باركولى يا جماعه أنا غيرت 132 اللى كانت معايا و اشتريت أرجينتا و اللينك ده الاختبار اللى أنا عملتوهولها و هيه نجحت فيه ( قصدى العربيه نجحت فى الاختبار بتاعى )
http://www.youtube.com/watch?v=Jk9myV7KFlM
عرض للطباعة
باركولى يا جماعه أنا غيرت 132 اللى كانت معايا و اشتريت أرجينتا و اللينك ده الاختبار اللى أنا عملتوهولها و هيه نجحت فيه ( قصدى العربيه نجحت فى الاختبار بتاعى )
http://www.youtube.com/watch?v=Jk9myV7KFlM
ربنا يباركلك فيها ويعطيك خيرها ويكفيك شرها
الف مبروك
ربنا يباركلك فيها و يحفظهالك
ألــــــــــــــف مبروك و ربنا يباركلك فيها بس إرحم الإختبارات دى ثقيله عليها و كل ما تنجح فيها مره فرصها فى النجاح بتقل بعدها :)
ألف مبروك
الف مبروك يا اوشي :)
انا مش عارف الناس بتباركلك على ايه!! بصراحه ما فعلته فى الشارع ! ............
يعنى ممكن زلطه فى الأرض تخليك تلبس فى عربيه من اللى راكنه دى يكون صاحبها طافح الكوته عليها, او الزلطه تطير و تموت عيل او تكسر شباك بيت! ده غير الأزعاج اللى عملته لناس نايمه أو مريضه! ده غير التراب والعفره اللى عملتهم ويمكن يكونوا بهدلوا غسيل منشور وصاحبته تعبت فيه!
شغل اطفال ومراهقين ولا تراه الا فى الدول المتخلفه
انا كان عندى اتنين عيال بيعملوا كده فى منطقتى القديمه ولما الكلام بالذوق ماجابش نتيجه قلبتلهم العربيه بنصف كوباية زيت وياريتهم ماطلعوا منها ومن ساعتها والمنطقه ترمى فيها الأبره ترن!
تم التعديل 911 الرجاء من العضو مراعاه شعور صاحب الموضوع
ربنا يبارك لك فيها
ويعطيك خيرها ويكفيك شرها
ويجعلها عونا لك على طاعة الله
ويحفظها من كل سوء
وبانسبة للإختبار اللي حضرتك عملتو نجح بس إستهلك من عمر العربية شوية حلوين في الهواء
الف الف مبروك و ربنا يملهالك بركه
الف مبرووك يا اوشي
و بالنسبه ل : شغل اطفال ومراهقين ولا تراه الا فى الدول المتخلفه
كنت في سان فرانسيسكو سنتين و كان موجود اكتر من كدا 900 مره :mrgreen:
دا شكلهم مبتداين اوي انهم يتقلبو بنص كبايه زيت.اقتباس:
انا كان عندى اتنين عيال بيعملوا كده فى منطقتى القديمه ولما الكلام بالذوق ماجابش نتيجه قلبتلهم العربيه بنصف كوباية زيت وياريتهم ماطلعوا منها ومن ساعتها والمنطقه ترمى فيها الأبره ترن!
ايام ما كنت بعمل كده كنت بجيب يجي لتر او اتنين لتر زيت و اارميهم علي الارض قبل ما اشتغل علشان العربيه تتزحلق اكتر :D :D :D :D :D
7elwa de ya man :lol: :lol: :wink: hahahahahaاقتباس:
دا شكلهم مبتداين اوي انهم يتقلبو بنص كبايه زيت.
