ايوة صحيح..
ايوة صحيح..
نفهم ان الموتور تعبان ولا إيه بالظبط اللى عندة معلومات مثلا من 0 ل 100 فى كام ثانية بتستهلك اد إيه يا ريت يقلنا :)
من0-100 في 11.5 ثانية والاستهلاك علي كلام الوكيل من5.7 الي7.2 ليتر حسب طريقة المشي.
دا موضوع فيه كل بيانات الموتور
http://www.nilemotors.net/Nile/showthread.php?t=25545
لأ ثانية واحدة..
احنا بنتكلم عن الهورس باور الفعلي.. مش اللي بيتكتب ف الاعلانات.. و خاصة العربيات الاسيوي..
يعني الاللانترا اللي بيقولك 122 حصان.. الفعلي بتاعها 105-106 حصان..
الفيكترا الجديدة 105 حصان..
الاوكتافيا اعتقد 101 حصان.. ده الطبيعي..
و بالتالي الفرق بينها و بين اي موتور 1600 مكتوب الهورس باور الفعلي بتاعه ميعتبرش كبير.. 10-15 حصان..
المقارنة مش بالموتور بس
يعنى لو الموتور هو كل أهتمامك ( الهورس باور يعنى ) يبقى تجيب فيرنا أحسن.....
بس زى ما الفيرنا موتورها يتفوق على اللوجان..........اللوجان تتفوق على الفيرنا فى حاجات تانية.....زى مثلاً وسع العربية و أعتقد ثبانها وفراملها هيكونو أحسن .... مجرد أعتقاد بناءً على موديلات هيونداى اللى سقتها و موديلات رينو اللى سقتها.
ده غير ان الفيرنا فيها مشكلة و مشكلة كبيرة فى رأيي الشخصى......أن سحب موتورها هايل و فى نفس الوقت فراملها مش بتلمها كويس.....وده من كلام الأعضاء هنا.
ممكن تدور علي النت.. هتلاقي في اكتر من تعريف للهورس باور..
و السحب مش موتور بس.. في جير بوكس و وزن عربية و حاجات تانية كتير..
و موضوع انها 105-106 حصان دي انا متأكد منها.. و متصدقش الارقام الكبيرة اللي بيتكبها المصنعون الاسيويون للعربيات..
و ممكن تدور شوية علي النت.. هتلاقي ان الرقم اللي هما كاتبينه ده مش الفعلي اللي علي الطريق بالفعل..
صحيح اذا كان ده الهورس باور طيب اخبار العزم بتاعها ايه؟ لأن هو ده اللى هايفرق في المشى البطى "أول ...تانى ...أول ...تانى........"
شكراً يا باشا
بصراحة انا شفت العربية لوجان دي بس مش عارف اللي شوفتها دي كانت الرومانية ولا المغربية بس هيا شكلاً من برة وجوة تحفة طبعاً من وجهة نظري المتواضعة بس نفس اعرف هيا حاتنزل مصر امتى وسعرها حايكون كام وكمان ياترى ممكن يكون فيها اقساط ولا لأ بس بصراحة انا فعلاً مستنيهل لما تنزل واشوف تأثيرها على سعر باقي السيارات في مصر
وكمان ممكن اسأل سؤال تاني
انا بفكر اشتري عربية مجهزة طبياً يعني من بورسعيد وطبعاً الموديلات هناك في التسعينات والاسعار حسب الموديلات لكنها تبدأ من 30000 جنيه وانت طالع والفلوس اللي معايا ممكن تجيب عربية لكن محتار بين اني اجيب عربية من التسعينات ولا استنى واجيب عربية زيرو وادفع المبلغ اللي معايا كمقدم واقسط الباقي ( في حدود 800 جنيه / شهرياً ) بس اللي انا خايف منه هو توقيت الشراء وتأثير الازمة العالمية على سعر السيارات وكمان اتفاقية الجات اللي حاتبدأ تتطبق في مصر بيقولوا اعتباراً من 2010 أو 2012 وتأثيرها على سعر السيارات ومش متأكد قوي من موضوع ان لما الجمارك تترفع عن الالسيارات سعرها حا ينزل لأن احنا يا مصريين بننتهز الفرصة والتجار على ما اعتقد حاتاخد فرق الجمارك دي في جيوبها واعتقد ان الآسعار حتى بعد اتفاقية الجات لما تتطبق مش حاتنخفض
ياريت لو في حد متخصص في الموقع يشور عليا اعما اية بالظبط اشتري عربية من بورسعيد ولا ادفع الفلوس مقدم للزيرو ولا ايه
