عفشه اللادا

**M.ABDEEN** · 23-07-2009 02:55 AM

فعلا كلام حضراتكم مظبوط لازم كل فترة تربط عليها والقوة دي فعلا بس زمان ايام الروسي الاصلي انما العربية دلوقتي في هندي وتركي ومصري وقطع الغيار اصبحت سيئة وجودتها رديئة والتكنولوجيا المتقدمة في العفشة نراها غائبة انا كانت معاي زمان وبصراحة عانيت من المشاكل دي ورحت لطوب الارض وكل واحد تاخد منه فتاووي للصبح ولكن اجمالا المحصلة هي هي !!!!!!

**M.ABDEEN** · 23-07-2009 03:02 AM

المشاركة الأصلية كتبت بواسطة mohammedsamirabdeen

فعلا كلام حضراتكم مظبوط لازم كل فترة تربط عليها والقوة دي فعلا بس زمان ايام الروسي الاصلي انما العربية دلوقتي في هندي وتركي ومصري وقطع الغيار اصبحت سيئة وجودتها رديئة والتكنولوجيا المتقدمة في العفشة نراها غائبة انا كانت معاي زمان وبصراحة عانيت من المشاكل دي ورحت لطوب الارض وكل واحد تاخد منه فتاووي للصبح ولكن اجمالا المحصلة هي هي !!!!!!

انا مش بسيء ليكم ولا للعربية بس ياريت نخلينا صرحاء الادا وخصوصا الشكل القديم انتهى من زمان ومافيش تطوير فيه الا بشوية كماليات واصبحت لا تواكب التكنولوجيا والجودة في بعض الماركات ........انا كنت احد ملاك العربية دي ويا قاسيت معاي وياما قاسيت عليا ولها ذكريات جميلة معاي بس لما جائت ساعة الحسم كان الصبر نفذ وقلت كفاية كده رغم انها كانت روسي وقلت حان وقت التغيير وفعلا غيرت بنوبيرا وكيا اه قلنا نواكب التطور شوية وفعلا ارتحت من قلة المزاج ووجع الدماغ وتضييع الوقت و الفلوس مع التجار والصنايعية واصبح البال مرتاح دلوقتي وربنا يسترها .........
وفي النهاية هي كده وهتفضل كده وطالما غاب الضمير والامانة يبقى نقول على الدنيا السلام .....واسف على الاطالة وعن كلام ممكن يدايق ملاك العربية دي بس انا مقصدش خالص خالص وارجو عدم الهجوم عليا او استعدائي لانها الحقيقة بس ياريت اللي يقول الحقيقة دلوقتي ميتشنقش زي مبيحصل اليومين دول ......ولله الامر ولنا

**ggggggggg** · 23-07-2009 06:32 AM

اللادا وسنين اللادا..... مين بيشتري لادا دلوقتي؟؟؟!!!!!!!!!

**x_gomgom** · 23-07-2009 10:51 AM

الاخ محمد سمير انك كلامك صحيح بالفعل الادا مقصره في موضوع التطوير و موضوع الخدمه ما بعد البيع و عدم توفير قطع الغيار الصليه ....
اما بالنسبه للاخ ggggg العربيه دي ليها شرائح عريضه من المستخدمين و ميقدروش يستغنوا عنها و انا واحد منهم.
من واقع استخدامي اي عربيه من الجديد اللي طالعين بيه السما دا متاخدش في ايدي اسبوع كفايه طريق الشغل بتاعي و طريق المزرعه (عريبات كتير جديده كان اخرها هناك سنه) و الحمد لله ان العربيه دي فيها ميزه و هي في حالة الاعطال عمرها ما تخليك تفلس (50 جنيه تظبطها)...
و الصراحه لازم تدي كل عربيه حقها و دا مش معناه ان الجديد ملوش لازمه لكن له شرائح معينه بتستهلكه ( و لولا اختلاف الازواق لبارت السلع)
و تقبلوا فائق تحياتي

