أريد باب شنطة فضى لـ A5

**Exlog2580** · 31-01-2009 12:31 AM

أرجو من السادة الأعضاء ، إن كان أحد منكم يقدر يدلنى على مكان أأقدر أشترى منه باب شنطة لعربيتى الأوكتافيا A5 من الأماكن التى تبيع السيارات المقطعة والواردة من الخارج ، وتقريبا سعر السوق لباب الشنطة كامل بكام ، حيث إن سيارتى مواصفات خليجى Elegant ولونها فضى ميتالك . وشكراً

**KHALED AYMAN** · 31-01-2009 01:00 AM

المشاركة الأصلية كتبت بواسطة Exlog2580

أرجو من السادة الأعضاء ، إن كان أحد منكم يقدر يدلنى على مكان أأقدر أشترى منه باب شنطة لعربيتى الأوكتافيا A5 من الأماكن التى تبيع السيارات المقطعة والواردة من الخارج ، وتقريبا سعر السوق لباب الشنطة كامل بكام ، حيث إن سيارتى مواصفات خليجى Elegant ولونها فضى ميتالك . وشكراً

اهلا بالمحلاويه

هى عربيتك لونها فضى و فيها جنط 16 اتخبطت منك على طريق طنطا و دخل فيها عربيه جامبو ؟؟؟؟ رقمها اوله 62

**Exlog2580** · 31-01-2009 05:04 PM

شكراً على الإستقبال ، وشكراً على الأفادة .

**KHALED AYMAN** · 31-01-2009 05:59 PM

ايه يا باشا انت زعلت ولا ايه؟؟؟
انا والله معرفش حد بصراحه يكون عنده باب الشنطه ده و على فكره انا سالتلك النهارده ملقيتش حد يعرف !!!
فى واحد بتاع اوبل ممكن تساله و اكيد هيكون عارف بتوع الاسكودا فين!!!
لو عايز عنوانه و رقمه قولى و انا اقولهملك و انا تحت امرك ده انا اخيرا لقيت حد من المحله زيى !!

**Exlog2580** · 01-02-2009 01:40 AM

والله أنا ما زعلت ولا حاجة لأنى أصلا مش قادر أعرف أنت مين ، فلو كنت عارفنى صحيح كلمنى على تليفونى وعرفنى أنت مين علشان أعرف أسألك عن عنوان ورقم الراجل بتاع الأوبل ده ، وشكراً .

**karimone** · 01-02-2009 12:04 PM

هاتلاقيه في الحرفيين
العربيات المتقطعه كتير هناك بس انا معرفش السعر كام

**Exlog2580** · 01-02-2009 04:55 PM

شكراً على الرد ، ولكن للأسف أنا ذهبت إلى الحرفيين يوم الثلاثاء اللى فات وسألت عند الناس كلها ، ولقيت للأسف باب بس لون سماوى وفاضى تماما ، مافيش غير الزجاج ، عند العمرى اللى فى شارع تبارك ، لكن أنا بأدور على باب نفس لون عربيتى ( فضى ميتاليك ) علشان اشيل وأركب على طول من غير دهان .

**karimone** · 01-02-2009 04:57 PM

عليك و علي بورسعيد بقي...

**KHALED AYMAN** · 02-02-2009 12:38 AM

المشاركة الأصلية كتبت بواسطة Exlog2580

والله أنا ما زعلت ولا حاجة لأنى أصلا مش قادر أعرف أنت مين ، فلو كنت عارفنى صحيح كلمنى على تليفونى وعرفنى أنت مين علشان أعرف أسألك عن عنوان ورقم الراجل بتاع الأوبل ده ، وشكراً .

اولا انا مش متاكد ان العربيه الى انا شفتها هى بتاع حضرتك !!!!
يا باشا انا معرفش اسم حضرتك ايه و طبعا اتشرف بمعرفتك .
كل الموضوع ان لما عربية حضرتك اتخبطت انا كنت على الطريق و راجع من القاهره (كنت فى معرض الاهرام) و شوفت عربيتك و قريت الرقم و عرفت انها من المحله لانى اساسا كنت بشوف عربيتك فى المحله كتيييير .
فلما لقيت حضرتك كاتب الموضوع ده جمعت الكلام فى دماغى و عرفت ان العربيه الى انا شفتها على الطريق بتاعك فحبيت اقولك و كمان فرحت ان فى حد هنا على المنتدى من المحله الكبرى زيى !!

على العموم انا اسمى خالد ايمن .
هو ده بقى كل الموضوع و اتمنى انى مكونش ضايقت حضرتك فى حاجه او زعلتك !!!

حضرتك حاليا عملت الشنطه على البارد مش كده ...