الموضوع: المواصفات الرسمية للمثلث و الشنطة الطبية من قسم الشرطة

كنت في زيارة خاطفة اليوم إلى أحد أقسام الشرطة المصرية
و يا سلام ...... المعاملة هناك لوز لوز لوز لوز لوز لوز
تحس أن انهم أشتروك من سوق العبيد
بجد تروح هناك لازم تخرج و دمك محروق و تحس بقى أنك بتتعامل مع أغبياء ( الموظفين ) و أسياد ( الظباط )
المهم
فوجئت إن فيه لوحتين متعلقين عليهم المواصفات الررسمية
للمثلث العاكس ......... و شنطة الأسعافات
طلعت الكاميرا ........ أخدت صورة للمثلث العاكس
و لسة هاخد صورة للشنطة
و ألاقي عبقرينوا ( الموظف المصري اللي مش فاهم حاجة )
طلعلي من تحت الأرض و بيقولي
أنت ازاي بتأخد صورة في وسط قسم الشرطة ؟؟؟!!!
خلوا بالكم أنا أخدت صورة في مكان عام و ليس به أي أجهزة أو دبابات أو صواريخ و الناس كلها بتدخل بتليفونات فيها كاميرات !!
و الله العظيم البلد دي فعلا أمامها مئات و يمكن الاف السنين علشان تتقدم !!!!!!!!!
المهم أقوله يا سيدي أنا بصور اللوحة علشان ألتزم بالمواصفات اللي الحكومة عملاها و معملوش بيها حتى اعلان في الجريدة الرسمية
المهم أخينا الغبي ........ يقولي قسم الشرطة زيه زي المواقع الحربية
المهم حسيت ان الحوار مع الأخ ده تضييع للوقت
جبت ورقة و نقلت مواصفات اللوحة التانية الخاصة بالشنطة
أسيبكم بقى مع المفيد بعد شوية الرغي علشان أنفس عن نفسي علشان أنا هاترشطق من الغباء بتاع الراجل و من السواقين اللي قابلتهم في الشارع النهاردة

دي صورة مواصفات المثلث


و دي مواصفات الشنطة نقلا عن اللوحة المعلقة داخل القسم :
أولا المواصفات
أن تكون من البلاستيك المرن أو قماش قوي يضمن المحافظة على محتويات الحقيبة و سهولة الوصول لهذه المحتويات

ثانيا المحتويات التي يجب تواجدها .
1 زوج قفاز طبي
2 رباط ضاغط 20 * 3 سم
3 رباط شاش 10 * 3 سم
4 شاش مبطن بالقطن 10 * 20 سم
5 شاش مبطن بالقطن 10 * 10 سم
6 مقص قاطع
7 شريط لاصق بلاستر 2.5 * 3 سم
8 دليل الإسعافات الأولية

و أجدع سلام ل ج ع ع و الموظفين اللي فيها و المهازل بتاعة أمتحانات السواقة !!!!!!!!

منور يااستاذ/تـــوت بمواضيعك المميزه كالعاده

بس مش كانوا بيقولوا ان لازم يكون عالمثلث كلمة(مطابق لمواصفات المصريه)...وهل فعلا بدات تنزل فى المرور ولا لسه...ادينا مستنين...

الف شكر ياتوت باشا...