غرقلي العربية ماية

**dr_timo** · 03-02-2009 05:13 AM

كنت بغير زيت والراجل قالي هغسلك الماتور قال يعني بيجاملني وكمان غسله بمية وايريال قعدت اقوله مش كدة غلط يقولي لا لا قام ابن المجنونة غرقلي الماتور والاسبراتير والبوجيهات ومن ساعتها والدوارة الصبح بقت غلسة فياتري دة سببه اية انا بقول ا الاشعال بقي ضعيف عشان غرقان الاسبراتير والبوجيهات دة بس هوة قالي ان البوجيهات مش هيدخلها مية هوة رش من برة ولا اية رئيكم بس انا الطربوش بتاع الاسبراتير بتاعي كمان مشروخ فممكن يكون مئثر واثر اكتر بعد حكاية الماية دي؟

**mrghost** · 03-02-2009 05:46 AM

كده يبقى الاسبراتير دخل جواه ميه هو والموبينه والمفروض انك تروح لحد عنده كمبروسر هوا شديد وتخليه ينشفلك الاسبراتير والموبينه كويس وربنا يوفقك

**dr_timo** · 03-02-2009 06:10 AM

طيب انفخ بيه اية بالظبط يعني الموبينة اعملها اية لانها فعلا اتغرقت ساعتها

**zeyad1810** · 04-02-2009 12:55 AM

انفخ الموتور كلة بالهوا لحد ماتتاكد ان المية كلها نشفت
وركز على الموبينة

**M.Gamaledeen** · 04-02-2009 08:45 AM

البوجيهات
لو العربية بتقوم معاك لكن مابتدورش يبقى "البوجيهات"
فكها ونشفها وصنفرها كويس ولو قديمة غيرها بالمرة وهتلاقي الدنيا اتظبطت

**kemks** · 04-02-2009 09:15 AM

ربنا يستر بعد كده متغسلش الماتور ولو خلاص مزنوق اعملها بالهواء و لو خلاص بقي مش قادر يبقي يلفلك الاجزاء الكهربائيه بكيس بلاستيك

و طبعا متبقاش العربيه مولعه و يضربلك علي الماتور مياه طبعا بتبقي واقف حبه حلوين عقبال لما ينظف العربيه من جوه و كده و بعدين اضرب مياه لو قلبك جامد يعني

انا عن نفسي بغسل العربيه ب Wd40 بحط شويه علي حته و اغسل الماكنه بتاخد وقت بس تمام

بس ناوي اليومين دول احط شويه بنزين في رشاش مع حبه مياه مع حبه Wd40
لو ناجحت العمليه دي هبقي اقولكم إن شاء الله

**zeyad1810** · 05-02-2009 01:26 PM

المشاركة الأصلية كتبت بواسطة kemks

ربنا يستر بعد كده متغسلش الماتور ولو خلاص مزنوق اعملها بالهواء و لو خلاص بقي مش قادر يبقي يلفلك الاجزاء الكهربائيه بكيس بلاستيك

و طبعا متبقاش العربيه مولعه و يضربلك علي الماتور مياه طبعا بتبقي واقف حبه حلوين عقبال لما ينظف العربيه من جوه و كده و بعدين اضرب مياه لو قلبك جامد يعني

انا عن نفسي بغسل العربيه ب Wd40 بحط شويه علي حته و اغسل الماكنه بتاخد وقت بس تمام

بس ناوي اليومين دول احط شويه بنزين في رشاش مع حبه مياه مع حبه Wd40
لو ناجحت العمليه دي هبقي اقولكم إن شاء الله

جرب الخلطة دى وابقى قلنا على النتيجة

**HeMa_LanCeR** · 05-02-2009 01:41 PM

احسن حل
فك وش الاسبراتير
هتلاقي من جواه حاجه زي القلم الرصاص
من فوق
هات بقي ولاعه وولع فيها شويه
هيبقي كله تمام

**Samir Elshahawy** · 05-02-2009 02:30 PM

فعلا كلام خبيرنا الباشمهندس "سبعاوي" كان صح لما قال أن 80 % من صنايعية مصر حافظين و مش فاهمين و برضه كلام خبيرنا الباشمهندس "محمد ممدوح" بأن مش كل حاجة الصنايعي يقولها لك تبقي صح

من صغرنا علمونا أن خطر تخلي المياه تلامس الكهرباء , لذا من الواجب عليك ياسيدي أن تمنع مثل هذا الصنايعي الجاهل من الاقتراب من سيارتك عندما تجده يريد أن يتصرف بغباء أو جهل حتي لاتدفع أنت الثمن بعد ذلك