( الاغــانــى الـشـعـبـى ) ..!

**Terrible_DaRsH** · 30-01-2009 06:20 PM

الاغانى الشعبي وما وصلت اليه ...
بجد كفاية كده .. بجد حرام اللى الناس بتسمعه ده ..
استحالة دى تكون اغانى اساسا ....
مستوى الاغانى الشعبي هبط بطريقة غير معقولة هبط بلا رجعة .
ايه القرف وقلة الادب والانحلال ده .. الاغانى دى تهمة ..
تلاقى واحد بيوقلك انا شارب حشيش وواحد يغنى للخضار والحمار وواحد يقولك انا مسطول وواحد يعمل اصوات غريبة و كلمات بلا معنى وتلاقى سواقين الميكروباصات ماشيين ومشغلين الاغانى دى وعايشين معاها ..
واللى يحزن الواحد اكتر ان في فئة كبيرة من الناس فى مصر بتسمع الاغانى دى ...
والله ده مش شعبي يا جماعة ولا يمس الشعبية بصلة من الاصل ...
هو ايه اللى جرا للناس ... خلاص مبقاش فيه تمييز
ايه اللى وصل الناس اللى بيغنوا دول للمستوى ده !
اكيد اللى بيسمعوهم هما اللى بيشجعوهم ..
واللى يغيظ ان برده تلاقى على قناة مزيكا كليبات من النوع الهابط ده..
يعنى تلاقى كليب عمرو دياب ووراه كليب العالم الغريبة دى . وصلت بيهم الدرجة انهم يصوروا الكلام ده فى كليبات ...
يا ريت اللى بيسمع الاغانى دى يقولنا ايه وجهة نظره فى كده يعنى !!

**Busquets** · 30-01-2009 07:35 PM

أنا مع منع الأغاني دي فل ميكروباصات
لأنها بتقرف ناس كتيرة من الشعب وكمان دي مواصلة مش عربية سياداته الخاصة
بس غير كدا محدش له دعوة
يعني أنا واحد ذوقي معفن وبسمع القرف دا محدش لو حاجة عند
والله نفسي نخلص من الناس الي بتغني دي
بس دا شئ صعب !

**MoToRiZeR** · 30-01-2009 11:19 PM

كان فيه فرح قريب من البيت سمعت منه شوية أغاني .. خيال علمي !
انا مش فاهم البني أدم اللي بيغني ده و هو بيسجل الأغنية بيبقي إحساسه إيه وهو بيقول الكلام ده ادام الناس اللي قاعدين معاه .. يعني اما واحد يروح يجيب مهندس صوت و عدة و ستوديو عشان يقعد يقول جوجوجوجوجوجوجو طول الأغنية .. ده إحساسه بينه و بين نفسه إيه !؟

**sendrella** · 30-01-2009 11:43 PM

المشاركة الأصلية كتبت بواسطة Terrible_DaRsH

وواحد يغنى للخضار والحمار

ههههههههههههههههههههه

ضحكتني والله يا درش
و مين عارف بكرة هيغنوا لمين تانى

الذوق انحدر الى ابعد الحدووووود والله

**OlaOsman** · 30-01-2009 11:50 PM

المشاركة الأصلية كتبت بواسطة MoToRiZeR

كان فيه فرح قريب من البيت سمعت منه شوية أغاني .. خيال علمي !
انا مش فاهم البني أدم اللي بيغني ده و هو بيسجل الأغنية بيبقي إحساسه إيه وهو بيقول الكلام ده ادام الناس اللي قاعدين معاه .. يعني اما واحد يروح يجيب مهندس صوت و عدة و ستوديو عشان يقعد يقول جوجوجوجوجوجوجو طول الأغنية .. ده إحساسه بينه و بين نفسه إيه !؟

مافيش فايدة فيك لازم تفطسني على نفسي من الضحك بردودك دي.. بجد انت مش ممممممممكن

**MoDyBeNz2008** · 30-01-2009 11:51 PM

انا بجد اتخنقت من الغنى الهابط دة اللي قولك الشاب بيرقص عالترابيزة و اللي يقولك جو جو جو جو و اللي تقولك اه يانة تعبانة طالما تعبانة اتهدي و اقعدي في بيتك انا عارف ايه القرف دة .......

و بما اني من سكان المنطقة المهجورة اللي اسمها المطرية فبسمع من العينة دي كتير

بس اللي العن من كدة الاغاني اللي فيها شتايم و اكبر مثال ليها اغنية اسمها الهلاك افريق اسمه egy rap school بجد حاجة في منتهى القرف قمة في الانحطاط و الوطينة اللي و هتلاقيها على موبيلات كتييييييير من الشباب ........

**M.Osman** · 31-01-2009 12:10 AM

يا شباب ... دا اسمه العالم الموازي

**Ahmed_Elkhateb** · 31-01-2009 01:10 AM

el 7l b3d ma n5`ls men 7mlet 5leha tsde n3ml 7mla ded el a3`ane el sh3be

**نور القمر** · 31-01-2009 01:15 AM

اولا اهلا بيك من جديد معانا يا تريبل نورت المنتدى
اما بقه موضوع الاغاني الشعبية دي بقة حاجة مثيرة للاشمئزاز ومستوى هابط
وبيبقه يوم نحسي لو ركبت ميكروباص ومشغله اغنية هابطة
وللاسف دلوقت الاغاني الهابطة مش مقتصرة على سواقين الميكروباصات وخلاص
احيانا تدخل مولات تلاقيهم مشغلين العك ده
اغاني هابطة ومستوى هابط
لسه من كام يوم سامعه اغنية طول الاغنية عمال يقول يا لهوي يا خرابي
بقيت اقول آلهي يصوتوا عليه بدري