ايام ما كنت بعمل كده كنت بجيب يجي لتر او اتنين لتر زيت و اارميهم علي الارض قبل ما اشتغل علشان العربيه تتزحلق اكتر
ألف شكر يا جماعه على الردود الحلوه وبالنسبه للأخ nile Heart اللى قال
أولا :-اقتباس:
المشاركة الأصلية كتبت بواسطة Nile Heart
هوه حد طلب منك تدافع عن سكان العماره ولا انتا محامى أصلا و لا أيه أنا مش فاهم :!: :?:
ثانيا :-
عيل أيه اللى يموت و زلطة أيه اللى بتتكلم عليها و الشارع مكنش فيه غير أنا و صاحبى بس و غسيل أيه اللى يبوظ :!: هوه لا سمح الله انتا بتشتغل فى شركة أريال و خايف على سمعة المنتج بتاعك و بعدين هيه الكورولا بتاعتك كانت راكنه و انتا خايف عليها و لا أيه انا مش فاهم و الله
ثالثا :-
الناس اللى فى العماره فيهم لسان يعنى لو حد كان عايز يعترض كان بص و قال اللى هوه عايزه و ساعتها كنت هعتذرله , إنما اللى حصل ان مفيش حد اتكلم الا انت و اكنك كنت نايم و أنا اللى صحيتك بلعب العيال اللى كنت بعمله
معلومه أنا ليا 3 صحابى فى العماره دى يعنى لو كان حصل حاجه أو حد اشتكى من اللى عملتوا كنت عرفت منهم
ليه هما كانوا بيلعبوا بتوك توك و لا أيه :lol: :lol:اقتباس:
المشاركة الأصلية كتبت بواسطة Nile Heart
يا جماعة هى مش حكاية طوبة ولا غسيل يتوسخ
هى حكاية ان فعلا ممكن العربية تفلت وتخبط فى عربية تانية ودة اللى حصل لواحد صاحبى شاف عربيتة بتتخبط قدام عنية من واحد كان بيروش وطبعا صاحبنا زاغ ومعرفناش نجيبة
وفوق دة كلة طظ فى العربية اللى حتتخبط بس فى ناس كبيرة فى السن بتبقى عندها مشكلة من اللى احنا يا شباب بنعملة .فعلا الناس دية بتبقى مريضة ولما بيصدقوا بيناموا وطبعا مفيش داعى لذكر الامراض دية وربنا يرحمنا من عذابها .
من الاخر يا جماعة انا شاب برضة وبحب اخمس بالعربية بس لما تتطلب معايا بروح انا وصحابى فى اى حتة فاضية ونديها تكون على الاقل بعيدة عن العمارات والسيارات
انا بقول الكلام دة علشان فعلا انا اعرف ناس كبيرة فى السن بتعانى من الكلام دة وبيكتفوا بانهم يدعوا على اللى بيعمل بالعربية كدة .فلو انا عامل حسابى ان المتضرر حيقولى واعتذرلوا لازم تعرف يا اخى ان فى ناس بتشتكى ربنا وطبعا انت مش اد الشكوى الى ربنا
والسلام عليكم ورحمة اللة وبركاتة
معلش نسيت اقولك برضة يا باشا مبروك على العربية وربنا يكفيك شرها اللى احنا شوفنا بعنينا وارجو ان يكون كلامى خفيف ودة كان الغرض منة اننا كلنا اخوات فى المنتدى وطبعا لازم نخاف على بعض
يا أوشى أولا مبروك و ثانيا افتكر المثل اللى بيقول (يا بخت من بكانى و بكى عليا و ماضحكنيش و ضحك الناس عليا) و بالرغم من أختلافى مع Nile Heart فى الأسلوب اللى كتب بيه بس ده ما يمنعش انه قصده مصلحتك أولا و مصلحة الناس كمان و ان شاء الله ربنا يباركلك فى العربية و خلى بالك من نفسك.
الف مبروك.
______________
محمد عبدالله
الف مبروك ربنا يباركلك فيها و يحفظهالك
الف مبروك ربنا يباركلك فيها و يحفظهالك
اولا: الف مبروك على العربية
ثانيا: انا مع الاستاذ نايل هارت فى كل اللى قاله بس طبعا هوا قال الكلام دا بطريقة حادة شوية يعنى مثلا انا عاوز اسالك انت استفدت ايه من اللى بتعمله فى العربية ؟
يعنى مثلا لو انا ساكن فى العمارة اللى جنبكم اكيد مكنتش حفرح باللى انت بتعمله لكن انا حستحمل شوية ومش حقوللك ان انا متضايق وحاجى على نفسى
وربنا يباركلك فيها
حاجة اخيرة فى اغلب المقالات اللى فى المنتدى بننتقد السلوكيات اللى مش كويسة لكن لما حد من المنتدى هنا يعمل حاجة مش نقولله لا كدا غلط بالعكس نقول له شاطر برافو
اعطاك الله خيرها و خير ما صنعت له و كفاك الله شرها و شر ما صنعت له
أنا حقيقة قلتلك ألف مبروك من غير أما أشوف الفيديو
و من بعد لما شفته برده ألف ألف الف مبروك بس حرام عليك العربية و أهلك خاصة مع كامل أحترامي ( و احنا في سن بعض بينا 2 سنة ) ده اسمه تهور شباب و أنا في الأمارات سمعت عن أكتر من واحد مات بعربيات و موتسكلات أحسن بكتيير من عربيتي و عربيتك و بيسوقوا أحسن بكتيير مني و منك
أحنا هنا عندنا في المعادي مثلا عند ميدان on the runألي غي اخر شارع اللاسلكي كانت الناس اخذه الميدان للترويش و الحركات و كنا بندعي عليهم :twisted: بس الحمد لله من سنة كده و في لجنة بتيجي الساعة 12 بتمنع الإستهبال ده و من ساعتها و إحنا مستريحين و بنام كويس
وألف مبروك :D
شكرا جدا لكل الردود و بالنسبه ل Nile Heart أنا معترضتش على كلامه أنا بعترض على أسلوبه فى شرح أفكاره يعنى أبو حميد أنتقد اللى أنا عملتله بس بأسلوب حسسنى إن الراجل ده خايف عليا مش عايز يرمى كلام يضايقنى بيه و أخيرا محدش يزعل من أسلوبى فى الرد على Nile Heart بس بجد كلامه ضايقنى تخيلوا إن كان كلام أشد من كده بس المشرف مسحه اذا كان الكلام اللى هوه كتبه أصلا مضايقنى يبقى اللى اتمسح كان عامل إزاى :roll:
أوشي باشا ألف مليون مبروك
اختيار موفق الأرجنتا مرسيدس الفيات بلا منازع بس عايز أعرف منك حاجة هي موديل كام ؟ و1600 ولا 1800 ؟ ومانيوال ولا أوتوماتيك ؟؟ وجبتها على كام ؟ معلش أصل ديه عربيتي القديمه لسه بايعها من شهرين والله زعلت عليها قوي كانت 1600 سي سي 2 كامة أوتوماتيك .
