فرش جلد كويس

**hany79** · 31-01-2009 02:25 PM

السلام عليكم جميعا
انا عندي صني 2008 كنت عاوز اعمل فرش جلد نضيف يكون زي اللي بينزل فابريقة مش كسوة يعني, انا كنت مركب كسوة من سبير كار بس مش عاجباني عايز حاجة نضيفة فيها شكل و خياطة دوبل فياريت لو حد يدلني على واحد كويس في اي حتة ( سمعت يقال في طنطا ناس كويسين و اسعارهم ظريفة, هل ده صح؟؟ )بس ما يكونش غالي قوي , انا في الاول كنت بسمع 1400 جنيه عند دوس بس انا شايف ان ده اوفر اوي و من كام يوم قريت ناس عاملينه بحوالي 700 جنيه و جلد ياباني و حاجة نضيفة.
لو حد عامل فرش ياريت يقولي فين و بكام و ياسلام لو شوية طمع مني و يكون فيه صورةز

**Ahmed Selim** · 31-01-2009 03:36 PM

فى علياء ( مدينة نصر ) أو دوس زى ما أنت قلت و فى واحد كمان بس مش فاكر أسمه فى شارع شمس الدين الذهبى فى أرض الجولف.
بس الأسعار هتلاقيها مش أقل من اللى أنت سمعته كتير.....و الأخير ده بيبقى أغلى بس شغله تحفه.

نصيحة لو عاوز تعمل حاجة محترمة متستخسرش الفلوس.....لأن طبيعى لما الفلوس تقل المواد الخام تقل والتقفيل جودته تقل.

**EGMIDO** · 01-02-2009 01:36 AM

انا جارى لسة عامل فرش للنيسان بتاعتة 2008 بنى جميل جدا جدا
وعند واحد صنايعى جامد اوى بردة
وعمل كمان فرش للارضية
سعر متر الفرش 20 جنية جاب 8 متر وتبقى حتة بسيطة كفت الابواب كمان
سعر متر الارضية 18 جنية
المصنعية 350 جنية

**hany79** · 01-02-2009 11:39 PM

شكرا يا جماعة و انا حبقى اوافيكم بالاخبار بعد ما تتم العملية و بفكر اعمل الدركسيون و الفتيس و الهاندبريك برده
رنا يكرم

**dr_darsh** · 02-02-2009 12:11 AM

انا عامل عند العلياء للانسر ب 650 وعمللى الكونسول كمان وده فرش المانى والكلام ده كان فى 9/2006 بس بجد مافيش اى مشاكل منه خالص
فى مرجان كان بيعمله ب 1350 للغرزه الدبل و 1150 للغرزه العاديه