تحذير هام جداً من الموبايلات الصيني ... احذر الــSAR value المجهولة

السلام عليكم ...

تحذير هام حبيت اني اقوله هنا للأعضاء الكرام

طبعا كلنا عارفين ان السوق المصري اصبح مليان موبايلات صيني مجهولة الماركة و مليانة كلام فارغ تليفيزيون ارضي و سماعات بتعمل ضوضاء مقرفة و مزيد من الإمكانيات اللى فى رأيي الشخصي "كلام فاضي ملوش اى لازمة"

طيب التحذير هنا من اية ؟

خضرتك لو فتحت اي كتالوج ( دليل مستخدم ) للموبيل من الشركات المحترمة زي نوكيا , سونى اريكسون , سامسونج , ... هتلاقى لازم فى قسم فى الكتالوج بيتكلم عن الـSAR (Specific Absorption Rate) و هى على حد علمى كمية الإشعاعات التى يصدرها الموبيل ... و تم الإتفاق على معايير لسلامة الإستخدام البشرى و هو ألا تزيد هذه القيمة عن 2 ( و بصراحة مش فاكر التمييز هنا اية ) و لذلك لازم تلاقى الشركات المحترمة موبيلاته ذات قيمة اقل من 2 دائماً ...

اقم بتصفح كتالوج لأى موبيل صينى و لن تجد اى معلومات عن الــSAR و دليل انهم لا يطابقوا المواصفات ان تم سحب كمية من السوق ( اية دا ؟؟ اول مرة احس ان فيه رقابة !! ) ..الكلام ده مش فاكر قرأته على موقع اية ...

رأيي المتواضع : لا داعى ابدا للموبيلات الـ اى كلام دى و خليك فى موبيل عادى او من ماركة محترمة يخدم احتاجاتك و سيبك من الكلام المجهول دا ...

بصراحة انا ابتديت اكره الشعب الصين من كتر المنتجات التعبانة اللى عمال يجيبهالنا ...

شكرا جزيلا على تنبيهك

فعلا انا شخصيا عايز اجيب عدة جديدة وخايف ومحتار

الاسوء من ذلك

دلوقتى ممكن تجيب استيكر مكتوب عليه السريال وصناعة كورى او صينى او فنلندى وتلزقها على ظهر العدة تحت البطارية

والغش شغال على ودنة

يارتنى مابعت ال 73 كان فنلندى اصلى

دلوقتى خايف لادبس فى الصينى مع العلم ان كله صينى


حتى ال n بجميع ارقامة

حضرتك نوكيا عندها مصانع فى الصين و كوريا حاليا

ده غير فى فنلندا و المجر زي ما إحنا عارفين ...

الكلام هنا على الموبيلات الصينى المجهولة الماركة / التقليد ( طبعا التقليد بيكون واضح من السوفوير)

لكن الماركات العالمية متقلقش منها فى موضوع الــsar

تحياتي :)

شكراً على التحذيز
جزاك الله خيراً

اقتباس:

---

المشاركة الأصلية كتبت بواسطة SuccessCre8or

حضرتك نوكيا عندها مصانع فى الصين و كوريا حاليا

ده غير فى فنلندا و المجر زي ما إحنا عارفين ...

الكلام هنا على الموبيلات الصينى المجهولة الماركة / التقليد ( طبعا التقليد بيكون واضح من السوفوير)

لكن الماركات العالمية متقلقش منها فى موضوع الــsar

تحياتي :)

---

هو فى تعقيب صغير بس انا اعرف ان الصين اشترت خطوط انتاج نوكيا جميع الموبايلات النوكيا صينى فقط المجرى والالمانى دة نصب انا سمعت الموضوع دة من اكبر محلات الموبايل يعنى النوكيا حاليا بقى صينى فقط
هل دة صح ولا المحلات بتشتغل الناس؟؟؟؟؟؟
انا معايا نوكيا صينى لفيت الدنيا علشان القى فنلندى قالولى مافيش الصين اشترت نوكيا

اقتباس:

---

المشاركة الأصلية كتبت بواسطة elassar2010

هو فى تعقيب صغير بس انا اعرف ان الصين اشترت خطوط انتاج نوكيا جميع الموبايلات النوكيا صينى فقط المجرى والالمانى دة نصب انا سمعت الموضوع دة من اكبر محلات الموبايل يعنى النوكيا حاليا بقى صينى فقط
هل دة صح ولا المحلات بتشتغل الناس؟؟؟؟؟؟
انا معايا نوكيا صينى لفيت الدنيا علشان القى فنلندى قالولى مافيش الصين اشترت نوكيا

---

أحنا أكبر شعب بيحب و يموت و يعشق الفتي و التأليف

البياعين أغلبهم منعدمين الضمير
المهم هو يبيع و خلاص و يقول اي كلام في اي كلام و الزبون يشرب

قال الصين أشترت نوكيا ؟؟؟؟؟؟؟؟؟
و حتى لو الصين اشترت نوكيا
ميقدروش يقفلوا مصنع فنلندا و على فكرة على حد معرفتي النوكيا مازالت مملوكة لفنلندا و الصين ملهاش في الموضوع

هو مش الصين إشترت نوكيا (فيه حاجة إسمها كدة أصلا!؟) .. نوكيل عملت مصنع في الصين .. و هو اللي بيجيلنا الإنتاج منه .. فا كل النوكيا اللي في مصر بقي صيني .