ربنا يباركلك
ولو عايز تسأل على أي حاجة في قطع غيارها أو حاجة أنا تحت أمرك
ألف شكر يا باشا ربنا يخليكاقتباس:
المشاركة الأصلية كتبت بواسطة إسلام شاهين
أنا الأرجينتا اللى معايا موديل 82 - سعة المحرك 2000 سى سى - 2 كامه - مانيوال 5 غيار أمامى و الغيار الخلفى - أنا أشترتها على 25 ألف
على فكره العربيه لسه بحالتها لأنها كانت مع دكتور فى جامعة القاهرة و بعدين صاحب والدى اشتراها من الدكتور و بعدها بشهرين والدى اشترالى العربيه من صاحبه
طالب منك خدمه أنا عايز أوسع بيكات العربيه و كمان أجيبلها بوجيهات شامبيون 3 شمعه و هروح لميكانيكى يفكلى الكرونه عشان لو طلعت سريعه أغيرها و أجيب كارونه بطيئه ( لأن فتيس سريع و كارونه سريعه مش هيجروا العربيه بعكس الفتيس السريع مع الكارونه البطيئه هيخلوا العربيه تطير )
و بعدين شكل العربيه مش عاجبنى الكاوتش بتاعها 185 و جنوط عاديه و لونها لبنى
أيه رأيك فى الكلام ده بتاع الميكانيكا و بتاع شكل العربيه فى حاجه غلط أرجو الافاده يا باشا و لو عندك اى اضافه يا ريت تقوللى عليها مثلا كاوتش ماركه أيه مقاس كام - أعملها لون أيه - أزود سرعتها أزاى - أخليها تجمع أسرع إزاى
آسف جدا للإطاله يا باشا
بص يا أوشي أنا بما إني كبير سنا شويه فموضوع الترويش ده مش هافيدك فيه بس كان فيه عضومعانا هنا معاه برضه أرجنت بس إيه الله يباركله هابعتلك اللينك بتاعه دلوقتي .
http://www.nilemotors.net/Forum/view...479&highlight=
موضوع الفتيس ده أنا كان بتاعي أوتوماتيك ولما باظ جبتلها واحد استيراد ب 750 وفعلا الميكانيكي قالي المعلومة بتاعة الكرونة ديه وانا ساعتها مفهمتهاش لأني بصراحه مهتمتش لأني بعتها بعدبها على طول .
بس بصراحه عربية أنا كنت بقعد فيها مأنتخ واللي ورايا كان لو عايز ينام ينام من وسعها وقوة موتورها .
اقتباس:
أيه رأيك فى الكلام ده بتاع الميكانيكا و بتاع شكل العربيه فى حاجه غلط أرجو الافاده يا باشا و لو عندك اى اضافه يا ريت تقوللى عليها مثلا كاوتش ماركه أيه مقاس كام - أعملها لون أيه - أزود سرعتها أزاى - أخليها تجمع أسرع إزاى
آسف جدا للإطاله يا باشا
اسمحلي ارد عليك انا يا اخ اوشي:
الكرونه السريعه كانت بتنزل في الموديل الايطالي و الكرونه البطيئه كانت بتنزل في الموديل الالماني
لو عاوز تخمس و حاجات من دي تركب الكرونه البطيئه ام تروس كبيره اما لو عاوز سرعه قصوي تركب الكرونه السريعه ام تروس صغيره.