كل الى توقعتوه حصل ياجماعة انهاردة رحت توكيل رينو الى فى سان استفانو فى الاسكندرية وسالت على العربية واتفرجت عليها هى الحقيقة شكلها مش وحش والتقفيل شكلة كويس يعنى مفيش مشكلة نيجى بقى للصاعقة الى سمعتها سعر السيارة 56000 بدون اى كماليات ولا حتى تكييف او باور نيجى بقى لاول فئة اعلى 63000 ودى مانيوال تكيف وباور وسنتر وزجاج امامى فقط ولى ينقطك ان الموظف هناك يقولك العربية محجوزة لاخر السنة اية الهبل دة سيارة بدون جمارك تبقى بالاسعار دى ازاى قمة الاستعباط من كل العاملين فى سوق السيارات سواء الوكلاء او التجار خلوها تصدى ياجماعة والله الاسعار فى مصر غير منتقية بالمرة
إيه الجديد.............؟
:shyy:
القنبله مش سعر السيارة وانما انتظروا ما بعد بيع السيارة والزبون يبلع الطعم ياعمو مافى حاجه ببلاش . ال خفضه من سعرها هايخدة من جيوبكم واكثر فى قطع الغيار وهو الوحيد ال عندة وحاتروح فين ياغلبان انتى وهو . الرينو فاشل وقاعدين مرة ينزلوة تركى واليوم المغرب وغدآ فى ميت غمر ومش عارفين يعملوا ايه
و حضرتك عرفت منين أن رينو فاشل ؟؟؟
يا ريت تقول وتنورنا.....عشان ناخد بالنا.
وبعدين أسعار قطع الغيار و الصيانة موجودة فى التوكيل و معروفة......و ممكن اللى عاوز يشترى يكلف نفسه مكالمة تليفون صغيرة يعرف فيها هى بكام.
أمرك غريب فعلاً....بتقول كلام حضرتك بتعمل عكسه بعد كده......
https://www.nilemotors.net/Nile/12586-new-accent.html
ده غير تحيز حضرتك الواضح للهيونداى فى كافة مشاركاتك......و على فكرة....أنا عندى هيونداى أكسنت موديل 2006 ماشية 33 ألف كم.......و رأيي فيها أنها عربية اى كلام........مع أحترامىالكامل لملاكها.
بعد ال 120 كم العربية بتبقى عايمة جداً......و بيبقى التركى و المغربى أحسن منها ( الكليو و اللوجان ) و الكلام عن تجربة للأتنين.
بالمناسبة....دى أسعار الصيانة فى التوكيل للعربية اللوجان
حصرياً : أسعــــار الصيانات الدورية لرينو لوجــــان فى التوكيل
و أن كنت أعتقد أن حضرتك مش محتاجها علشان واضح من لهجة حضرتك ومن مشاركات سابقة ليك أنك مش مقيم فى مصر
و على فكرة......فى فرق شاسع بين توكيل رينو و توكيل هيونداى فى مصر لصالح توكيل رينو.....
الرينو فاشل اقول لك. شوف الخليج وتعالى للسعوديه التوكيل ( الزاهد ) وكلامى دقيق واسآل مش عارف يبيعها برغم الدعايه وتغيير اسطف المبيعات اكثر من مرة ومرات وفى الامارات نفس المشكله . حبيبى السيارة مشاكلها تجميع غير فرنسى وبعدين سيبك من الكلام دة كله شوف قطع الغيار وياريت لو عندك الجرآة تعلنها للمنتدى لو انا اقول اى كلام . وبعدين عنكم مشكله والعميل للاسف مش هايعرفها الا عند وصوله اليكم لاى عطل . السيارات معقدة فى الميكانيكا والكهرباء كفايه كارت التشغيل حق الميجان. وبعدين اى ميكانيكى لما يشوف اى سيارة اروبيه جديد يقول لك روح الوكيل منعرفش فيها . بالذمه فين التحيز هنا؟؟ احنا جبنا سيارة ميجان من الزاهد بالسعوديه اقسم بالله علشان نغير زيت ونعمل شغلات بسيطه دفعنا 1000 ج . وكان معنا الالنترا من الوعلان السعوديه دفعنا 155 ج فقط فى غبور. لاتتهمنى بالانحياز والله يا اخوانى بحق كتاب اله هذا الكلام واقع
لو عندى الجرأة أعلنها؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
واضح أن حضرتك مكلفتش نفسك أنك تبص بصة سريعة حتى قبل ما تتكلم........يعنى بأختصار متعرفش بتتكلم عن أيه.