Nokia Nseries is made in china for the middle east

Eseries is made in Korea for the middle east

Finnish-made models are only for the EU market now

و الله مش فارقة المهم الماركة و الــSAR زي ما قلت

اقتباس:

---

المشاركة الأصلية كتبت بواسطة tutankhamoun

أحنا أكبر شعب بيحب و يموت و يعشق الفتي و التأليف

البياعين أغلبهم منعدمين الضمير
المهم هو يبيع و خلاص و يقول اي كلام في اي كلام و الزبون يشرب

قال الصين أشترت نوكيا ؟؟؟؟؟؟؟؟؟
و حتى لو الصين اشترت نوكيا مقال
ميقدروش يقفلوا مصنع فنلندا و على فكرة على حد معرفتي النوكيا مازالت مملوكة لفنلندا و الصين ملهاش في الموضوع

---

بس الى قايلى كدة موظف فى i2 هو احتمال الى بينزل مصر حاليا هو انتاج الصين فقط زى موترايزر

اقتباس:

---

المشاركة الأصلية كتبت بواسطة elassar2010

بس الى قايلى كدة موظف فى i2 هو احتمال الى بينزل مصر حاليا هو انتاج الصين فقط زى موترايزر

---

مصانع العالم كله عندها مصانع تجميع في كل مكان في العالم
و موظفين I2 أو موظفين أي شركة تانية أو البايعين في مكان في أي حتة في مصر
أكبركدابين لما الموضوع يتعلق بالأجهزة و مواصفاتها
و عندك مثلا البياعين في المصرية لبيع السيارات
معلوماتهم عن العربيات زي معلوماتي عن المفاعل النووي
أن العربية بتمشي على أربعة عجلات ....... إنما أسأل على أي معلومة فنية
هاتلاقي الفتي و التأليف أشتغل
و نفس الكلام بينطبق على بياعين التليفونات

اقتباس:

---

المشاركة الأصلية كتبت بواسطة tutankhamoun

مصانع العالم كله عندها مصانع تجميع في كل مكان في العالم
و موظفين I2 أو موظفين أي شركة تانية أو البايعين في مكان في أي حتة في مصر
أكبركدابين لما الموضوع يتعلق بالأجهزة و مواصفاتها
و عندك مثلا البياعين في المصرية لبيع السيارات
معلوماتهم عن العربيات زي معلوماتي عن المفاعل النووي
أن العربية بتمشي على أربعة عجلات ....... إنما أسأل على أي معلومة فنية
هاتلاقي الفتي و التأليف أشتغل
و نفس الكلام بينطبق على بياعين التليفونات

---

:S_thum1[1]::S_thum1[1]:فعلا كلام حضرتك مظبوط كلة بيحب يفتى بس جية على دماغى وجبت واحد نوكيا صينى

طيب الواحد يتأكد ازاى اصلا من معلومة زى دى ؟
واية مصدرها ؟

يا جماعة الموضوع كالتالى:
1- الصين هى الجهة المفضلة حاليا لكل المصنعين الكبار فى العالم، وعذا فى كل الصناعات، لاسباب كثيرة.
2- نوكيا لديها مصنع فى الصين مثلها مثل غيرها من المصنعين، لكن العبرة ليست بوجود المصنع فى الصين، وانما فى معايير ال quality control التى تطبقها نوكيا على اى من منتجاتها، وبالتالى لا خوف.
3- لمن يريد استخدام موبايل صينى لكن فى نفس الوقت يخاف من ال Sar Value العالية و التى غالبا مالا تخضع للمقاييس الدولية، فيمكن استعمال سماعة بلوتووث، وبالتالى لن يتأثر المستخدم باشعاع الموبايل على الاطلاق.

اقتباس:

---

المشاركة الأصلية كتبت بواسطة mahora

يا جماعة الموضوع كالتالى:
1- الصين هى الجهة المفضلة حاليا لكل المصنعين الكبار فى العالم، وعذا فى كل الصناعات، لاسباب كثيرة.
2- نوكيا لديها مصنع فى الصين مثلها مثل غيرها من المصنعين، لكن العبرة ليست بوجود المصنع فى الصين، وانما فى معايير ال quality control التى تطبقها نوكيا على اى من منتجاتها، وبالتالى لا خوف.
3- لمن يريد استخدام موبايل صينى لكن فى نفس الوقت يخاف من ال Sar Value العالية و التى غالبا مالا تخضع للمقاييس الدولية، فيمكن استعمال سماعة بلوتووث، وبالتالى لن يتأثر المستخدم باشعاع الموبايل على الاطلاق.

---

حضرتك ... احنا بنتكلم عن الموبيلات مجهولة الماركة ( مش موضوع مصنعة فى الصين ولا لأ )

اقتباس:

---

المشاركة الأصلية كتبت بواسطة pro_samir

طيب الواحد يتأكد ازاى اصلا من معلومة زى دى ؟
واية مصدرها ؟

---

مش فاهم حضرتك قصدك اية بالظبط ؟

انا قصدت من هذه النقطة طمأنة الناس التى تقلق من اى منتج لماركة كبيرة، عندما يجدون عبارة صنع فى الصين عليه، ومحاولة البحث الدائم عن منتج ذو صنع اوروبى او يابانى، وهى العبارات الآخذة فى الانقراض نظرا لارتفاع تكلفة التصنيع فى كلتا الجهتين، فالعبرة حاليا هى بمقاييس الجودة التى يطبقها الصانع.
اما بخصوص الموبايلات المجهولة المصدر، فقد قدمت الحل الذى سيجنب المستخدم مشكلة الاشعاعات العالية الصادرة من الجهاز.

ايوا كدا تمام ... شكرا لتوضيحك