الموضوع: باركولى يا جماعه !!

ألف شكر يا جماعه على الردود الحلوه وبالنسبه للأخ nile Heart اللى قال

المشاركة الأصلية كتبت بواسطة Nile Heart

انا مش عارف الناس بتباركلك على ايه!! بصراحه ما فعلته فى الشارع ! ............
يعنى ممكن زلطه فى الأرض تخليك تلبس فى عربيه من اللى راكنه دى يكون صاحبها طافح الكوته عليها, او الزلطه تطير و تموت عيل او تكسر شباك بيت! ده غير الأزعاج اللى عملته لناس نايمه أو مريضه! ده غير التراب والعفره اللى عملتهم ويمكن يكونوا بهدلوا غسيل منشور وصاحبته تعبت فيه!

شغل اطفال ومراهقين ولا تراه الا فى الدول المتخلفه

انا كان عندى اتنين عيال بيعملوا كده فى منطقتى القديمه ولما الكلام بالذوق ماجابش نتيجه قلبتلهم العربيه بنصف كوباية زيت وياريتهم ماطلعوا منها ومن ساعتها والمنطقه ترمى فيها الأبره ترن!

أولا :-
هوه حد طلب منك تدافع عن سكان العماره ولا انتا محامى أصلا و لا أيه أنا مش فاهم :!: :?:
ثانيا :-
عيل أيه اللى يموت و زلطة أيه اللى بتتكلم عليها و الشارع مكنش فيه غير أنا و صاحبى بس و غسيل أيه اللى يبوظ :!: هوه لا سمح الله انتا بتشتغل فى شركة أريال و خايف على سمعة المنتج بتاعك و بعدين هيه الكورولا بتاعتك كانت راكنه و انتا خايف عليها و لا أيه انا مش فاهم و الله
ثالثا :-
الناس اللى فى العماره فيهم لسان يعنى لو حد كان عايز يعترض كان بص و قال اللى هوه عايزه و ساعتها كنت هعتذرله , إنما اللى حصل ان مفيش حد اتكلم الا انت و اكنك كنت نايم و أنا اللى صحيتك بلعب العيال اللى كنت بعمله
معلومه أنا ليا 3 صحابى فى العماره دى يعنى لو كان حصل حاجه أو حد اشتكى من اللى عملتوا كنت عرفت منهم

المشاركة الأصلية كتبت بواسطة Nile Heart

انا كان عندى اتنين عيال بيعملوا كده فى منطقتى القديمه ولما الكلام بالذوق ماجابش نتيجه قلبتلهم العربيه بنصف كوباية زيت وياريتهم ماطلعوا منها ومن ساعتها والمنطقه ترمى فيها الأبره ترن!

ليه هما كانوا بيلعبوا بتوك توك و لا أيه :lol: :lol:

يا جماعة هى مش حكاية طوبة ولا غسيل يتوسخ
هى حكاية ان فعلا ممكن العربية تفلت وتخبط فى عربية تانية ودة اللى حصل لواحد صاحبى شاف عربيتة بتتخبط قدام عنية من واحد كان بيروش وطبعا صاحبنا زاغ ومعرفناش نجيبة
وفوق دة كلة طظ فى العربية اللى حتتخبط بس فى ناس كبيرة فى السن بتبقى عندها مشكلة من اللى احنا يا شباب بنعملة .فعلا الناس دية بتبقى مريضة ولما بيصدقوا بيناموا وطبعا مفيش داعى لذكر الامراض دية وربنا يرحمنا من عذابها .
من الاخر يا جماعة انا شاب برضة وبحب اخمس بالعربية بس لما تتطلب معايا بروح انا وصحابى فى اى حتة فاضية ونديها تكون على الاقل بعيدة عن العمارات والسيارات
انا بقول الكلام دة علشان فعلا انا اعرف ناس كبيرة فى السن بتعانى من الكلام دة وبيكتفوا بانهم يدعوا على اللى بيعمل بالعربية كدة .فلو انا عامل حسابى ان المتضرر حيقولى واعتذرلوا لازم تعرف يا اخى ان فى ناس بتشتكى ربنا وطبعا انت مش اد الشكوى الى ربنا
والسلام عليكم ورحمة اللة وبركاتة

معلش نسيت اقولك برضة يا باشا مبروك على العربية وربنا يكفيك شرها اللى احنا شوفنا بعنينا وارجو ان يكون كلامى خفيف ودة كان الغرض منة اننا كلنا اخوات فى المنتدى وطبعا لازم نخاف على بعض

الف مبروك.





______________
محمد عبدالله

الف مبروك ربنا يباركلك فيها و يحفظهالك