الموضوع: صور سوق السيارات بمدينة نصر

حصلي موقف في السوق ومن ساعتها قولت مستحيل أروح السوق دة ابدا تاني

وهو اني كنت مره رايح اشتري عربيه من السوق ولقيت عربية عجبتني عامله 16 ألف كيلو موديل 2006 وفاصلت فيها مع التاجر صاحبها وكان راجل عجوز فوق الستين وأستبشرت في شيخوخته بالخير وعدم النصب ، وكشفت على العربيه في محطة البنزين لكن مكشفتش على الشاسيه ودفعت عربون واتفقنا اننا نتقابل أمام الشهر العقاري تاني يوم لدفع بقيه المبلغ وعمل التوكيل

وسبحان الله في هذا اليوم لم انم طوال الليل واللحظات اللي نمتها عمال احلم بالعربية واني مش مطمن لها

وتاني يوم روحت قابلت الراجل في ميعادنا وقولتله انا عايز اكشف على الشاسية من فضلك الأول فلقيته تضايق وقالي ما انت شوفتها امبارح وعجبتك ولاء مينفعش وازاي !!!!

فزادت شكوكي اكتر واكتر وصممت على الكشف على الشاسيه وفعلا روحنا أقرب محطة بنزين وكشفنا على الشاسيه وكانت المفاجأة !!!

العربية طلعت الشاسية مكسور وتم لحامه والعامل بتاع المحطة قالي دي لسه فيها شغل كمان عايز يتعمل ، على الرغم من ان العربية كان شكلها زي الفل والدهان ولا كأنه فابريكه

وقلت الحمد لله اني لم اقع الوقعه دي وحرمت من ساعتها اروح السوق دة

خصوصا انك لو عجبتك عربية واتفقت انك تروح مع التاجر تكشف عليها في البنزينه مش هيرضى الا بعد ما تدفعله العربون ولو كشفت وطلعت العربيه معيوبه مش هيرضى يرجعلك حاجه ، دة غير اني سمعت ان في بعض التجار هناك بيبقى معاهم توكيلات مضروبه للعربيات

المشاركة الأصلية كتبت بواسطة kh_talaat

حصلي موقف في السوق ومن ساعتها قولت مستحيل أروح السوق دة ابدا تاني

وهو اني كنت مره رايح اشتري عربيه من السوق ولقيت عربية عجبتني عامله 16 ألف كيلو موديل 2006 وفاصلت فيها مع التاجر صاحبها وكان راجل عجوز فوق الستين وأستبشرت في شيخوخته بالخير وعدم النصب ، وكشفت على العربيه في محطة البنزين لكن مكشفتش على الشاسيه ودفعت عربون واتفقنا اننا نتقابل أمام الشهر العقاري تاني يوم لدفع بقيه المبلغ وعمل التوكيل

وسبحان الله في هذا اليوم لم انم طوال الليل واللحظات اللي نمتها عمال احلم بالعربية واني مش مطمن لها

وتاني يوم روحت قابلت الراجل في ميعادنا وقولتله انا عايز اكشف على الشاسية من فضلك الأول فلقيته تضايق وقالي ما انت شوفتها امبارح وعجبتك ولاء مينفعش وازاي !!!!

فزادت شكوكي اكتر واكتر وصممت على الكشف على الشاسيه وفعلا روحنا أقرب محطة بنزين وكشفنا على الشاسيه وكانت المفاجأة !!!

العربية طلعت الشاسية مكسور وتم لحامه والعامل بتاع المحطة قالي دي لسه فيها شغل كمان عايز يتعمل ، على الرغم من ان العربية كان شكلها زي الفل والدهان ولا كأنه فابريكه

وقلت الحمد لله اني لم اقع الوقعه دي وحرمت من ساعتها اروح السوق دة

خصوصا انك لو عجبتك عربية واتفقت انك تروح مع التاجر تكشف عليها في البنزينه مش هيرضى الا بعد ما تدفعله العربون ولو كشفت وطلعت العربيه معيوبه مش هيرضى يرجعلك حاجه ، دة غير اني سمعت ان في بعض التجار هناك بيبقى معاهم توكيلات مضروبه للعربيات

الحمد لله يا جميل انها جت سليمه
بس ماقلتش عملت ايه بعد كده؟ اخذت العربون والا عملتوا مشكله؟
وبرده وجهة نظرى ان دى حاله فرديه ومش المفروض نعممها على الكل

يا جماعه اللى ليه اى تجربه فى السوق ياريت يقولنا عليها
سواء تجربه بيع او شراء او محاوله نصب لا قدر الله
لكى يستفيد الجميع
واللى عنده اى نصايح للى رايح السوق ياريت برده يقولها سواء فى البيع او الشراء
وشكرا لكم

الحمد لله يا جميل انها جت سليمه
بس ماقلتش عملت ايه بعد كده؟ اخذت العربون والا عملتوا مشكله؟
وبرده وجهة نظرى ان دى حاله فرديه ومش المفروض نعممها على الكل

