ايه الفرق بين الموتور الvtt والcvvt وهل فى عيوب للvvt ؟
عرض للطباعة
ايه الفرق بين الموتور الvtt والcvvt وهل فى عيوب للvvt ؟
طب يا جماعه اللى يرد يا ريت يستعرض انواع المواتير كلها للافاده
شكرا
معلش هو ممكن الاجابه تبقى مش كامله بس هحاول اضيف كل شويه
كل اسطوانة ليها بستم وعدد من الصمامات (مثلا 16V يعنى 16 صمام لو المحرك 4 اسطوانات يبقى 16على 4 = 4 صمامات لكل اسطوانه 2 لادخال البنزين و الهواء و 2 للتخلص من العادم ) تمام
طيب ايه هو الصمام ؟ 1. نوع اسمه POPPET VAVLES:
هو عباره عن حتة حديد مسطحة ليها قضيب طويل اسمه VALVE ROD وظيفته انه يضغط على ال VALVE و يفتحه وموجود برده سوسته زى بتاعت المساعدين بتقفل الصمام لما ال VALVE ROD مابيبقاش ضاغط عليه
الرVALVE ROD ممكن يبقى مصمت او اجوف و محطوط فيه صوديوم (علشان يزود تو صلية الحرارة و انا مش فاهم ليه بصرا حه) المهم الموتور بيتحكم فى حركة الVALVES عن طريق ان الكامات (CAM SHAFTS) و ( ROCKER ) موضح على الرسمة
الكامات بتلف تحرك ال ROCKER او ال ROCKET ARM يفتحة و ال SPRING بتقفله
طيب هل ال صمامات مفتو حه على طول ؟ لا طبعا دي ليها نظام ازاى؟
الصمامات ليها 1. LIFT يعنى بتتفتح بمقدار اد ايه؟
و2.DURATION: يعنى بتفضل مفتوحه و مقفوله اد ايه اد ايه ؟
شكل الكامات و سرعتها بيحددوا قد ايه الصمام يتفتح و المدة بتاعت الفتح و القفل
كده فكره عامة عن الصمامات
1.VVT (VARIABLE VALVE TIMING) :
هى تكنولوجيا تقدر تغير ال LIFT و DURATION و TIMING بتاعت فتح و قفل الصمامات على حسب ال RPM اللى الموتور داير بيه و ده عن طريق تغير الوضع بتاع الكامات يعنى مثلا لو الوتور هيزود سرعه يبقى ال RPM هيعلى فبالتالى الموتور محتاج هواء و بنزين كتير .لو الموتور العادى يقلك لا و انا مالى الصمام ليه عندى LIFT كذا و DURATION كذا و TIMING كذا اهم و بس
لكن الموتور ال VVT يقلك لا احنا ايد واحدة و العميل دايما على حق خلى الصمام يفتح زيادة ( يعنى زود ال LIFT ) ويخد وقته ( يعنى زود ال DURATION ) و بكده الموتور يبقى اداءه احسن.
يارات لو حد من الناس الكباره بتوع المنتدى يعلق على الموضوع علشان نعرف اكتر و لو فيه غلط يقلنا
وده شكل ال POPPET VALVES
http://content.answers.com/main/cont...6600FG0020.gif
يعنى ال Vvt (vtec) يقدر يغير حركه الصمامات عند Rpm معينه
لكن ال Cvvt اعتقد انه يغير الحركه بتاعت الصمامات على طول ( Continous Variable Valve Timing )
شكرا على التوضيح بلاك مان مرسى ليك
ال vvt غير ال Vtecاقتباس:
يعنى ال Vvt (vtec) يقدر يغير حركه الصمامات عند Rpm معينه
شرح جيد متابع باهتمام
الVVT هو هو الCVVT
Variable Valve timing = Continuous Variable Valve timing
و دول مختلفين عن الV TECH بتاع الهوندا و ال MIVEC بتاع المتسوبيشى
الCVVT و الVVT بيعتمد على تغيير توقيت فتح صبابات التغدية و بيقوم بتقديم التوقيت دة على لفات عالية (4000 فيما فوق) عشان يساعد على تحسين الكفائة الحجمية للموتور عند اللفات العالية دى
لو العربية فيها DUAL VVT بيبقى التعديل فى كامات السحب و العادم كمان عشان تحسين عملية تبادل الغازات من و الى غرفة الحريق... و كل التعديلات دى بتتم على ترس الكامة نفسة من خلال منظومة هيدروليكية... ممكن الرجوع للفيدوهات اللى على youtube لتوضيح اكتر
الV TECH و ال MIVEC بيغير فى المدة اللى بيتفتح فيها الصباب من خلال تغيير الprofile بتاع الكامة من خلال منظومة هيدروليكية برضة
اذا النظامين هدفهم تحسين تبادل الغازات فى غرفة الحريق لكن كل نظام بيشتغل بطريقة مختلفة تماما
MMamdouh
شكرا لصاحب الموضوع ع السؤال و العرض
و شكر خاص للاستاذ ممدوح و بلاك مان
شكرا ليك يا استاذ ممدوح على الرد الجميل
شكرا ليك يا استاذ ممدوح على التصحيح
:vctry:
please somebody tell us what the mean of DOCH motors
متابع باهتمام
DUAL OVERHEAD CAMSHAFT
الموتور بيبقى فيه 2 كامه موجوده عند وش السليندر
1.كامه بتتحكم فى صمامات التغذيهINLET VALVES (اللى بيدخل عن طريقها شحنة الهوا و البنزين)
2.كامه بتتحكم فى صمامات العادم EXHAUST VALVES (اللى بتتحكم فى خروج العادم بعد شوط الاحتراق
http://www.postimage.org/Pq1b846J.jpg
شكراااااااااااااا يا blackman ويا استاذ ممدوح ع المعلومات دىىىى
sohc = single overhead cam
عامود كامة واحد بيحرك صمامات السحب والعادم
http://www.ehautolink.com.my/Image/5...EAD%20SOHC.jpg
dohc=dual overhead cam
عامودين كامة واحد للسحب والتانى للعادم
http://www.synlube.com/images/DOHC4.gif
http://upload.wikimedia.org/wikipedi...pf-Schnitt.jpg
cvvt بيعدل فى توقيتات الصمامات زى مالناس شرحت ودة حاجة وال dohc حاجة وغالبا كل المواتير ال cvvt بتبقى dohc
http://img.autohome.com.cn/album/200...574ee22002.jpg
عملية تبريد الصمامات صعبة لأن ميقدرش يعمل مجارى لمية التبريد فى الصمام نفسة وفى نفس الوقت دة معدن ومعرض باستمرار لحرارة وبالذات صمام العادماقتباس:
لرVALVE ROD ممكن يبقى مصمت او اجوف و محطوط فيه صوديوم (علشان يزود تو صلية الحرارة و انا مش فاهم ليه بصرا حه)
مجارى المية اللى فى وش السلندر ميقدرش يقربها من فتحات الصمام بنسبة معينة واللا هتلاقى سمك وش السلندر فى المنطقة دى صغير وبالتالى المعدن هيضعف
وظيفة الصوديوم هيمتص حرارة من جسم الصمام المعرق للحرارة (قاعدة الصمام) ومع حركة الصمام لأعلى الصوديوم هيلامس رأس الصمام من فوق واللى هتبقى ابرد من قاعدة الصمام فهيحسن من تبريد قاعدة الصمام
غالبا مش هتلاقية غير فى المواتير الكبيرة لأن تكلفة تصنيعة مرتفعة