الموضوع: الفرق بين البطاريات

بسم الله الرحمن الرحيم

الاخ الفاضل كاتب الموضوع يشرفنى انى أول واحد يرد عليك
أولا البطاريات مقاسات او فولتات حسب تسمية كل واحد فى 55 و70 و90 كل عربية ونوعها
ثانيا قبل التغير فى حاجات ممكن تحسبها الاول
لو عايز تشترى بطارية جافة هى كويسة وبنت ناس بس لازم الاول تبص على تاريخ الانتاج ميكونش عدى عليها أكثر من 3 شهور غير كدة متشتريهاش لو ببلاش لان كل لما طالت المدة دة من العمر الافتراضى للبطارية دة كلام ناس شغالة فى توكيل بطاريات

اما السائلة هى فى رايى احسن لعدة أسباب
1- انها مدتها لتتحسب من تاريخ شغلها فى عربيتك
2- يوجد لها صيانة
3- لما يحصل فيها عطل ربع ضرب ولا حاجة ممكن تغيرة اما الجافة لا
بس نصيحة لو هتجيب سائلة هات بطارية وحط الماية فيها ومتحطهاش على الشحن سيها من 8 -10 ساعات ودور هتلاقيها زى الفل أحسن من الشحن عن تجربة شخصية فى عربيتى وأهم حاجة الضمان

والراى الاول والخير ليك اسف على الاطالة بس اتعودنا هنا اننا بنستفيد ونفيد بعض
تقبل تحياتى

أشكرك جدا أخى على الرد والافادة .. أنا لسه شارى هيونداى أتوس 98 والبطارية صغيرة مكتوب عليها 40 فهل هذا مقاسها فعلا ؟؟
أصلى سمعت من ناس ان البطارية الجافة تجيبها وتنساها ولا فحص ولا مية ولا ربع علشان كده بيستعملوها كتير فى الأجرة ( التاكسى ).
أشكرك مرة اخرى على الرد

طبعا الجافة افضل لانك بتركبها وتنساها لا تحتاج لصيانة ولا اى شىء عكس البطارية السايلة لازم متابعة باستمرار

merceeeeeeeee

شكرا اخوانى .. وعايز أعرف هل فعلا مقاس بطاريتى هو اللى مكتوب عليها ( 40 )لأنها صغيرة ؟؟

الجافه طبعا افضل لان السائله بتحتاج للكشف الدورى وممكن تناساها والميه تنشف فيها
مع العلم ان كل العربيات الجديده بتنزل ببطاريات جافه
وطبعا كلام الاخ Bazed2006

مظبوط من ناحية تاريخ التصنيع