أولا آسف جدا عن التأخير في الرد لظروف خاصة

طبعا الراجل بعد ما اتكشفت اللعبة بدأ يجر ناعم ويقول دة أنا والله شاريها من واحد وقالي انها كانت عامله حادثه خفيفه وعلى العموم ممكن أريحك في السعر شويه ( علما بأنه في الأول كان رابط على السعر ومكنش عايز ينزل مليم )
قولتله لا أنسى يا ريت بقى مبلغ العربون لو سمحت عشان امشي

طبعا الباشا اتحجج انه معهوش فلوس دلوقتي فروحت رابط في زماره رقبته وقولتله مش هتمشي الا لما تطلع المبلغ فطلب مني الموبيل يكلم ابنه عشان يجي يجيب الفلوس ولما ابنه جه لقيته بيديلي نص المبلغ ويقولي معلش معييش فلوس قولت يالا ربنا ما يباركله فيهم والحمد لله ان ربنا نجاني كمان العربون كان 100 جنية يعني اللي راح 50 جنية بس

المشكله بقى في السوق ان اي عربيه بتعجبك وتتفق مع صاحبها انكم تخرجوا بره السوق عشان يتكشف على الشاسيه في البنزينه بيقولك اديني عربون ولما تطلع معيوبه يقولك لاء انت اللي رجعت في كلامك وحصلت مع واحد صاحبي وبعد ما دفع مبلغ 120 جنية قيمة الكشف في التوكيل صاحب العربيه رفض ينزل مليم فيها وكمان رفض يرجع العربون (200 جنية )

بعكس بقى لما تشتري عربيه عن طريق الوسيط لأنك بتروح لصاحبها تشوف العربيه وتكشف عليها في أي مكان براحتك وحسب ما تتفقوا من غير عربون ولو العربية طلعت تمام بتشتريها وخلص الموضوع على كدة

المشاركة الأصلية كتبت بواسطة ameen_ra

احنا حصل معانا العكس -فيه واحد صاحبي كان محتاج لفلوس فراح السوق يبيع عربيته العربيه كلها بالكامل فابريقه
بيجو 504 راح جاي واحد وشه سمح اتفرج عليها
وكان معجب بالعربية وقله عايز كام فرد صاحبي ب5000جنييه فرد الرجل
وقال مش خسارة فيها هي تساوي اكتر من كده انا لو فلوسي
تكمل مسبهاش وراح ماشي - راح جاي واحد اتفرج وقال هي
السيارة دي كانت مقلوبة بص جنبها عامل ازاي وراح ماشي
وجه غيره وقال الموتور خفيف وفيه شغل وكل واحد طلع الميت فيها علما انها زي ماقولت سابقا انها فابريقة بالكامل
وعلي ده الحال كذا واحد وبعد كده ظهر الشخص الاول وقله
وصلت فين وبطريقة اليهود والكهن قال انا معايا 3500جنيه
وياريت كان معايا اكتر وانا مسبهاش فرد صاحبي مع الاحتياج
وقله هات فلوسك وفي الاخر اتضح انهم كلهم مجموعه واحده
علي فكرة ياجماعة الحكاية دي من وقت كبير يعني في الزمن الجميل وبرضك كان فيه شغل الاونطة

التجارة شطارة يا باشا (:
بس ده طبعا نصب مش شطاره
تسلم يا جميل على مشاركتك

المشاركة الأصلية كتبت بواسطة kh_talaat

أولا آسف جدا عن التأخير في الرد لظروف خاصة

طبعا الراجل بعد ما اتكشفت اللعبة بدأ يجر ناعم ويقول دة أنا والله شاريها من واحد وقالي انها كانت عامله حادثه خفيفه وعلى العموم ممكن أريحك في السعر شويه ( علما بأنه في الأول كان رابط على السعر ومكنش عايز ينزل مليم )
قولتله لا أنسى يا ريت بقى مبلغ العربون لو سمحت عشان امشي

طبعا الباشا اتحجج انه معهوش فلوس دلوقتي فروحت رابط في زماره رقبته وقولتله مش هتمشي الا لما تطلع المبلغ فطلب مني الموبيل يكلم ابنه عشان يجي يجيب الفلوس ولما ابنه جه لقيته بيديلي نص المبلغ ويقولي معلش معييش فلوس قولت يالا ربنا ما يباركله فيهم والحمد لله ان ربنا نجاني كمان العربون كان 100 جنية يعني اللي راح 50 جنية بس

المشكله بقى في السوق ان اي عربيه بتعجبك وتتفق مع صاحبها انكم تخرجوا بره السوق عشان يتكشف على الشاسيه في البنزينه بيقولك اديني عربون ولما تطلع معيوبه يقولك لاء انت اللي رجعت في كلامك وحصلت مع واحد صاحبي وبعد ما دفع مبلغ 120 جنية قيمة الكشف في التوكيل صاحب العربيه رفض ينزل مليم فيها وكمان رفض يرجع العربون (200 جنية )

بعكس بقى لما تشتري عربيه عن طريق الوسيط لأنك بتروح لصاحبها تشوف العربيه وتكشف عليها في أي مكان براحتك وحسب ما تتفقوا من غير عربون ولو العربية طلعت تمام بتشتريها وخلص الموضوع على كدة

ولا يهمك يا باشا المهم انك رديت وياريت تكون الظروف خير
والحمد لله انها جت فى خمسين جنيه
انا كنت متخيل انك مديله الف جنيه مثلا