و انضميت لنادى مالكى السيراتو
الحمدلله استلمت امبارح سيراتو اتوماتيك ال اكس 2009 ، كنت حاجز 2008 لكن عند الاستلام لقيت بقع فى الدهان و صدا فى الاكر و الشبكة و عند الايريال فبصراحة رفضت استلم و غيرت الحجز لل 2009 و استلمتها امبارح.
اشكر الاستاذ احمد على المعلومات و المجهود اللى عمله فشرح مميزات و عيوب السيراتو و غيره من الاخوة و الاخوات اللى شاركنا فى معلوماته عن السيراتو.
انا لسة مرخصتش فمعندش اى تعليق عن العربية ربنا يسهل اسبوع او اكتر اكون اتحرك بيها و اقدر اقول راى عن تجربة، بس الانطباع الاول انها جميله و نعمة جدا و الفرامل افضل من اللى كنت متوقعه بعد ما قريت من البعض انها بتاخد وقت علشان التيل يطبع.
انا اشتريت من الطارق و القسط من كونتكت العربية خلصت على 94500 اتوماتيك ال اكس و اذا فى حد عايز يستفر عن اى شى انا تحت امره
باختصار انا اخترت السيراتو : 1- كان معايا بيكانتو و بصراحة كانت فوق توقعاتى رحت بيها لشرم و الغردقة و جبت 160 كم/س و الحمدلله العربية و التوكيل كانوا كويسين.
2-السيراتو اطول ضمان و اقل سعر لعربية اتوماتيك تيب ترونيك، انا فوجئت لما لقيت الالنترا 104750 جنيه و اتوماتيك مش تيب ترونيك.
3-الكل شكر فى الالنترا و هى الاخت غير الشقيقة للسيراتو فكانى اشتريت الالنترا بسعر اقل 10000 - 13000 .
دى كانت اسبابى بجانب بالطبع انى كل مالكى السيراتو شكر فى العربية و محدش اشتكى منها
و ربنا يسهل و قريب اقول راى فيها انا كمان