متنساش ان نص تمن العربية جمارك وضرايب ورسوم يعني كده الحسبة مظبوطة
خلوها تصدي
انا افهم لما الحاجه تبقي ب 100 و بيدفع عليها 200% جمرك يعني 200
سعرها هايبقي 300
لما يتعمل عليها تخفيض 20% هاتبقي 80 و جمرك 200% يعني 160
يبقي سعرها الاجمالي 240
يعني نزلت برده 20%
الناس ديه بتهرج برده... يعني واحد رايح يشتري عربيه ب350 الف لما يعملولو تخفيض 10,000 يبقي ده اسمه ايه...!!!!!!! :_Alshmokh08[1]::_Alshmokh08[1]::_Alshmokh08[1]:
دا مش تاثير وزى ما الاعضاء قالوا قبل كدا الماركات دى مش مؤثره حتى لو قلت لان اللى يدفع600 الف ممكن يدفع 650 بسهوله
خلوها تصدى
ده على اساس ان ال 320 I ب 100000 جنيه !!!
عربيات بملايين هيفرق معاها خصم 10000 جنيه !!
دى ال 740i بمليون ومية الف يبقي لما ينزلوا من سعرها 40 الف هتفرق !!!
ثم كمان المجموعه البافارية ميتقالش عليهم تجار دول مؤسسات عالمية وشركة بي ام من اغنى الشركات فى العالم ..
يا جماعة متفهموش الخبر غلط . الغرض إن الناس تعرف إن الحمله بدأت تأثر مش أكتر .
الخبر مش معناه إن خلاص يا جماعة الحقوا bmw رخصت أجري ألحقلك واحدة . أنا حتى ما حطتش الخبر في منتدي ال-BMW لأن غرضي مش أقول للناس روحو اشتروا .
أنا عايز أقول الحملة بدأت تأثر ورسمي في الجرنال . لو مكنش في الحملة كان ممكن السعر يفضل ثابت و فرق العملة يضربوه في جيبهم.
أكيد أنا متفق مع الكل إن التخفيض ده مش كفاية (عشان كده قلت بدأت مش نجحت ) . و عشان كدة لازم نستمر فيها و خصوصاً إن فيه علامات تقول اننا ماشيين صح . وأن أكيد الكل هينزل و كلمتنا هي إلي هتمشي.
وأدينا قعدين و فلوسنا في جبنا لحد منلاقي السعر اللي يعجبنا . محدش حيموت لو مجبش عربية جديدة و هو ده سلاحنا الحقيقي . relax
يا جماعة ال 8 % نسبة تخفيض مش قليلة و هي بداية جيدا و في انتظار المزيد حتى نصل الى 25% تخفيض
أو أكثر ز خليها تصدييييييييييييييييي
شوفوا الحملة في السعودية وصلت لايه
http://www.nilemotors.net/Nile/showthread.php?t=57919
مش عارف ليه حاسس ان احنا بس اللي عاملين الحملة دي والتناس في الشارع ولا في دماغها
القاهرة - محرر مصراوي - أكد المهندس رشيد محمد رشيد وزير التجارة والصناعة حرص الحكومة على دعم التجار وإزالة جميع العقبات التى تعترض تنشيط التجارة والحد من الأجهزة الرقابية ، مشيرا إلى أنه تم تخصيص مبلغ 400 مليون جنيه لدعم وتطوير التجارة الداخلية خلال الأشهر القادمة.
جاء ذلك خلال اللقاء الذى نظمته غرفة تجارة القاهرة برئاسة المهندس على موسى الليلة وحضره العديد من رجال الأعمال والتجار وأعضاء مجلس إدارة الغرفة والسيد محمد المصرى رئيس الاتحاد العام للغرف التجارية.
ودعا المهندس رشيد ، التجار مجددا إلى تخفيض الأسعار والوصول بمستواها إلى مثيلاتها العالمية وسرعة التخلص من المخزون السلعى ، مؤكدا أن الدولة لن تقوم بحماية أى تاجر أو صانع إلا بعد التزامه بخفض الأسعار.
وقال الوزير ان عام 2009 سيكون عام مكافحة البطالة والحفاظ على فرص العمل المتاحة وتوفير مزيد من فرص العمل من خلال حزمة من الإجراءات التى اتخذتها الحكومة والتى من أهمها ضخ 15 مليار جنيه بمشروعات البنية الأساسية كالنقل والتعليم والصحة إلخ ... ودعم قطاع الإنتاج من خلال تخفيض الرسوم الجمركية على مدخلات الصناعة وزيادة الدعم المخصص للصادرات.
وقال المهندس رشيد محمد رشيد وزير التجارة والصناعة ان خط تطوير وتحديث التجارة الداخلية سوف تتم من خلال منظومة متكاملة على رأسها إنشاء جهاز تنمية التجارة الداخلية (الذى صدر مؤخرا القرار الجمهورى بإنشائه) وتحسين المناخ الذى يعمل فيه التجار والحد من الأجهزة الرقابية التى يتراوح عددها ما بين 15 و 20 جهازا رقابيا ووصفها بأنها رقابة مجحفة ومعقدة وتشجع على التجارة العشوائية وغير
الشرعية.
وتعهد الوزير بالاستجابة إلى مطالب التجار بخصوص تخفيض أسعار المازوت بالتنسيق مع وزير البترول سامح فهمى للوصول به إلى المستوى العالمى وتخصيص أراض لإقامة مجمع لمجازر الدواجن وكذلك إقامة أسواق لتجارة الجملة وحل مشاكل نقل بضائع السلع داخل القاهرة وتشجيع المنافسة بين مواد البناء المحلية والمستوردة وسرعة صرف المبالغ المخصصة لدعم الصادرات .
وأشار إلى أن الأزمة المالية العالمية ألقت بظلالها على كل دول العالم ومن بينها مصر وأنها ستؤثر سلبا على قطاعات السياحة والاستثمار والصادرات وعائدت العاملين بالخارج وقناة السويس ، مشيرا إلى أن الدولة بالتعاون مع القطاع الخاص والتجار سوف تسعى إلى تجاوز هذه الأزمة وخروج الاقتصاد المصرى منها معافى.
المصدر: وكالة أنباء الشرق الأوسط