انا معايا 35 الف اشترى اية؟

**mtageldeen** · 11-02-2009 10:23 AM

المشاركة الأصلية كتبت بواسطة khaled02001

على فكرة انا عجبانى الماروتى بس مش لاقى حد بيشجعنى عليها كلى يقلى دى صغيرة اوى توك توك يعنى

نصيحة بوجه عام

سيبك من كلام الناس لثلاثة أسباب:

1-أنت من سيدفع ثمن السيارة.
2-أنت من سيعاني من إصلاح السيارة (وقت وفلوس وحرقة دم).
3-أغلب الناس تكرر ما تسمعه دون أن تعقله.

ولكن عليك أن تسأل أهل الخبرة ومن يحترم عقلك وستجد إجاباته دائماً مبررة في شكل مميزات وعيوب وليس هزار وتريقة.

وفي النهاية حدد إحتياجاتك من السيارة وهذه الإحتياجات هي من سيختار السيارة وليس أنت.

**sawyer** · 11-02-2009 02:57 PM

بص يا أ/ خالد
أنا لسه في شهر 6 جايب كيا برايد موديل 99
العربية بفضل الله فوق الممتازة مع إن الناس كانو بيقولولي إنها غاليه أوي
أنا جيبتها ب38000
بس الحمد لله العربية ماخدتش مني مصاريف كتير لأن صاحبتها كانت ركناها على طول كل أسبوع بتخرج مره مرتين
أنا عن نفسي بنصحك بيها
أنا بسافر بيها كتير
لو عايز موبايلي إبعتلي ميل و هديهولك
وربنا ييسرلك الخير إن شاء الله

**mfouad77** · 11-02-2009 07:09 PM

السلام عليكم و رحمه الله و بركاته
انا زيك حضرتك بالظبط بدور على عربيه فى نفس السعر دة و حاولت احدد بعض الموديلات كالأتى:
1-بولو موديل 1995 الى 1999 1000 cc
2-اوبل كورسا موديل 1994 الى 1997 1200 cc
3-ابيزا موديل 1994 الى 1999 1000 cc
الموديلات دة مش قديمه قوى و فى نفس الوقت شكلها شيك و شبابيه.
كلهم المانى قطع غيارهم عاليه شويه بس بتعيش.
و اخيرا اتمنى انك تلاقى حاجه كويسه و اتمنى انى الاقى حاجه ليه كويسه برضه.
و لو حد من اخواتنا فى المنتدى عندة اى موديل من دول و عايز يبيع يا ريت يقولنا.
اسف على الأطاله
تحياتى للجميع.........

**khaled02001** · 11-02-2009 10:03 PM

بص يا باشا العربيات اللى حضرتك بتتكلم عنها ليها 14 او 15 سنة ماشية على الارض يبقى اكيد حاجات فيها عايزة تتغير و كل شوية هتروح تزور الميكانيكى وتصرف عليها
انا عايز زيرو بس بالمبلغ دة مفيش غير ماروتى او اكمل قسط لسايبا برايد علشان متبقاش اقساط كتير ومش عارف اختار بينهم الماروتى صغيرة اوى والسيبة جديدة ومش متجربة

**marwamorgan622** · 12-02-2009 10:13 AM

اولا الماروتى اه سعرها حلو وكل حاجه بس المشكله انها800 cc وناس كتير جدا وناس اعرفهم بيقولوا انها لاتصلح للسفر

**marwamorgan622** · 12-02-2009 10:15 AM

ايوه فعلا كيا برايد حلو جدا ربنا يباركلك فيها

**Ahmed Hamdy** · 12-02-2009 11:24 AM

أنا معايا ماروتى بس كنت جايبها مستعملة موديل 94 .. الماورتى عربية كويسة .. وكنت أحيانا بركب ومعايا أربعة أحجامهم مش صغيرة وكانت بتمشى عادى مش بتقول لأ .. وسافرت بيها كام مرة برضه عادى .. شكلها صغير من بره صحيح لكن من جوه قعدتها كويسة وليست كما يوحى شكلها الخارجى .. ولكن شنطتها هى اللى ضايعة .. وطبعا ليس فيها أى كماليات .. بس هى معايا زى أى عربية مستعملة بتحتاج مصاريف وشغل من وقت للتانى ..
لو جبتها زيرو ان شاء الله حتبقى كويسة ..
البرايد الإيرانى أنا شفتها عربية معقولة بالنسبة لسعرها إنما تقفيلها وبعض الخامات فيها مش أد كده .. إنما حجمها معقول وموتورها أقوى وفيها كماليات لو جبت اللى 51000 مش اللى بـ 46000 ..
رأيى لو بتقارنها بالماروتى تبقى هى أحسن لأن الماروتى صحيح تقفيلها كويس وخاماتها معقولة بس فى النهاية عادية مش فخمة يعنى .. وتبقى استفدت المزايا اللى فى البرايد حتى لو تقفيلها مش أوى ..
أو ممكن تبص على الاسبيرانزا 113 .. العربية شكلها حلو وتقفيلها وخامتها أحسن كتير من البرايد بس لسه الناس متخوفة من الصينى وفى كلام عليها ما بين مدح وذم ..
أو تزود شوية طالما حتقسط مش حتفرق كتير فى القسط وتجيب بيكانتو أو i10 ..

**amoura_2004** · 04-03-2009 04:34 PM

فيات اونو موديل 93 ايطالي \1000 سي سي \ 107000 كيلو \ سي دي CD \ سماعات 210 watt JBL \ بطارية جديدة \ كاوتش جديد \ سنترال لوك
المكان : سموحة , الاسكندرية
للاتصال : 0105542225 او
amoura_2004@yahoo.com

مطلوب 28500 إن شاء الله