لذلك ما انصحكش تعمل في العربيه حاجه و سيبها علي وضعها.
بالنسبه للبوجيهات اللي عاوز تجيبها و البيكات اوعي تعمل كده علشان موتور ال 2000 اللي عندك دا بياكل بنزين طبيعي و لو عملت كده حتاكل بنزين بطريقه رهيبه.
انا عجبني الفيديو علي فكره بس حاول ما تعملش الحاجات دي كتير انا فعلا لما كنت بركب ال 132 كنت بتعفرت و بيركبني 60 عفريت :oops: :oops: بس خلي بالك ان العربيه دي التانك بتاعها لو مليان علي الاخر و انت عملت حركه من دي و جابت منك علي اليمين مش حتعرف تلم العربيه دي ابدا القصور الذاتي هو اللي حيحركها اسمع كلامي علشان ما تندمش
ألف شكر يا حازم باشا و أرجو التوضيح خصوص الكرونه لأنى بحب ألعب بالعربيه و ساعات بدخل شد مع صحابى فبحتاج سرعه قصوى .. الحل أيه ؟؟ :roll: :roll: :?:
يبقي الحل الكرونه بتاعك تبقي تروسها صغيره دي حتديك سرعه قصوي..
لو عاوز بقي كمان تخميس يبقي تشيل المساعدين اللي ورا لو كانو كويسين و تركب جوز مساعدين تعبانين!!!و انت بكده تضمن ان العربيه حتعمل شغل ما اتعملش :twisted: :twisted: :twisted:
بس نصيحه بلاش لحسن ما تعرفش تسيطر علي العربيه و تدعي عليا في الاخر.
انا بحب الحاجات دي جامد و كنت و انا شاب عندي 17 سنه لحد 21 مشهور بالحاجات دي و كان و الله ناس بتيجي في الحته اللي بعمل فيها الحاجات دي و تقف فين و الله يتفرجوا يشوفوا انا بعمل ايه بس خلاص لالواحد ما كبر بقي عاقل شويه ما يمنعش ان ما بين كل فتره والتانيه الادرينالين يجري في دمي و اعملها تاني بس قليل اوي ف نصيحه مش حتستفيد حاجه من تكرار الموضوع دا خليه علي فترات و يا ريت تدرب كويس انا علي ما اتدربت اخدت وقت طويل علشان ما يحصلش موقف يزعلني و الحمد لله و بفضله عمري ما خبط و انا بعمل حاجه زي كده
هيه الحاجات دى فيها تدريب يا ريت تقوللى يبقى ازاى يا حازم باشا :wink: :wink:
ما بلاش خلينا ساكتين عموما تعالي المقابله الجايه و انا اشرحلك حاجات من واقع خبرتي في الحكايه دي و ان شاء الله تنفعك لكن ما تحاولش تضر نفسك.
يعني ازاي تاخد الملف و تعمل ايه لو العربيه فلتت منك و ازاي تعملها بضهر العربيه و تلف لفه كامله و حاجات من دي بس اشوفك و احكيلك
تمام يا باشا المقابله اللى جايه نتكلم و تقوللى خبراتك فى الموضوع ده و يا حازم باشا أنا متشكر جدا :wink: :wink:
علي ايه يا باشا بس نصيحه بلاش حاجات من دي عمال علي بطال علشانك انت قبل العربيه
شكلي كدا حاجي المقابله :mrgreen:
يا باشا انتا علمنى و أنا أوعدك مش هعمل كده عمال على بطال :D :D :D :D
يا تربو باشا انتا تنور بس تبقى قوللى هيبقى يوم أيه و فين و يا ريت متنساش الاستيكرز أوكى يا مان :mrgreen: :mrgreen:
هيا حاجات بسيطه بس ان شاء الله حتفيدك محتاج بس دركسيون باور و فرامل يد زي الحديد و موتور عزمه جامد :twisted:
أنا فرامل اليد عندى تعبانه بس مش مهم أنتا علمنى بس و أنا أخليها أحسن فرامل يد فى مصر و بالنسبه للمتور زى الفل بس لسه هوضبه بزياده و الدريكسيون أمره سهل و أنا تحت أمرك يا حازم باشا
و انا معاك يا زعيم حقولك حاجات نظري و انت تطبقها عملي في مكان فاااااااااااااضي و مرمل لحد ما تتقنها و بعدين ما تعملهاش غير كل فين و فيناقتباس:
أنا فرامل اليد عندى تعبانه بس مش مهم أنتا علمنى بس و أنا أخليها أحسن فرامل يد فى مصر و بالنسبه للمتور زى الفل بس لسه هوضبه بزياده و الدريكسيون أمره سهل و أنا تحت أمرك يا حازم باشا