لو دخل تراب للمتور من مكان فلتر الهواء هيعمل ايه ؟

**Strong** · 03-02-2009 01:54 PM

لو دخل تراب للمتور من فلتر الهواء (لو الفلتر مش موجود ) هيعمل ايه وهيطلع ازاي ؟

**Sameh** · 03-02-2009 02:05 PM

سؤال مهم أوى أوى أوى لأن ناس كتير من اللى خايفين من فلاتر الهوا بيتكلموا عن تراب يوصل للزيت ، أنا أعتقد إنه هيدخل غرفة الحريق وهيخرج مع العادم وطبعاً مش هيوصل للزيت أبداً إلا لو الموتور مفوت ، المشاكل أتصور إنها تكون تآكل فى الصبابات مع الوقت !!
يا ريت حد متعمق يقولنا خط سير التراب هيكون إزاى والمشاكل المتوقعة لو فيه

**fahd_628** · 03-02-2009 02:35 PM

على فكرة دية مشكلة لأنة كدة حيخش غرفة الحريق و طبعا انت عارف الباقى حيبقى زى الصنفرة
من ناحية حيطلع ازاى دية معنديش فكرة

**samirayad** · 03-02-2009 07:06 PM

زى ماقال....الأستاذ/فهد.....التراب والرمال....غير قابله للاحتراق عند دخولها لغرف الحريق....والتصاقها أو احتكاكها مع سطح الشمايز....حيؤدى الى حدوث صنفرة وتلف مش مرغوب فيه لسطح الشميز من الداخل وممكن يؤدى الى تقليل كفاءة الحبك بين الشميز والشنبر(دا لو كانت الخدوش غائره)......وبالنسبه لعملية خروجه..... مع العادم على فترات على حسب الكميه وكفاءة كسح العادم له

**kemks** · 05-02-2009 09:34 AM

خروجه مش هيبقي غير عن طريق الاسبراي بتاع تنظيف الكربراتير و العربيه شغاله عندك حل من اثنين شيل خرطوم الهواء اللي قبل البوابه لو العربيه انجيكشين و الاسبراي بيجي معاه انبوبه طويله حطها مكان الخرطوم و رش و زود بنزين هتلاقي هباب طلعلك من الشكمان ورا

الطريقه الثانيه تفك الخرطوم الواصل من مكان فلتر الهواء للبوابه و ترش و العربيه شغاله برضه

و برضه في الكربراتير بتنظف بترش شويه و العربيه شغاله من ناحيه فلتر الهواء

اللاسبراي دا تروح للراجل تقوله عاوز اسبراي تنظيف الكربراتير و هوا شغال برضه مع الانجيكشن

بص مرسوم عليه شكل الكربراتير و بينظف برضه الاتشوك

و بالتوفيق