الأسعار موجودة للصيانات الدورية و قطع الغيار فى التوكيل و خارج التوكيل فى قسم رينو
و بما أن سعادتك مش عاوز تتعب نفسك و تدور يبقى أنا مش هتعب نفسى و أحطلك الرابط.
و كون أن توكيل السعودية مش عارف يبيع العربية ده مش معناه أن العربية فاشلة.......ده معناه أن التوكيل فاشل.
و برضه مش عشان حضرتك بتتعامل مع ميكانيكى على قده ( ده الحال فى معظم دول الخليج ) يبقى العربية مينفعش يتعملها صيانة برة التوكيل........العربية عاوزة حد فاهم ميكانيكا مش حافظ خطوات يمشى عليها و خلاص.
ولسه واحد معانا هنا فى المنتدى عايش فى السعودية و معاه ميجان مغير حاجات برة التوكيل.......بس عند واحد بيفهم.
و بعدين شغلات أيه اللى بسيطة ب 1000 ريال ؟؟؟؟؟
حدد و بعدين نتكلم.
و بعدين مشاكل السيارة أنها مش تجميع فرنسى دى معناها أيه ؟؟؟؟؟
بعد أذنك أتكلم كلام يتفهم.....
البى أم والمرسيدس بيتجمعوا فى مصر و البى أم بتتجمع فى الصين
و الفولكس بتتجمع فى المكسيك والبرازيل
والفورد الأمريكى بتتجمع فى ألمانيا
والتويوتا بتتجمع فى جنوب أفريقيا
و كمان فى شركة يابانية تانية ( غالباً هوندا ) بتتجمع فى تركيا
أيه المشاكل بأه ؟؟؟؟؟
وعلى فكرة..........العربية معايا من 4 سنين و ماشى بيها 92 ألف كم و لا تقارن فى رأيي بأى هيونداى.
و لمعلومات حضرتك.......الأوروبى كله سوقه مش ماشى فى الخليج.......مش رينو بس......رينو وبيجو و ستروين و أودى و أوبل و حتى مرسيدس و بى أم مبيعاتهم فى الخليج مش زى مبيعاتهم فى مصر و شمال أفريقيا...........هل كل دول فاشلين و هيونداى هى اللى ناجحة ؟؟؟؟؟؟
و أخيراً........أحب أفكرك بكلامك........و يا ريت تلتزم بيه.
اقتباس:
أرسل أصلا بواسطة akram2010 http://www.nilemotors.net/Nile/nile/...s/viewpost.gif
مشكله المصريين ينجروا وراء الاشاعات , ياعم روح نفسك واحكم السيارة ممتازة والوكاله ممتازة لاتقل عن الاخرين بل تزيد وسيبك من كلام فلان او علان واحنا شعب شاطرين فى الكلام الفاضى
النهارده جارى اشترى اللوجان يا جماعة و انا عايز اعرف سعرها .. بس مبحبش الرجل ده ومش عايز اساله .
يا ريت حد يقولى سعرها كام ؟؟
اللوجان بتبدأ من 56 ألف فاضية تماماً بدون أى كماليات و لا حتى باور و لا تكييف
الى 70 ألف جميع الكماليات ( تكييف - باور - سنتر - ريموت - زجاج - كمبيوتر رحلات - جنوط 15 - فوجات )
بس دى العادية مش ال 7 راكب.
شكرا ..
بس العربية باور و تكييف و جنوط و فوجات يا ترى تعملها كام باسعارها النهائية .
و هى العادية اه مش ال 7 راكب .
انا عايز اعرف سعرها المظبوط بس علشان كده هتدخل مقارنات كتيرة اوى و هتبقي محل جدال كبير .
اعتقد انها هتنافس بشراسة مع الاسبرانزا A 516 ..