عندك حق صعب فعلا تلاقي عربية حالتها نضيفة ..... انا شفت عربيات كتيير و كلهم كانوا تعبانين
بصراحة اللي يركب فيكترا و تكون حالتها ممتازة مش هيبيعها بسهولة
شوف ياسيدي العربية لو فعلا نضيفة هاتها والسعر ده مش غالي. انا كنت رحت بورسعيد من تسع شهور
عشان اتفرج علي العربيات الاوبل وشوفت فيكترا 98و 97 وبصراحة شوفت عربيات كانت حالتهم ممتازة
وفوق الوصف مع وجود بعض العربيات اللي كانت فيها اجزاء كبيرة رشه
وممكن الواحد ينخدع بسبب شكلها الخارجي الحلو ونضافة الصالون وكل العربيات كان ماتورها ايكوتيك المهم لاقيت
الاسعار من 50000 الي 55000 طبعا السعر ده
من غير المعاق ومن غير رفع الحظر.
يعنى التكلفة الكليه هاتكون 55000+من8000الي10000معاق معاه ورقه كامل (رخصه قياده وشهادة محو الامية)+10000رفع حظر=75000جنيه.
والتاجر قالي في قضية بسترد بيها 10000 بيرجعوا خلال ست شهور والكلام القضية ده اكيد يعني كانت هتقف علي 65000.
أنا بقولك الكلام ده عشان لو فعلا العربية حلوة
ومش رشة يبقي السعر حلو ومش خسارة فيها.
____________
محمد عبدالله
اى حد عنده فكره على قطع عيار اوبل اوميجا 2002 اربعة سلبندر 2.2سي سي فى الاسكندرية يريت لاني مستوردها ومش عارف اين اجد قطع عيار لها
معلشى انا آسف على المُداخلة الرخمة دى ، بس والله ما أقصد بيها غير نصيحتك لوجة الله
ياريت تسألأ على الموضوع ده من الناحية الدينية (مسألة عربية المُعاقين) لأنك بتشترى حاجه وبتستغل مُميزات مش من حقك (التخفيض الجُمركى)
يعنى أنت لو مش مُعاق مش هتقدر تشترى العربية دى بالسعر ده ،
أنت بتاخد تخفيض مُقدم لفئة مُعينة وأنت مش من الفئة دى ، وده تحايُل
بجد ياريت تفكر فى الموضوع من الناحية الدينية ، أنت هتدفع فلوسك اللى تعبت فيها فى العربية دى ، والعربية دى هتركبها أنت وأولادك بإذن الله فياريت تتحرى الموضوع أكتر
وآسف لو كانت المُداخلة ضايقتك بس انا والله مليش مصلحة فى أنى أضيع عليك الفرصة أنا بس بنصحك لوجة الله وده حقك عليا
معلش ياجماعه هي التلاجه اللي في التابلوه دي بتشتغل ازاي
بص ياباشا .. هتفتح درج المتعلقات اللي علي اليمين ده .بص جوه كده هتلاقي مفتاح مستطيل عليه علامه التكييف شده لناحيه اليمين علشان تفتح لهوا التكييف البارد انه يدخل التابلوه .وطبعا التلاجه مش هتشتغل الا مع التكييف .بس ايه عيشه . حطيت فيه لتر بيبسي وزبادي علشان مودي ابني طلعتهم بعد ساعه وربع زي ماهما سقعانين . الالمان دول ولاد تيييييت .