**M.FOUAD** · 23-07-2009 11:47 AM

المشاركة الأصلية كتبت بواسطة x_gomgom

الاخ محمد سمير انك كلامك صحيح بالفعل الادا مقصره في موضوع التطوير و موضوع الخدمه ما بعد البيع و عدم توفير قطع الغيار الصليه ....
اما بالنسبه للاخ ggggg العربيه دي ليها شرائح عريضه من المستخدمين و ميقدروش يستغنوا عنها و انا واحد منهم.
من واقع استخدامي اي عربيه من الجديد اللي طالعين بيه السما دا متاخدش في ايدي اسبوع كفايه طريق الشغل بتاعي و طريق المزرعه (عريبات كتير جديده كان اخرها هناك سنه) و الحمد لله ان العربيه دي فيها ميزه و هي في حالة الاعطال عمرها ما تخليك تفلس (50 جنيه تظبطها

)...
و الصراحه لازم تدي كل عربيه حقها و دا مش معناه ان الجديد ملوش لازمه لكن له شرائح معينه بتستهلكه ( و لولا اختلاف الازواق لبارت السلع)
و تقبلوا فائق تحياتي

كلام سليم جدا

الناس كلها بتبص على استهلاك العربية داخل المدنة في ناس مش عارفة الطرق شكلها في الارياف مثلا
يعني عمرك شفت عربية لادا موديل 83 الشاسية بتاعها فية مشاكل من الطريق او 504 يعني العربيات دية بقالها 25 سنة و اكثر بتتبهدل في شوارعنا و محصلهاش حاجة تعالى بص على الكوري دلوقتي اللي مغرق الدنيا بص على اول عربية نزلت مصر الاكسيل مثلا بتلاقي العربية متفككة من بعضها صحيح انت كسبان تكييف و نعومة في السواقة لكن العربية متنفعش ناس كثير
حتى الياباني القديم بص على الكورولا الثمانيات القديمة و شوف تاثير الشارع المصري عليها بص على السويفت اللي مفيش عربية منها الا لو كان الشاسية بتاعها مفلق
انا مش متحيز للادا و لا حاجة بالعكس الحمد للة البيت في اكثر من عربية باختلاف الموديلات و شايف الفرق قدام عيني
لازم نعترف اننا شعب مظهري اكثر عربية المفروض متقدرش تستحمل شوارعنا هي اكثر عربية منتشرة زي الهيونداي و احسن واحدة تستحمل الشوارع زي الشاهين و لادا هما اقل العربيات انتشارا و غير مرغوب فيهم

**Truman** · 23-07-2009 05:58 PM

كلام حضرتك سليم تماما و انا عارف ان حل الإستعمال حل نص لبة زى ما بيقولوا لكن للأسف فى أوقات كتير مش بتلاقى القطع اللى أنت عايزها أو بتبقى موجودة بس مشكوك فى منشأها و كمان الصنيعى كتير بيفضل أنه يستخدم قطع إستيراد علشان بيقدر يفرق بين الكويس و الوحش فيها و بيقدر يرجعها لو ماكنتش سليمة و ده صعب أن يحصل فى الجديد
بس أنا مع حضرتك أن ده حل للمضطر و ليس الحل الأمثل و شاكر جدا لإهتمامك

**x_gomgom** · 23-07-2009 08:01 PM

هو لاسف حل للمضطر انك تجيب استيراد و انا محطوط بالفعل في الموقف دا حاليا بس هتعمل ايه انت مضطر في ظل غياب قطع الغيار..
انا حاليا مشكلتي ان المارش مش نافع بسبب اني كنت بحمل علي المارش في الدواره لان البطاريه كانت نايمه مما ادي لتلف ملف المارش الداخلي... و الحل مارش استيراد!!!!
طبعا انا حزين جدا لاني اولا مش مطمن لاستيراد ثانياً انا مش عارف المارش دا او اي ان كانت القطعه اللي هنجيبها استيراد دي ايه ظروفها....
و ربنا يسترها علينا جميعا..
شكراً

