الموضوع: افيدوني عن peugeot 405 prestige 2l

يا أستاذ أبوعبدالله وجود مشكله فى فتيس عربيه أو إتنين لا يعنى إن كلها معيوبه لأن الفتيس الأوتوماتيك زى ما حضرتك عارف بيحتاج معامله خاصه قد لا تتوفر المعلومات عنها عند الناس
أخويا مثلا راكب عربيه أوبل أوتوماتيك وحصل إن أولسيه الكوبلن اللى ناحيه الفتيس ضرب فأدى ذلك مع الوقت الى تسرب الزيت وما أدراك ما تسرب الزيت فى الفتيس الأوتوماتيك
ونتيجه لأن أخويا ما يعرفش أساسا أن فى مقاس لزيت الفتيس فى العربيه فالفتيس باى باى وغيره
وبعدين العربيات البيجو عامه عربيات عظيمه الشأن ولا تقل عن أى عربيه تانيه فى حدود أسعارها وبستند على خبره كبيره جدا تقترب من المائه عام
وبالنسبه لقطع الغيار بتاعه 405 إنت مصمم إنها غاليه لكن الحقيقه إنها مش غاليه أبدا ولو حضرتك مش مقتنع هات لى سعر أى 5 قطع غيار من أى عربيه ونقارنها بأسعار نفس قطع الغيار بتاعه 405 وحتلاقى إنها مش غاليه
وبعدين أنا فيه واحد زميل معاه تويوتا كرولا وبرضه فتيسها الأوتوماتيك بايظ هل ده معناه إن فتيس التويوتا وحش ؟
أنا أعتقد إن حضرتك لو ركبت عربيه بيجو (بس من بتوع بره ) حتغير فكرتك عن العربيات دى خالص

أنا أعتقد إن حضرتك لو ركبت عربيه بيجو (بس من بتوع بره ) حتغير فكرتك عن العربيات دى خالص

حضرتك انا ركبت وانا عارف كويس

لأنها مع كذا واحد من صحابي ولا بسمع اسعار قطع الغيار هما نفسهم بيشتكوا

ومتهيألي ان حضرتك لوفتيس التويوتا او غيره باظ ولقيت نفس المشكلة انه عاوز يتغير كله عند حد تاني ولقيت كذا واحد بيقول الكلام ده يبقى لا جدال ان فتيس التويوتا الاوتوماتيك مش كويس وده حاجه مش هتزعلني يعني

زي الأوتوماتيك بتاع النوبيرا بالذات معروف عنه كده ولكن مش معناه ان كل العربيات اللي ماشيه فتيسها بايظ ولكن ده معناه ان في احتمالات كبيره أنه يبوظ لأن دي بتبقى مشكلة في صناعته

موديلات 88 و 89 و 90 و 91 و 92 من 405 فوانيسها الخلفيه أكبر فى الحجم من الموديلات اللى بعد كده وبحافه تحميل مرتفعه للشنطه الخلفيه عكس من موديل 93 وطالع حافه تحميل الشنطه منخفضه والفوانيس الخلفيه أصغر وده لتسهيل عمليه التحميل من الداخل فرش الأبواب والتابلوه مختلفين
من الأمام والأجناب لا يوجد أى إختلاف ولا تستطيع التمييز بينهم من هذه الزوايا
موديل 95 فى 405 تساوى فى حدود من 50 الى 55 حسب الحاله