحقيقه ويا عم انزل المعارض ورجاء ادينا السعر اللي هتسمعه
والسلام ختام

**tamer_a7** · 24-02-2009 12:07 PM

المشاركة الأصلية كتبت بواسطة AYMAN4PLUS

للاسف اليومين دول فى ناس كتير بتحب تصطاد فى المياه العكرة علشان فى حالة ركود فى الشراء والبيع.

مع الاحترام الشخصي لحضرتك انا ما بصتدش في الميه العكره هو بس احنا اللي حطين ادينا علي ودنا وما بنسمعش للي حوالينا

المشاركة الأصلية كتبت بواسطة AYMAN4PLUS

منهم لله أصحاب فكرة خليها تصدى ، هى مين بالظبط اللى تصدى العربيات ولا بيوت الناس البسيطة اللى عايزة تبيع عربية نتيجة ضائقة مالية أو خلافه .

ما حدش في الحمله دي جاب سيره الناس اللي بتمر بضائقه ماليه الا اذا حضرتك اعتبرت ان تجار السيارات والموردين دي ناس غلبانه في الحاله دي اختلف معاك
اما بالنسبه للانوس 2 او 1 معلش ما تزعلش مني طبعا وهيه زيرو كانت افضل مليون مره بس لما تمشي في الشوارع المصريه طبعا لازم سنين الموديل والعمر يفرق
دي لو خدت مطب واحد بس كل يوم يبقي الفرق في السنه هيعمل 360 مطب وانت بقي فكر ايه ممكن يحصل
وانا كمان حبيت اجيب ليكم اسعار شويه عربيات اتباعت قدامي اليومين اللي فاتو
انا مش تاجر والله بس بدور علي عربيه من 38 الي 40 الف
لانسر كريستاله 99 43 الف
دايو جوليت 2 مش فاكر الموديل 37.5 الف
سيفيا 2 2000 35.5
سيفيا اتوماتيك 99 35 لوجود عيب في الفيتيس وكانت جايبه قبل العيب 37 وانا فعلا كنت هاشتريها
نوبيرا كامله اتوماتيك فابريكه بره وجوه بعده صوت بيونير 43000 كوري طبعا

لعنة الله على كل من يتسبب فى أذى الناس ، وكل بنى آدم له يوم ان شاء الله .

**khater87** · 27-02-2009 04:35 AM

انا مش تاجر والله بس بدور علي عربيه من 38 الي 40 الف
لانسر كريستاله 99 43 الف
دايو جوليت 2 مش فاكر الموديل 37.5 الف
سيفيا 2 2000 35.5
سيفيا اتوماتيك 99 35 لوجود عيب في الفيتيس وكانت جايبه قبل العيب 37 وانا فعلا كنت هاشتريها
نوبيرا كامله اتوماتيك فابريكه بره وجوه بعده صوت بيونير 43000 كوري طبعا

لعنة الله على كل من يتسبب فى أذى الناس ، وكل بنى آدم له يوم ان شاء الله
اولا السلام عليكم ... بعض النظر عن الاسعار دي اذا كانت صحيحه او غير صحيحه علي العموم
انا معايا لانوس 2001 يعني لانوووس 2 جوه شركه راشه بره ... مش هقولك جابتلي كااام
انا بصراحه نفسي اعملها في اي عربيهه تانيه (ادخلها )سيفيك او نوبيرا از كريستاله ............. بالاسعار الي حضرتك قلت عليها ... وبزياده الف جنيه كمان علي كلام حضرتك ..
ياريت حضرتك ترد عليا وتقولي المعارض دي فين مكانها ..
وإن شاء الله ابقي علي اتصال مع حضرتك لما ابقيي جاهز ...
وابقي شاكر ليك