استفسار حول الكورولا

**abdalla45** · 31-01-2009 10:39 PM

ممكن تفيدونى فى الكورولا1997 امكانيتها واسعارها واخر موديل من الشكل ده لحد سنة كام وياريت لو فى صور حد يفيدنى

**mo7a_mo7a** · 31-01-2009 10:54 PM

ممكن تسال في منتدي التويوتا افضل
هناك في ناس محترمة وخبرتها عالية

**abdalla45** · 01-02-2009 02:16 AM

شكرا جدا بجد معلوماتك هايله يا محمد وافدتنا كتير

**محمد ابراهيم 1** · 03-02-2009 08:59 PM

المشاركة الأصلية كتبت بواسطة abdalla45

شكرا جدا بجد معلوماتك هايله يا محمد وافدتنا كتير

يا باشا تحت أمرك

**abdalla45** · 03-02-2009 09:28 PM

على فكره انا قصدى على الكورولا الى قبل العيون وايه الاحسن تكون اوتوماتيك ولا مانيوال وايه احسن موديل فيهم واسعارها فى حدود كام

**محمد ابراهيم 1** · 04-02-2009 01:44 PM

شوف يا باشا التويوتا اللى قبل العيون دى عربيه من أنجح السيارت الكورولا وبتتميز بالثبات المفتقد فى الموديل من 2001 إلى 2007
والموديل ده بدأ إنتاجه فى نهاية عام 91 واستمر حتى عام 97 وده كان آخر موديل ينزل منها وفى نفس السنه نزل العيون يعنى فى 97 الموديل ده وفى 97 عيون
وطبيعى إن عربيه زى دى يكون أفضل موديل هو الأخير لأنه الأحدث وإن كان هذا الموديل نادر بعض الشىء
بس طبعا المهم الحاله لأن الموديل ده اللى هو آخر موديل فيها نزل من 12 سنه
وعموما الأوتوماتيك فيها كأداء تقيل حبتين ولكن ككفاءه محدش اشتكى منه شكاوى غير عاديه ولكن أنصحك إنك تجيب مانيوال لأن الأوتوماتيك بيحتاج رعايه فى معاملته قد لا تكون متوفره مع المستخدم السابق للسياره وهذه الرعايه المقصود بيها تغيير الزيت فى مواعيده وكذا عدم تغيير الفتيس إلا والسياره متوقفه تماما وكذلك عدم الضغط على دواسة البنزين ثم التعشيق لمحاولة الطلوع بالسياره أمريكانى زى ما بيسموه فانت هات مانيوال وريح نفسك من وجع القلب

**abdalla45** · 04-02-2009 09:48 PM

المشاركة الأصلية كتبت بواسطة محمد ابراهيم 1

شوف يا باشا التويوتا اللى قبل العيون دى عربيه من أنجح السيارت الكورولا وبتتميز بالثبات المفتقد فى الموديل من 2001 إلى 2007
والموديل ده بدأ إنتاجه فى نهاية عام 91 واستمر حتى عام 97 وده كان آخر موديل ينزل منها وفى نفس السنه نزل العيون يعنى فى 97 الموديل ده وفى 97 عيون
وطبيعى إن عربيه زى دى يكون أفضل موديل هو الأخير لأنه الأحدث وإن كان هذا الموديل نادر بعض الشىء
بس طبعا المهم الحاله لأن الموديل ده اللى هو آخر موديل فيها نزل من 12 سنه
وعموما الأوتوماتيك فيها كأداء تقيل حبتين ولكن ككفاءه محدش اشتكى منه شكاوى غير عاديه ولكن أنصحك إنك تجيب مانيوال لأن الأوتوماتيك بيحتاج رعايه فى معاملته قد لا تكون متوفره مع المستخدم السابق للسياره وهذه الرعايه المقصود بيها تغيير الزيت فى مواعيده وكذا عدم تغيير الفتيس إلا والسياره متوقفه تماما وكذلك عدم الضغط على دواسة البنزين ثم التعشيق لمحاولة الطلوع بالسياره أمريكانى زى ما بيسموه فانت هات مانيوال وريح نفسك من وجع القلب

شكرا يا باشا على المشاركه والكلام الجميل