طقطقة فى عفشة كورولا 94 فى المطبات :: صوت رخم فى الشوارع المكسرة::..

**ahmad7610** · 31-01-2009 06:45 PM

أخويا معاه كورولا 94 الحمدلله العربية ماشية كويس ومن كام شهر غيرنا المساعدين الخلفيين فى التوكيل وكان الأماميين مش موجودين فجبناهم من بره التوكيل بعدها على طول وكانوا الأصلى برضه ..
-
المهم كان فى صوت بيظهر كده رجرجة أو طقطقة ناحية العجل الأمامى تسمعه وانت سايق فى المطبات والشوارع المكسرة ..
-
لما روحنا التوكيل قالوا ان المساعدين عايزين يتغيروا . ومن بعد ما غيرناهم وربطوا العفشة مفيش شهر والصوت بدأ يرجع تانى.. ومن كام يوم كده بدأ صوت تزييىء عند الملفات لما بلف الدركسيون على اخره ...
-
المهم روحت لميكانيكى بتاع دايو كده قاللى ان المساعدين كويسين لكن الصوت ده ممكن يطلع فى كاوتشه علبة الدركسيون .
-----------------
المهم -
تنصحونى أروح أكشف على العربية فى التوكيل وأعرف السبب الحقيقى والتكلفة ولا أغير الكاوتشة دى فى أى مركز متخصص ..
-
وهل العيب ممكن يكون فى علبة الدركسيون كلها ؟َ؟؟ حد سمع عن العيب ده قبل كده
-
علما بان الصوت ده بيظهر قوى مع المطبات والشوارع اللى مش حلوة وبيبقى طقطقة تخوف كده .. تحس ان العربية سايبة

**samirayad** · 31-01-2009 08:09 PM

طيب هما ياأستاذ/أحمد.....فى التوكيل ماكشفوش على البطاحات أثناء تغيير المساعدين الأمامين ولا ايه

**ahmad7610** · 31-01-2009 08:25 PM

ممكن يكونوا كشفوا عليهم بس الفنى لما اتكلمنا معاه قال ان المساعدين الأربعة لازم يتغيروا بس وهما دول سبب الصوت ده واحساس ان العفشة سايبة .. وبعد تغيير المساعدين وكاوتشة علبة الدركسيون عملتها عند ميكانيكى بره متخصص وهو مش بدلها بس تقريبا ربط كويس وزييت و بقت تمام فعلا وحسيت ان العفشة رجعت زى ما جت تعدى على الشوارع المكسرة بدون ما تحس ان العربية سايبة و عين القطة تعدى عليهم براحتك ...
لكن مفيش شهر ورجعت الطقطقة تانى ...
-
عموما حكشف عليها تانى .. واشوف البطاحات وعلبة الدركسيون ...