الموضوع: هل نعتبر ده بداية النجاح لوقف جشع التجار : البافارية تخفض أسعار جميع سيارات Bmw نحو

يعنى هما جم على العربيات اللى احنا مش بنفكر نشتريها وانت قولتها الفارهه وبعدين يااستاذ دى بى ام احنا عاوزين الالعربيات اللى على قدينا ترخص انما اللى بيشترى بى ام مش فارقه معاه موضوع السعر ده

يعنى عربية ب 550 الف
نزلت 40 الف
ياااااااااااااااه
كام واحد بقا من ال 80 مليون هيفكروا يشتروهها !!!

شوفوا يا جماعة، لا يمكن يضحكوا علينا ب 10 الاف و لا حتى مليون ينزلوه، العبرة بكام في المية اللي نزلوها، يعني من الآخر أقل من 30% تخفيض يبقوا ما عملوش حاجة وموش عاوزين نقول 40 و لا 50 مع انهم لو خفضوا 50% فهيكون مكسبهم لسة موجود برضوا و هايساوي 50% من اصل التمن.

بالنسبة لأخونا الفاضل اللي بيقول انه حاسس ان خلوها تصدي مجرد حملة قام بيها عدد قليل من الناس على منتدى، احب افرحه بأن ده موش مظبوط، لأن خلوها تصدي شغالة حتى مع واحد موش رافع شعارها، ما فيش حد يشوف سوق العربيات بالشكل اللي هو فيه ده دلوقتي، و يقبل على شراء عربية على سبيل الرفاهية او التطوير. دي نقطة النقطة التانية ما تملوش أبدا يا جماعة انكم تتكلموا عن الموضوع ده مع كل اللي تعرفوهم و في اي مكان و اي مناسبة تسمح بده علشان تعرفوهم بالموضوع و اصله و انه بسيط جدا، بس ما تشتريش، لأن الموضوع كمان موش مرتبط بأزمة او جمارك بس، الموضوع مرتبط بجشع تجار عاوزين ارباحهم دايما تعدي 100%