ممكن تفيدونى فى الكورولا1997 امكانيتها واسعارها واخر موديل من الشكل ده لحد سنة كام وياريت لو فى صور حد يفيدنى
عرض للطباعة
ممكن تفيدونى فى الكورولا1997 امكانيتها واسعارها واخر موديل من الشكل ده لحد سنة كام وياريت لو فى صور حد يفيدنى
ممكن تسال في منتدي التويوتا افضل
هناك في ناس محترمة وخبرتها عالية
الكورولا 97 فى منها شكلين فى الشكل السابق للعيون وفيه العيون لو قصدك على العيون فهى
موديل لم يحقق نجاح حول العالم وده يمكن بسبب شكلها الغريب نسبيا
ولكن فى نفس كفاءة الكورولا عامة وعشان كده نزلت فى آخر 97 و98 و99 وبعدين اتعدلت نسبيا بتغيير فى المقدمه الشبكه والفوانيس فى سنة 2000 وانتهت على كده
وتسمى فى مصر بتويوتا عيون وموديل 2000 اسمها تويوتا رموش
وهى عربيه عاديه منها ما هو بتكييف فقط وبدون باور
ومنها الكامله مانيوال
ومنها الكامله أوتوماتيك
ويحركها نفس محرك الجيل الأقدم من الكورولا والأكثر نجاحا
وهى بمحرك 1300 سى سى باثنى عشر صباب
بالنسبه للأسعار سعرها يبدأ من حدود 45 ألف إلى 60 ألف على حسب الحاله والكيلومتر والكماليات
شكرا جدا بجد معلوماتك هايله يا محمد وافدتنا كتير
على فكره انا قصدى على الكورولا الى قبل العيون وايه الاحسن تكون اوتوماتيك ولا مانيوال وايه احسن موديل فيهم واسعارها فى حدود كام
شوف يا باشا التويوتا اللى قبل العيون دى عربيه من أنجح السيارت الكورولا وبتتميز بالثبات المفتقد فى الموديل من 2001 إلى 2007
والموديل ده بدأ إنتاجه فى نهاية عام 91 واستمر حتى عام 97 وده كان آخر موديل ينزل منها وفى نفس السنه نزل العيون يعنى فى 97 الموديل ده وفى 97 عيون
وطبيعى إن عربيه زى دى يكون أفضل موديل هو الأخير لأنه الأحدث وإن كان هذا الموديل نادر بعض الشىء
بس طبعا المهم الحاله لأن الموديل ده اللى هو آخر موديل فيها نزل من 12 سنه
وعموما الأوتوماتيك فيها كأداء تقيل حبتين ولكن ككفاءه محدش اشتكى منه شكاوى غير عاديه ولكن أنصحك إنك تجيب مانيوال لأن الأوتوماتيك بيحتاج رعايه فى معاملته قد لا تكون متوفره مع المستخدم السابق للسياره وهذه الرعايه المقصود بيها تغيير الزيت فى مواعيده وكذا عدم تغيير الفتيس إلا والسياره متوقفه تماما وكذلك عدم الضغط على دواسة البنزين ثم التعشيق لمحاولة الطلوع بالسياره أمريكانى زى ما بيسموه فانت هات مانيوال وريح نفسك من وجع القلب