كيف أركن السيارة في مسافة ضيقة من اول مرة ؟؟
من فترة كده كان البرنامج الأمريكي بتاع أوبرا ، جايب فقرة عن العربية اللكزس اللي بتركن لوحدها طبعا مش ده المهم عشان دي ممكن تنزل مصر في الألفية الجاية ، اللي عجبني طريقة ركن السيارة ما بين عربيتين بالطول(صف واحد موازي للرصيف :D ) في مسافة ضيقة هو كلنا بالخبرة كده بنركن بالظهر عشان عارفين إن ده اللي بيجيب في المسافات الضيقة، بس أنا حسيت من كلامهم إن في طريقة مدروسة للحكاية دي هما كانوا بيكلموا تقريبا إنك نخلي بوز عربيتك مع دركسيون العربية اللي قدام و بعدين العربية تكسر علي الآخر لوحدها و بعدين تكسر الإتجاه المعاكس عشان تعدل نفسها في مكان الركن ده اللي انا فاكره و ممكن يكون فيه حاجة غلط
يا ريت لو في حد من ذو الخبرة يشرحلنا الطريقة السليمة بس من مرجع أو يدلنا علي موقع مشروحة فيه
5 خطوات عملية وسهلة جدا للركنة فى اضيق مساحة
1- قرب من العربية اللى هتركن وراها (مش قدامها) وخلى بينك وبينها حوالى 40 سم
2-خلى نهاية العربية اللى هتركن وراها فى منتصف المثلث الموجود فى زجاج الباب الخلفى اليمين ولو معندكش المثلث ده خلى نهاية العربية اللى هتركن وراها عند نهاية زجاج الباب الخلفى اليمين
3-اكسر العجل كله يمين
4-تحرك بالسيارة لحد ماتكون الشنطة بتاعتك بالكامل خلف السيارة الامامية او تكون العجلة الخلفية اليسرى لسيارتك ملامسة للخط الوهمى الممتد بين السيارة الامامية والسيارة الخلفية
5- اكسر عجل سيارتك بالكامل ناحية اليسار وتحرك للخلف مع مراقبة مقدمة سيارتك ستجد انك ركنت بكل سهولة ويسر فى اضيق مساحة ومن اول مرة
- ملحوظة : هذا جزء من اختبار القيادة فى المملكة العربية السعودية ويجب ان تركن بدون ان تتحرك للامام والا تلامس الخطوط المرسومة على الارض على اعتبار انها حدود سيارات اخرى