**Truman** · 23-07-2009 08:24 PM

المشاركة الأصلية كتبت بواسطة x_gomgom

هو لاسف حل للمضطر انك تجيب استيراد و انا محطوط بالفعل في الموقف دا حاليا بس هتعمل ايه انت مضطر في ظل غياب قطع الغيار..
انا حاليا مشكلتي ان المارش مش نافع بسبب اني كنت بحمل علي المارش في الدواره لان البطاريه كانت نايمه مما ادي لتلف ملف المارش الداخلي... و الحل مارش استيراد!!!!
طبعا انا حزين جدا لاني اولا مش مطمن لاستيراد ثانياً انا مش عارف المارش دا او اي ان كانت القطعه اللي هنجيبها استيراد دي ايه ظروفها....
و ربنا يسترها علينا جميعا..
شكراً

عندك حق قطعة زى المارش فيها دواير كهربائية أو ميكانيكية بلاش تجيبها مستعملة - ممكن تسأل عند حمدى لادا فى شاع دمشق مصر الجديدة أن شاء الله هتلاقى عنده هو صحيح حراق و بيقفل على الساعة 8 بالليل بس غالبا هتلاقى عنده و بالتوفيق أن شاء الله

**x_gomgom** · 23-07-2009 09:32 PM

للاسف مفيش مارش جديد كامل ...
عشان كدا بقول متخايش اعتمادك ( وكلنا على الله) على الاستيراد في ظل وجود الجديد ....
و في محل اخر بمناسبه حمدي لادا عندك الفهد دا برضه محترم جدا و مش حراق قوي
شكراً ليك

**yasoxp** · 24-07-2009 12:28 AM

ياجماعه موضوع تربيط العفشه فى اللادا ده امر صحى جدا للعربيه انا اول مجبي العربيه وبعد حوالى 3000 كم انا رحت عند عفشجى معرفه اربط عنده العفشه فأقترحت عليه انو بعد ميربط على الصواميل يضيف لكل صاموله واحده تانيه بعدها بنسميها صاموله زنق حيث بعد هذه العمليه لا يمكن ان تحل الصواميل مره اخرى من مكانها (عامل مهندس عليه بحكم شغلى) راح لفحنى الكريمه وقلى التى

اولا ان تربيط العفشه بيرجع للاستخدام يعنى لو انتا بتعدى عل مطابات وطرق كتير غير ممهده هتحتاج تربط عفشه كتير بعكس اللى عايش فى مكان مفهوش اى مشاكل فى الطرق

ثانيا ان مع كل مطب ونقره فى الارض بيحصل تحميل قوى على العفشه وبدل ان يتسبب المطب او غيره فى اعوجاج الشدادات الوة التأثير على المقصات والبيضات بيحصل ان الصواميل بتسيب يعنى سنون بتعدى من الصاموله وده اللى بيخلينا عايزين نروح نربط عليها تانى يعنى دى حمايه للعربيه مش عيب قوى جدا ثانيا كل من يشترى اللادا عارف انو هيحتاج يتابع العفشه بأستمرار

ثالثا التعامل مع انسان امين لا اكتر الصنايعيه معدش عندهم ضمير وتربيط العفشه شغلانه بسيطه والعائد منها يكاد يكون صغير فالاكثريه منهم مبتعملش الشغلانه ميه فى الميه بيسيبو حاجه ترجعلهم بيها بعد اسبوع

يعنى اللى بيربط العفشه لازم يتأكد من الاتى

1- الصنايعى ربطله على العفشه الامامه والبيضات طلها
2- صلايب عمود الكردان وقطعه الصاج الحمايه لانها بتعمل صوت بتحسسك ان العشه سيبه
3- تربيط العفشه الخلفيه برده مش اللى قدام بس برده ورا لازم يشيك عليها

بالنسبه لموضوع المساعدين عندنا فى الاسكندرية بنركب مساعدين التيوتا اليابانى الدبابه وده بعد انتهاء العمر بالمساعدين الفبريكه بيركبو بدل المساعدين اللى ورا اما فى الامام ففى مساعدين المانى من الاخر

اهم حاجه من الاخر الصنيعى لانو هو العامل الاساسى وهو اللى بيدلك على قطعه الغيار الجيده ويبعدك عن المضروبه

من الاخر راضى الصنيعى واديلو اكتر من حقه هيزبطك